චතුරාර්ථ දේවාදිත්‍ය ගාර්දියවසම් ලිදමුලගේ රෝයි ඇලෝෂියස් පීලික්ස් ද සිල්වා

 

චතුරාර්ථ දේවාදිත්‍ය ගාර්දියවසම් ලිදමුලගේ රෝයි ඇලෝෂියස් පීලික්ස් ද සිල්වා මාතලේ යටවත්තේදී ජන්ම ලාභය විය.යටවත්තේ සිංහල පාසැල මොරටුව ශාන්ත සෙබස්තියන් විදුහල මරදානේ ශාන්ත ජෝසප් යන විදුහල් තුලින් අධ්‍යාපනය ලබා තිබේ. ඉගෙනුම ලබන කාලයේ සිටම රංගනයට ඇල්මක් විය පවුලේ සාමාජිකයන් සමග ද මුලින් රංගන කළේය.මනප්පුවා ගේ චරිතය දක්ෂ ලෙස අනුකරණය කළේය.ප්‍රේම් ජයන්තට ඇලුම් කල ඔහු ඒ ආකාරයට හිස පිරුවේය.ස්ටැන්ලි පෙරේරා ගේ සිහින් උඩු රැවුල අනුව සකස් විය.මොරටුවේදී ගිටාර් වාදකයෙක් හා ගායකයෙක් ලෙස ප්‍රකට විය."සොහොයුරෝ" චිත්‍රපටයට ළමා නළුවකු සොයන බව අසා කදානේ චිත්රාගාර්යට ගියේ පාසල් අදුමිනි.එස්.එම් .නායගම් ඔහුට නැවත පාසල් යනලෙස තරයේ කියා සිටියේය.සිරිල් පී.අබේරත්නයන් ගේ සුදු  මැණිකා චිත්‍රපටයට රෝයි තෝරා ගත්තේය.නමුත් ඒ චිත්‍රපටය නිෂ්පාදනය නොවීය."සුජාගේ රහස " සදහා නළු නිලියන් තෝරන විට රෝයි ඉදිරිපත් විය.අධ්‍යක්ෂක පී.නීලකන්ටන් රොයිට කැමති වුවේ ඉන්දියාවේ ප්‍රකට නළුවෙක් වන ජෙය ශන්කර් ගේ හැඩ හුරුකම රෝයි ට වූ නිසාය."සුජාගේ රහස " නීති වේදියා ලෙස රෝයි ද සිල්වා ගේ ප්‍රථම සිනමා ආගමනය විය.සුදුදුව, සැනසිලි සුවය,සැගවුණු මැණික ,රුහුණු කුමාරි ,උතුම් ස්ත්‍රිය පික් පොකට් ,සුමුදු භාර්යා රෝයි ගේ සිනමා ජිවිතයේ මුල් රංගනයන් වේ.1970 පසුව තරුවක් ලෙස මුදුන්  පෙත්තට එන්නේ ජෝ දේව් ආනන්ද ගේ  ගීතා, සුජීවා,  සුකිරි කෙල්ල ,  චිත්‍රපට තුලිනි. එසේම සිනමාවේ රෝයි සුමනා යුගයක් .බිහිවන්නේ ද හතර පෙරලිය ,සුනේත්‍රා, ඔබයි මමයි, ආදිය තුලිනි.හතර පෙරළියේ දී තවත් පෙරලියක් වී සුමනා සමග ගොඩනැගුන පෙම් සබදතාව 1975 දෙදෙනාගේ විවාහයේ  ප්‍රතිපලය විය.මුලින් තමා ප්‍රියකළ ස්ටැන්ලි පෙරේරා සමග සිනමා  අධ්‍යක්ෂණයට රෝයි අත  ගැසීය.1977 ටොම් පචයා ප්‍රථම නිර්මාණය වේ.දැවෙන පිපාසය,.සමනල කුමරියෝ ,සිගපූර් චාලි ,හතර වටේ,මේ දෑස කුමටද .සිනාවයි ඉනාවයි,ශීලා ,මගේ නංගි ශ්‍යාමා ,රන්වන් රේකා ,රන්තිලකා ,සුදු පරවියෝ,හොද හිත,මගේ රන් පුතා,දීපාන්ජලි ,සමන්මලී,මිනිසුන් අතර මිනිහෙක්,අනුෂා,සිල්වා,ආදර රත්නේ,මිහිදුම් සිහින ,සැනසුම ආදී චිත්‍රපට ද රෝයි ගේ විවිධ චරිතාංග වලින් ඔපවත්  වුවේය.පෙති ගෝමර,ඔබට දිවුරා කියන්නම්,අහිංසා,රස රහසක්, අම්මේ ඔබනිසා , අංගුලිමාල ,ඔක්කොම රජවරු,හොදින් නැත්නම් නරකින්,මඩු සිහින ,ක්‍රිස්තු චරිතය,ඔබට පමණයි ආදරේ,ජය ශ්‍රී වේ කුමරියේ ,සුරනිමල,මුවන්පලස්සේ කදිරා,සාගර තිලින ,ජායා මායා,පරිත්‍යාගය,සසර සැරිසරන තෙක් ඔබ මගේ,මැවිලා පෙනේවි රූපේ,කම් ඕ ගෝ චිකා ගෝ ,යසස ,නොහඩන් කුමරියේ,ආත්මා,සුදු පිරුවට,අපායේ තප්පර 84 දාහක් ,සංසාර ප්‍රාර්ථනා,මයි නේම් ඉස් බන්දු චිත්‍රපට ද රෝයි ද සිල්වාගේ රංගනයෙන් ප්‍රේක්ෂක හදවත් මුසපත් කළේය.රෝයි ද  සිල්වා මූලික වශයෙන් හාස්‍ය චිත්‍රපට අධ්‍යක්‍ෂවරයකු වූ අතර ඔහු ශ්‍රී ලංකාවේ සිනමා කර්මාන්තයේ සාර්ථකම වාණිජ චිත්‍රපට  අධ්‍යක්ෂවරයකු බවට පත් විය. ඔහුගේ පළමු අධ්‍යක්ෂණය වූයේ 1977 දී ස්ටැන්ලි පෙරේරා සමඟ අධ්‍යක්ෂණය කළ ටොම් පචයා චිත්‍රපටයයි. 2016 දක්වා ඔහු චිත්‍රපට 33 ක් අධ්‍යක්ෂණය කළ අතර, චිත්‍රපටවලින් සියයට 70 කට වඩා වැඩි ප්‍රමාණයක් පහසුවෙන් දින 100 පසුකර බ්ලොක්බස්ටර් ජනප්‍රියත්වයට පත්විය.ඒවා අතර තැන ගිරවි,මිහිදුම් සිහින,කඩවුණු පොරොන්දුව (නැවත නිෂ්පාදනය )සුමිතුරෝ,හිත හොද කොල්ලෙක් ,තාත්ති මන් ආදරෙයි,ගෙදර බුදුන් අම්මා,මඩු සිහින්,හිත හොද පුතෙක්,චෙරිඕ ඩොක්ටර් ,ඔක්කොම කණපිට,සුරයන් අතර වීරයා,ජීවන් මල්ලි, ලවු 94,විජේ සහ අජේ,චෙරිඕ කැප්ටන්,චෙරිඕ ඩාලින් ,රඹා සහ මදු ,රෑ දනියෙල්  දවල් මිගෙල්  1, රෑ දනියෙල්  දවල් මිගෙල් 2,සහ පෙම් කැකුල ආදිය වේ. සිල්වාගේ පළමු ඉංග්‍රීසි චිත්‍රපට අධ්‍යක්ෂණය 1991 දී ඉට්ස් ද මැටර් ඔෆ් ටයිම් ය. දීර්ග ලෙස දෙබස් කීමේ හැකියාව ද ඔහු සතු විය ගායනයෙන් ද ටොම් පචයා සහ මිනිසුන් අතර මිනිසෙක් හි පසුබිම් ගීත ගැයුවේය.තිර රචනය දෙබස් රචනය ද ඔහු සතුවූ තවත් හැකියාවන් වේ.නිෂ්පාදන දායකත්වය ද චිත්‍රපට කිහිපයකම  දැරුවේය.ආසියාවේ ඔලිම්පික් කවුන්සිලයේ වැඩබලන සභාපති ලෙස සේවය කළේය.2018 ජුනි 30 වන දින ශ්‍රී ජයවර්ධනපුර මහ රෝහලේ හෘදයාබාධයකට  ප්‍රතිකාර ලබමින් සිටියදී ද සිල්වා මිය ගියේය. 2018 සැප්තැම්බර් 1 වන දින ද සිල්වාගේ ස්වයං චරිතාපදානය තාරංගනී ශාලාවේදී එළිදක්වන ලදී. පොතේ නම අඩ  සියවසක සදාදාර රෝයි.නම්වේ.2020 ජුලි 5 වන දින, ද සිල්වාගේ බිරිඳ සුමනා  අමරසිංහ මහත්මිය  රෝයි ද සිල්වා  සිහිපත් කරමින් වසර දෙකක කාලයක් කොළඹ  දානයක් සංවිධානය කළේය.එතුමාට අමාමහ නිවන් සුව පතමු.මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ "ශ්රී ලාංකේය සිනමා වංශය" ග්රන්ථය සහ  ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්  බව ස්තුති පුර්වකව සදහන් කරමි.....

 

1933 වෙන්නප්පුවේ දුම්මලදෙණියේ දී  වර්ණකුලසුරිය කොස්වත්ත ලියනගේ ඇන්ටනි ස්ටැන්ලි ටෙරන්ස් ජස්ටින් පෙරේරා උපත ලැබීය.තල්දෙන ශාන්ත රීටා මිශ්‍ර පාසලෙන් හා වෙන්නප්පුව ජෝශප් වාස් විදුහල් වලින් අධ්‍යාපනය ලද්දේය.'සන්ඩේ ඔබ්සවර්" පත්‍රයේ දැන්වීමකට අනුව සිනමාවට යොමුවන්නේ බී.ඒ.ඩබ්ලිව්.ජයමාන්නගේ මග පෙන්වීමෙනි.1953 බී.ඒ.ඩබ්ලිව්.ජයමාන්නගේම චිත්රපටයක් වූ ප්‍රථමයෙන් සිනමාවට නැගුනු "කැලෑහද" සිංහල  නවකතාවේ ජෝන් ජයපාල ගේ චරිතය සමග එවකට ප්‍රවීණ  නිලි රුක්මනී දේවි සමග ප්‍රධාන රංගනයට භාග්‍ය ලද්දේය.මේ ස්ටැන්ලි පෙරේරා නම් අශය රංගන ශිල්පියාවේ. මේ වනවිට 20 වියැති තරුණයෙකි.1954 නැවත බී.ඒ.ඩබ්ලිව් ගේම "අයිරාංගනී "චිත්‍රපටයේ ගුණසේන තරුණයා ඔහු විය.1956 වසරේම සිනමා නිලියක්වූ ගර්ලි ගුනවර්දන සමග විවාහවිය.විවාහයෙන් පසුව දෙදෙනාම 1956 "දුප්පතාගේ දුක" චිත්‍රපටයේ තිලක් නමැති කැරලිකාර තරුණයා හා ඔහුට පෙම්බදින නාලනී ගර්ලි සමග රග පෑවේය.   .1957 සරදම් හි උදය ලෙස ප්ලොරිඩා ජයලත් ගේ පෙම්වතා විය. 1958 සේපාලි චිත්‍රපටයේ ප්‍රේම් තරුණයා ලෙස ප්ලොරිඩා ජයලත් ගේ පෙම්වතා විය.1961 ගංතෙර චිත්‍රපටයේ ද සිරිමල් හා පියුමා ලෙස ගර්ලි සමග රංගනය විය.1963 සුහද සොහොයුරෝ ,1964 සුබ සරණ සැපසිතේ ,චණ්ඩාලි , සසරක හැටි,1965 සැපත සොයා ,ලාදලු,හතර මහා නිධානය,සොදුරු යුවල,ආදිය  ද ස්ටන්ලිගේ පෙම්වත් චරිත විය.සොදුරු යුවල හි ද්විත්ව චරිතයක් නිරුපනය කළේය.  1966 සුදු දුව,1967 හතර කේන්දරේ,අමතක වුනාද,ඉවසන දනා 1968 ලන්ඩන් හාමු,අක්කනගෝ, වනසරා, රුහුණු කුමාරි රංගන විය.මේවා  අතර ආදායම් වාර්තා ඉහලින්ම වූ චිත්‍රපට ද විය.1969 හතර පෙරලිය,1970 ගීතා,1971 පුජිතයෝ ,සමනල කුමරියෝ,දැවෙන පිපාස ,වෙනස් චරිත වලින් රංගනය විය.1972 සුජීවා,හතර වටේ.ලොකුම හිනාව ,මිරිගුව,1973 සුනේත්‍රා,1975 සුකිරි කෙල්ල,රන්වන් රේඛා.1977 ටොම් පචයා ,1978 සසර,1979 මිනිසුන් අතර මිනිසෙක් .1980 අනුහස ,ගීතා,1982 සදා, කැලැ මල් 1984  GHOSTS CANT DO IT (විදේස චිත්‍රපටය )1985 සදාකල් රැදේවා 1986 මල්දෙනියේ සිමියොන් 1990 වන බඹරා 1991 සළඹ ක් හඩයි දක්වා රංගන වුවේය.මුලින් පෙම්වතා පසුව වැඩිහිටි චරිත කළේය.සැම චරිතයකම ප්‍රේක්ෂක ප්‍රසාදය ලැබුවේය.චණ්ඩාලි හි මොහිදීන් බෙග් ගේ ගීත සමග ජවනිකා හරිම අපුරුය.හතර මහා නිධානයේ උම්බෑ කියා කියා මිල්ටන් පෙරේරා සමග ගීත ජවනිකා සමාජ අසාධාරණයක් ගැන කිවේය. රෝයි ද සිල්වා සමග ටොම් පචයා සම අධ්‍යක්ෂණය කල අතර "සදා " තමන්ම අධ්‍යක්ෂණය කළේය.1956 - 1959 වසර වල ජනප්‍රිය නළුවා ලෙස තේරී පත්විය.1997 ස්වර්ණ ජයන්ති සම්මානයක්,1998 නමස්කාර පුජා විශේස සම්මානයක් රණ තිසර සම්මාන ද ලබා ඇත්තේය.ස්ටැන්ලි ගර්ලි දෙපලට දුවරුන් සිව් දෙනෙකි.ඉන් සබීතා පෙරේරා සිංහල සිනමාවේ රුවැති සම්මානනීය රංගන වෙදිනියකි.ස්ටැන්ලි පෙරේරා මහතා 2011 වසරේජුලි 10 දින දිවි සිනමාවෙන්ම සමුගත්තේ ප්‍රේක්ෂක හදවතේ අමරණීය සිහිවටන තබමිනි.එතුමාට නිවන් සුව අත්වේවා ... මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ "ශ්රී ලාංකේය සිනමා වංශය" ග්රන්ථය සහ ගාමිණී වේරගම මහතාගේ "දේශීය සිනමා වංශය" ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි.ලිපියට අත්‍යවශ්‍ය තොරතුරක් කපිල සිරිමාන්න මහතා ගෙන් ලබා ගතිමි එතුමාට ද මගේ ප්‍රණාමය පල කරසිටිමි.

මුණසිංහ අරච්චිලේගේ දොන් බන්දු

 

අකල්හි බැසගිය .සිනමා තරු බැබලවූ සොදුරු තරුවක් ගැන....  

 මුණසිංහ අරච්චිලේගේ දොන් බන්දු 1936 මාර්තු 16 වන දින කොළඹ බොරැල්ලේ  හි උපත ලැබීය. ඔහු ප්‍රථම වරට අධ්‍යාපනය ලැබුවේ රාජගිරියේ හේවාවිතාරණ  විද්‍යාලයෙන් වන අතර ඔහුගේ ද්විතීයික අධ්‍යාපනය කොළඹ නාලන්දා විද්‍යාලයෙන් ලබා ගත්තේය. ඔහු බොක්සිං ක්‍රීඩකයෙකු ලෙස දස්කම් දැක්වීය. මේ හේතුව නිසා ඔහු පාසලෙන් පසු ටික කලක් හමුදාවට බැඳුණු අතර බොක්සිං කුසලතා පෙන්නුම් කළේය.එම් පී.ගැමුණු ,එම් .පී.ගිල්මන් ඔහුගේ මිතුරන් විය.ඔවුන් ගේ යොමුකිරීමෙන් "වැදිබිම " චිත්‍රපටයේ රගපෑමට කිරිබත්ගොඩ නව ජීවන චිත්‍රාගාරයට ගිය බන්දු ට එහි දී සිරිසේන විමලවීරයන් හමුවිය. 1959 විමලවීර ගේ "මා ආලය කල තරුණිය" චිත්‍රපටයේ රගපාමින් හා සටන් අධ්‍යක්ෂණය කරමින් සිනමා ආගමනය විය.සිංහල සිනමාවේ පළමු සටන් අධ්‍යක්ෂකවරයා වීමේ භාග්‍ය ඔහු ලැබුවේය.දෙවන චිත්‍රපටය 1961 වසරේ තිරගතවූ වැදිබිම වේ.1962 දස්කොන් ,1963 වෙන ස්වර්ගයක් කුමටද ,හා දීපශිකා 1964 සිතක මහිම ,ගැටවරයෝ,1965 හදපාන ,ලාදළු ,සාරවිට ,හිතට හිත ,සතපනහ ,ස්වීප් ටිකට්ස් ද බන්දුගේ රංගන හා සටන් විය . සටන්කාමි දුෂ්ටයා එසේම දුෂ්ටයා ගේ ගෝලයා ලෙස බහුලව රංගන විය.1966 සද නැග එද්දී 1967 හොරුන්ගෙත් හොරු ,දරුදුක,සරණ ,හිත ගිය තැන බන්දුගේ රංගන සටන් විය.1967 දී ජයන්ති මුණසිංහ හා විවාපත්විය.1969 හරිමග ,සුරයන්ගේත් සුරයා 1970 ලක්සෙට කොඩිය,දැන් මතකද  ,ආත්ම පුජා,ඔහොම හොදද ,සුලිසුළං බන්දු  ගේ  දස්කම් විය.1971 දැවෙන පිපාස ,සමනල කුමරියෝ ද 1972 එදත් සුරයා අදත් සුරයා සුජීවා ,සින්ගපුර් චාලි 1973 මාතර ආච්චි ,ගොපලු හද ,හොදම වෙලාව,සුනේත්‍රා,හොදයි නරකයි,හොදට හොදයි,1974 කස්තුරි සුවද ,සුසී,1975 හිත හොද මිනිහෙක්, තරංගා, ආවා සොයා ආදරේ,කෝකිලයෝ,රජ ගෙදර පරවියෝ ,ලස්සන දවසක්,හදවතක වසන්තය ,සංගීතා 1976 නයනා,කවුද රජා,හරිම බඩු  තුනක්, වානරයෝ ,ලෝක හොරු,ඔන්න මාමේ කෙල්ල පැනපි,රන්තිලකා ආදිය ද බන්දු ගේ රංගන මෙන්ම සටන් විය. 1965 දී ඔහු සාරවිට  චිත්‍රපටයේ සිය වෘත්තීය දිවියේ ප්‍රථම වතාවට දුෂ්ට  චරිතයක් සඳහා තෝරා ගන්නා ලදී. පසුව ඔහු ධිවරයෝ, සත පනහ , ස්වීප් ටිකට් සහ දරු දුක  වැනි චිත්‍රපටවල ප්‍රවීණයෙකු ලෙස රඟපෑවේය. ප්‍රධාන දුෂ්ට  චරිත සඳහා මෙන්ම  චිත්‍රපට කිහිපයකම හෙංචයියෙකු ලෙස ද  ඔහු දිගටම කටයුතු කළේය. විශේෂයෙන් සුරයන්ගෙත් සුරයා, එදත්  සුරයා අදත් සුරයා, හතර දෙනාම  සුරයෝ, සිංගප්පූරු චාලි, සුලි සුලං සහ හිතා හොද  මිනිහෙක්. ඔහුගේ සිනමාවේ විශාල දියුණුවක් ඇති වූ චිත්‍රපට වේ.  ඔහුගේ පළමු චරිතාංග  නිරූපණය සිදු වූයේ සේන දයානන්ද විසින් අධ්‍යක්ෂණය කරන ලද තරංගා චිත්‍රපටයෙනි. 1975 දී සතිස් චන්ද්‍ර එදිරිසිංහ ගේ   රජගෙදර පරවියෝ චිත්‍රපටයේ, මුණසිංහ   ඇලෙක්සැන්ඩර් ප්‍රනාන්දු සමඟ හොඳ යථාර්ථවාදී සටන් දර්ශන නිර්මාණය කරන ලදී.ඔහු දක්ෂ කඩුව සටන් විශේෂ .යෙකි. කඩු සටන් ගැන ඔහු ගාමිනි ෆොන්සේකා සහ එච්. ඩී. කුලතුංගගෙන් ඉගෙන ගත්තේය.  1977 සකුන්තලා ,ශ්‍රී මදාරා ,චීන්  චින්  නෝනා ,සිරිපාල හා රන් මැණිකා ,ටොම් පච්යා ,නිවෙන ගින්න,1978 සාර,ටිකිරා,අප්සරා,දීපාන්ජලි,කුමාර කුමරියෝ,අනුපමා චිත්‍රපට ද 1995 මම බය න ශ්‍යාමා ,හිත හොද සුරයෝ දක්වා බන්දු මුණසිංහ රංගනයෙන් සටනින් ඔපවත් විය.1993 දී හදිසියේ රෝගාතුර විය.ඔහුගේ සටන් ගැන එදා මෙදා සියල්ලෝම දනී.දක්ෂයෙකි.නමුත් අකල්හි සමු ගැන්මක් විය. ඔහු 2005 පෙබරවාරි 5 වන දින වයස අවුරුදු 69 දී දිවි සිනමාවෙන් සමු ගත්තේය.උතුම් වූ නිවන් සුව අත්වේවා. මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ "ශ්රී ලාංකේය සිනමා වංශය" ග්රන්ථය සහ ගාමිණී වේරගම මහතාගේ "දේශීය සිනමා වංශය" ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි....

ටෝනි රණසිංහ(රණසිංහ හෙට්ටිආරච්චිලාගේ ඉග්නේෂස් ඇන්තනි සිල්වා)

 රණසිංහ හෙට්ටිආරච්චිලාගේ  ඉග්නේෂස් ඇන්තනි සිල්වා1937 ජූලි 31 වන දින මෝදර හිදී එම්මානුවෙල් සිරිල් සහ ලිලියන් ප්‍රනාන්දු යන දෙදෙනාගේ පවුලේ දෙවන දරුවා ලෙස උපත ලැබීය. ඔහුට පවුල තුළ සහෝදර සහෝදරියන් 8 දෙනෙක් සිටියහ - වැඩිමහල් තැනැත්තා රැලෙක්ස් ය. සෙසු තරුණ සාමාජිකයින් අතර ස්ටෙලා, මාරි, ජිනා, රොම්වෙල්, ක්‍රිස්ටෝපර් සහ දයා ඇතුළත් වේ. ඔහු වත්තල  ශාන්ත අන්තෝනි විද්‍යාලයේ සහ මෝදර  හි ඩි ලාසාල් විද්‍යාලයේ අධ්‍යාපනය ලැබීය. ඔහුගේ පියා තැපැල් හා විදුලි සංදේශ දෙපාර්තමේන්තුවේ කාර්මික නිලධාරියෙකු ලෙස සේවය කළේය. ඔහු ඉංග්‍රීසි ඉගෙනීම සඳහා 1948 දී මෝදර ඩිලසාල් විද්‍යාලයට සම්බන්ධ විය. ඔහු පාසල් කාලයේ ක්‍රිකට් ලෝලියෙකු වූ අතර දොන් බ්‍රැඩ්මන්ගේ ඡායාරූප එකතු කිරීමට පුරුදුව සිටියේය. ඔහු ඉංග්‍රීසි ස්ටෙනොග්‍රැෆික් ශිල්පියෙකු ලෙස සිය වෘත්තීය ජීවිතය ආරම්භ කළ අතර මාස කිහිපයකට පසු රැකියාවෙන් ඉවත් විය.විදේශ චිත්ජ්රපට බහුලව නැරඹු ඇන්තනි රංගනයට ද බෙහෙවින් ඇලුම් කළේය. මුලින් ඇන්තනි සිල්වා භාවිතා කොට පසුව ඇන්තනි රණසිංහ වූ අතර අවසානයේ ටෝනි රණසිංහ ලෙසින් ප්‍රසිද්ධියට පත්විණි. ඔහුගේ වැඩිමහල් සහෝදරයා ප්‍රවීණ ජායාරුප ශිල්පී රැලෙක්ස් රණසිංහ ය. ඔහු තම මිතුරු ආතර් යු අමරසේන සමග සිරිසේන විමලවීර වෙත ටෝනි ව රැගෙන ගියේය.1958 විමලවීරයන් ඇරැඹු "පුංචි අම්මා" හි රාණි රණතුංග සමග ද 1962 සන්ධ්‍යා සමග "රොඩී කෙල්ල "හි රගපැමටද අවස්තාව ලැබුනේය.නමුත් විමලවීරයන් හදිසියේ අභාවයට පත්වූ නිසා චිත්‍රපට දෙකම ඇන හිටියේය. 1962 දී "අපේ කට්ටියේ" වේදිකා නාට්‍යයක් වන   "බොඩින්කරයෝ" නාට්‍යයේ සිරිසෝම ගේ චරිතයෙන් ප්‍රසිද්ධ වේදිකාවට ආගමනය විය.නැවත "රන්තෝඩු " නාට්‍ය යේ පියල් ගේ චරිතයෙන් හොදම නලුවා ලෙස අග්‍රා න්ඩුකාර තිළිණය  හිමිවිය.මෙම සම්මානය අමාත්‍ය ටී. බී. ඉලංගරත්න මහතා විසින් පිරිනමන ලදී. "තට්ටු ගෙවල්" ,"හරිම බඩු හයක්","නිල් කටරෝල් මල්" ,  "විරූපී රුප", "වගුරු බිම" "වැනිසියේ වෙළෙන්දා" ,"ජුලියස් සීසර්","දොළොස්වන රාත්‍රිය","ගිම්හානේ රැයක සිහිනයක්" ආදී  ප්‍රසිද්ධ වේදිකා නාට්‍ය වල රංගනය කල ටෝනි සිනමාවට අවතීර්ණ වන්නේ ලෙස්ටර් ජේම්ස් පීරිස් ගේ "ගම්පෙරලිය" හි බලදාස ගේ චරිතයෙනි.සහජයෙන් තමාගේ රංගන ප්‍රතිභාව සත්ත අභ්‍යාසයෙන් පොතපත කියවීමෙන් වඩාත් මුවහත් කොට ගත්තේය.එසේම ස්ටනිස් ලව්ස්කි  ගේ ත්ත්විධ රූපන න්‍යයන් මාලන්  බ්‍රෑන්ඩෝ ,පෝල් නිව්මන් ,ගාමිණි පොන්සේකා,ජෝ අබේවික්‍රම,හෙන්රි ජයසේන වැනි දෙස් විදෙස් රංගන වේදීන් ගේ ආභාෂය නිබද ලැබුවෙකි.දෙවන චිත්‍රපටය වන්නේ 1964 "ගැටවරයෝ " උඅ එහි පුවත් පත් කලාවේදී ඉලංගසිංහ ය.1965 "සැකය" හි ජයන්ත විය.1966 "පරසතුමල්" හි සිරිසේන වුවාය.එම වසරේම සිහින  හතක්  දොස්තර උපුල් පලිහක්කාර විය. "දෙලොවක් අතර " නිස්සංක විජේසිංහ ය. ටෝනි රග පෑ "කිංකිනි පාද",  "සැනසුම කොතනද" එම වසරේම චිත්රපට වේ.1967 "වසන්ති" "රන්සළු" හි  සිරිල් ඇල්කඩුව , මනමාලයෝ ,සැඩොල් කදුළු ,ද ටෝනි ගේ රංගනයෙන් ඔපවත් විය.1968 වසරේ "ආද‍ර වන්තයෝ", "සිගිති සුරතල්", "හැඟී හොරා ", "ඉදුනිල",සහ "දහසක් සිතුවිලි"  ටෝනි රංගනය  කළේය.1969 ටෝනි ගේ රංගනයෙන්  ඔපවත්වුවේ "ප්‍රවේසම්වන්න"," නාරිලතා", "හරිමග", සහ "හන්තානේ කතාව"යි.1970 පේනව නේද 1971කළණ මිතුරෝ 1971සමනල කුමරියෝ 1972 ආදරේ හිතෙනවා දැක්කම 1973 හත්දින්නත් තරු 1973 සුනේත්‍රා 1973 ගොපලු හඩ 1973 හොදයි නරකයි 1974 දිනුම් කනුව 1974 ශීලා 1974 වස්තුව 1974 සාගරිකා 1975 සුරයා  සුරයාමයි 1975 හිත හොද මිනිහෙක්  1975 කලියුග කාලේ 1975 කෝකිලයෝ  1976 ආදරෙයි මං ආදරෙයි,දුහුළු මලක් ,වල්මත්වූවෝ ,ලෝක හොරු ,ආශා ,දෙයියන් ගේ තීන්දුව ,මංගලා ,ඔන්න මාමේ කෙල්ල පැනපි ,උන්නත් දාහයි මලත් දාහයි, හුලවාලි ,සරදියෙල් ගේ පුතා 1977 සකුන්තලා ,පෙම්බර මධූ 1978 හිත මිතුරා ,මදුවන්ති,වීර පුරන් අප්පු ,සිතක සුවද ,සාරා ,අහසින් පොළොවට 1979 එක හිත ,නුවන් රේණු ,සුභානි 1980 උතුමාණනි ,එක්ටෑම්ගේ ,මයුරි ගේ කතාව,  හෙවනැලි ඇද මිනිස්සු,ගඟ අද්දර,සසරක පැතුම,බඹර පහස ,පරිත්‍යාගය 1981රන් එතනා ,සමාවෙන්න ,සයුරු තෙර ,බාදුරා මල් ,බැද්දේගම1982 යහළු යෙහෙළි,පෙති ගෝමර ,රෑ මනමාලි ,සාගරයක් මැද , වාලම්පුරි,මලට නොඑන බඹරු 1983 සදමාලි ,සමුගනිමි මා සැමියනි ,සමනල සිහින 1984 මායා ,සසර චේතනා ,කෝකිලා ,1985 සුදු මාමා,කලියුගය ,ආදර කතාව,1986 දිනුම ,කොටි වලිගය,දුෂ්‍යන්ති , 1987 ජනේලය ,සත්‍ය ග්‍රහණය 1992 කුලගෙය,සිසිල ගිනි ගනී 1993 සප්ත කන්‍යා 1995 අවරගිර 1997 දුවට මවක මිස ,තරණය ,සාවිත්‍රි ගේ රාත්‍රිය 1998 ඇය ඔබට බාරයි 1999 කොළොම්පූර්,පවුරු වළලු 2000 සරෝජා , අනුරාගයේ අනන්තය 2001 මහා දැන මුත්තයි ගෝලයෝ රොත්තයි, අනන්ත රාත්‍රිය, කිනිහිරියා මල් ,2002 සලෙලු වරම 2003 ලේ කිරි කදුළු සොදුරු දඩබිම  2004දිය යට ගින්දර රන්දිය දහර  ආදී චිත්‍රපට ද ටෝනි ගේ රංග කුසලතාවෙන් ප්‍රේක්ෂක හද මන  බැන්දේය.70 දශකයේ පෙම්වතා ලෙස ඔහු හැඳින්වෙන්නේ ඔහු රඟපෑ ජනප්‍රිය චිත්‍රපට රාශිය හේතුවෙනි. ඔහු බොහෝ දුරට අහිංසක ප්‍රධාන භූමිකාවට පමණක් සීමා වූ අතර එය විචිත්‍රවත් හැඟීම්වලින් පිරී තිබේ. විචාරකයින්ට අනුව, ඔහු ගාමිනි ෆොන්සේකා සහ ජෝ අබේවික්‍රමගෙන් පසු මියගිය ශ්‍රී ලංකා සිනමාවේ අවසන් ඔටුන්න හිමි රජු ය. ඔහු චිත්‍රපට 115 ක රඟපා ඇති අතර ඉන් 43 ක්ම ඔහු ප්‍රධාන නළුවා වූ අතර ඉන් 72 ක්ම ඔහු සහාය චරිතයක් රඟපෑවේය.රංගනයට අමතරව තිර රචනය හා නාට්‍ය නිෂ්පාදනයට දායක විය. ඒවායින් සමහරක් වන්නේ කොටි වලිගය , අවරගිර , තරණය , පවුරු වලලු, කෙලිමඩල  සහ දුවට මවක මිස ආදිය වේ.ඔහු අවර්ජනා, සුවද කැකුළු , රයිගම් යාලුවෝ, එකට ගැටුම , හතේ වසම , මනෝකායා, සූරිය වින්සති  සහ කඩමුන  වැනි රූපවාහිනී කතා මාලා කිහිපයකම රඟපෑවේය. ඔහු ද දක්ෂ කතුවරයෙකි. ඔහු ජෝගි හමරෙයි, හැමදාම ඔබමගේ  සහ මට කවුරුත් ආදරේ නෑ  යන පොත් ලිවීය. ඉන්පසු ඔහු අදාරණිය අයිරා නවකතාව සතිපතා කොටස් වශයෙන්  සරසවිය පුවත් පතට  ලිවීය.බැද්දේගම , හුලවාලි, දුහුලු මලක්, හන්තනේ කතාවා, පවුරු වලලු සහ ලේ  කිරි කදුළු  වැනි විවේචනාත්මකව පිළිගත් බ්ලොක්බස්ටර් චිත්‍රපට කිහිපයකම ඔහු ප්‍රධාන චරිත නිරූපණය කළේය.60 දශකයේ ටෝනි රණසිංහයන් ගේ රංගනය දුටු ඉන්දියාවේ සුප්‍රකට විචාරිකාවක වූ කරන්ජියා පැවසුවේ ටෝනි වැනි කඩවසම් නළුවෙකු මුළු මහත් අග්නිදිග ආසියාවේම නොදුටු බවයි."දෙලොවක් අතර "රන්සළු" "සිහින හතක් "හැන්ඟී හොරා"  "ප්‍රවේසම් වන්න"  වැනි ටෝනි ගේ මුල් කාලින චිත්‍රපටවල ඔහුගේ කඩවසම් රුව දුටු ප්‍රේක්ෂකයෝ උක්ත කියුම අතිශෝක්තියක් නොවූ බව පසක් කොට ගත්හ,ඔහු විවාහ වූයේ දිගුකාලීන පෙම්වතියක  වන සිරිමා ඉන්ද්‍රානි වික්‍රමසූරිය සමඟ ය. විවාහ මංගල්‍යය 1962 අප්‍රියෙල් 30 වන දින පවත්වනු ලැබීය. ලැබීය.රණසිංහ හොඳම සහය නළුවා ලෙස 1966 හි දී සරසවිය සම්මාන උළෙලේ  පරසතු මල් ඉදිරිපත් කළ රංගනයට ලබාගත්තේය  1969 දී හන්තානෙ කතාව,දුහුල් මලක්(1969) සහ අහසින් පොළොවට(1976) හි ඉදිරිපත් කළ රංගනයට හොඳම නළුවා ලෙස සම්මානයට පාත්‍ර වූවා. 1980දී ඔහු ගඟ අද්දර හි ඉදිරිපත් කළ පියාගේ චරිතයට, සහ 1993දී සප්ත කන්‍යා හි රංගනයට සරසවිය සම්මාන, ද  ස්වර්ණ සංඛ, ජනාධිපති සම්මාන සහ ඕ.සී.අයි.සී සම්මාන ලබාගත්තේය.. ටෝනි රණසිංහකොටි වලිගය, කෙළි මඬල, අවරගිර (1995) සහ පවුරු වළලු හි තිර රචනයට සරසවිය සම්මාන ලැබූවා. පසුකලකදී ඔහු දේශබන්දු ගෞරව නාමයෙන්  ද පිදුම් ලද්දේය.2015 ජුනි 16 වන දින දිවි සැරියෙන් සමුගන්නා විට  විට ඔහුගේ වයස අවුරුදු 77 කි.අප්‍රමාන රංග කුසලතා වෙන් පරිපුර්නවූ එදාමෙන් අදත් ප්‍රේක්ෂක හදවතේ නොමියෙන රංග වේදියාට මොක් සුව පතමු.                              මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ "ශ්රී ලාංකේය සිනමා වංශය" ග්රන්ථය සහ ගාමිණී වේරගම මහතාගේ "දේශීය සිනමා වංශය" ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි.....

බෝගොඩ අප්පුහාමිලේගේ දොන් වික්‍රම බෝගොඩ

 බෝගොඩ අප්පුහාමිලේගේ දොන් වික්‍රම බෝගොඩ 1940 ජුනි 16 වන දින යුද සමයේදී නුවර හිදගල මධ්‍යම පාන්තික පවුලක උපත ලැබීය.දරුවන් තිදෙනෙකුගෙන් යුත් පවුලක ඔහු වැඩිමහල් තැනැත්තා වූ අතර එක් සහෝදරයෙක් සහ සහෝදරියන් දෙදෙනෙක් සිටියේය. ඔහුගේ පියා ලංකාවේ විදුලිබල මණ්ඩලයේ සේවය කළ අතර මව පාසල් ගුරුවරියකි. බොගෝඩා අධ්‍යාපනය ලැබුවේ මහනුවර ධර්මරාජ,කොළඹ ආනන්ද සහ පන්නිපිටියේ ධර්මපාල යන විද්‍යාල තුලිනි. පාසල් ජීවිතය තුළ, ක්‍රීඩා ලෝලියෙකු වූ ඔහු පාසලේ හමුදා ශිෂ්‍යභට කණ්ඩායමේ සාමාජිකයෙකි. ඔහු පාසලෙන් පිටවීමට ආසන්නව සිටියදී ඔහුගේ පාසලේ විදුහල්පතිවරයා පාසල් නාට්‍යයක රඟපාන ලෙස ඔහුට උපදෙස් දුන්නේය. එම කාලය තුළ වැනීසියේ වෙළෙන්දා ජනප්‍රිය වේදිකා නාට්‍යයක් වූ අතර සාහිත්‍ය හා නාට්‍ය රංගන අධ්‍යාපනය සඳහා භාවිතා කරන ලදී. බොගෝඩා ෂයිලොක්ගේ චරිතය රඟපෑවේය. එය වේදිකා නාට්‍යයක රඟපෑමේ ඔහුගේ පළමු පියවර බවට පත්විය. ඔහු කිසි විටෙකත් නළුවෙකු වීමට කිසිදු නැඹුරුවක් නොදැක්වූ අතර නිවසේ වාතාවරණයක් හෝ රංගනය කෙරෙහි බලපෑමක් නොවීය. ඔහුගේ පියා අධ්‍යාපනය කෙරෙහි අවධානය යොමු කිරීමටත් රජයේ ගෞරවනීය රැකියාවක් සඳහා අවස්ථාවක් ලබා ගැනීමටත් ඔහුව දිරිමත් කළේය. ඔහුගේ පියාගේ ප්‍රකාශයේ ප්‍රති, ලයක් ලෙස, උසස් පාසල් සහතික පත්‍ර (HSC) විභාගයෙන් පසුව, බෝගොඩ ලංකා බැංකුවට බැඳුණි.ඔහු 1960 ගණන්වලදී 60 දශකයේ මුල් භාගයේ වේදිකා නාට්‍ය අනුවර්තනය කිරීම සඳහා ප්‍රසිද්ධ තරුණ කලාකරුවන් කණ්ඩායමක් වන අපේ කට්ටිය නාට්‍ය කණ්ඩායමට නායකත්වය දුන් ශ්‍රී ලංකා නාට්‍ය රචක සහ නවකතාකරුවෙකු වන සුගතාපාල ද සිල්වා මහතා හමුවිය. බොගොඩ සුගතාපාල ද සිල්වාගේ සහ නාට්‍ය කණ්ඩායමේ සාමාජිකයන්ගේ සමීප මිතුරෙකු බවට පත්විය. මෙම කණ්ඩායමට ටෝනි රණසිංහ සහ සයිමන් නවගත්තගම වැනි ප්‍රකට පුද්ගලයින් ඇතුළත් විය. ප්‍රසිද්ධ වේදිකාවට පළමුව යොමුවන්නේ සුගතාපාල ද සිල්වාගේ බෝඩින්කාරයෝ තුලිනි.පසුව තට්ටු ගෙවල් ,හරිම බඩු හයක් ,තුරග සන්නිය,සහන එලිය, රන්තෝඩු,, ඔන්න බබෝ ඇතින්නියා, තාත්තා, වහලක් නැති ගෙයක්, කැළණි පාලම, යන නාට්‍ය වල විවිධ භූමිකා රංගන කළේය. දිනක් සුගතාපාල ද සිල්වා ලෙස්ටර් ජේම්ස් පීරීස්ට තම වේදිකා නාට්‍යය නැරඹීමට ආරාධනා කළේය. ඒ වන විට වයස අවුරුදු 21 ක් වූ බොගෝඩාට එය අනපේක්ෂිත අවස්ථාවක් විය. බොගෝඩාගේ ගුප්ත කුසලතාවන් දුටු ආචාර්ය පීරිස්, 1963 දී ඔහුගේ එළඹෙන ගම්පෙරලිය චිත්‍රපටයේ ප්‍රධාන චරිතයක් ලබා දීමට තීරණය කළේය.වයස අවුරුදු 21 දී බෝගොඩ තිරයට පිවිසියේ ප්‍රවීණ චිත්‍රපට අධ්‍යක්ෂ ආචාර්ය ලෙස්ටර් ජේම්ස් පීරිස්ගේ මඟ පෙන්වීම යටතේ ගම්පෙරලියචිත්‍රපටයේ ය. මෙම චිත්‍රපටය 1944 දී ප්‍රවීණ ශ්‍රී ලංකා නවකතාකරුවෙකු වන මාටින් වික්‍රමසිංහ විසින් රචිත ගම්පෙරාලියා නවකතාවක් මත පදනම් වූ අතර පසුව නවකතාවේ දෙවන හා තුන්වන යුග කලියුගය යුගාන්තය ලෙස ද සමන්විත වේ. ලෙස්ටර් ජේම්ස් පීරිස් මෙම තුන් ඈදුතු නවකතා තුන පදනම් කරගෙන චිත්‍රපට අධ්‍යක්ෂණය කළේය. තිස්ස නම් චරිතය ලෙස බෝගොඩ ට මෙම චිත්‍රපට 3 හි රඟපෑමට අඛණ්ඩව අවස්ථාව ලැබිණි . මෙම චිත්‍රපටය ජාත්‍යන්තරව ප්‍රදර්ශනය වූ නිසාත් නවකතා ශ්‍රී ලංකාවේ ජනප්‍රිය වූ නිසාත් ගම්පෙරලියෙන් බෝගොඩට සිනමාව තුල උණුසුම් ආරම්භයක් ලබා දුන්නේය. චිත්‍රපට හා වේදිකා නාට්‍ය දෙකෙහිම චරිත රංගනය සඳහා මූලික වශයෙන් ප්‍රසිද්ධ වූ බෝගොඩ 1965 ආදරයයි කරුනාවයි,1966 දෙලොවක් අතර ,කිංකිනි පාද 1968 ගොළු හදවත ,1969 බිනරමලී ,1971 කලන මිතුරෝ සහ සමනල කුමරියෝ ,1973 හත්දින්නත් තරු,1974 අහස් ගව්ව ,1979 පළගැටියෝ ,1981 රන් එතනා ,1983 කලියුගය,1985 යුගාන්තය යන චිත්‍රපට වලින් අපුරු රංගන ප්‍රතිභාවක් මතු කළේය.

නවකතාව සහ චිත්‍රපටය යන දෙකම ගොලු හදාවත, 60 දශකයේ අග භාගයේදී ශ්‍රී ලංකාවේ තරුණ පරම්පරාව අතර ආදර හා ආදර නිරූපිකාවක් බවට පත්විය. බෝගොඩ 1960 දශකයේ අග භාගයේ වඩාත් ජනප්‍රිය නළුවෙකි; විශේෂයෙන් ගොලු හදාවතට ඔහු දැක්වූ දායකත්වය (සුගත් ලෙස) ඔහුට එම ජනප්‍රියත්වය ලබා දුන් අතර ඔහු සුගත් ලෙස ජනප්‍රිය විය. වෘත්තීය සිනමා කලාකරුවන් අතර ඔහුගේ අමතක නොවන රංගනය සහ තිරය මත ඔහු ගෞරවය දිනා ගත්තේය. එය නවකතාවේ සංකීර්ණ ව්‍යාජ චරිතයක් වූ සුගත්ට නිවැරදි චරිත ලක්ෂණයක් ලබා දුන්නේය.බිනරමලී හි බිනරමලී ගේ පෙම්වතා සැමියා සිං න්නෝ ලෙස වෙඩික් කාරයා ගේ අතවරයන්ට ගහට වලට මුන්දෙන වෙළෙන්දා අපුර්ව චරිත විය ,සැබෑ ජීවිතයේ සන්සුන් හා මෘදු ගති ලක්ෂණ ඇති මිනිසෙකු වූ බෝගොඩ සිය රංගන ජීවිතය පිළිබඳව තමාගේම අර්ථ නිරූපණයන් සහ විනිශ්චයන් පවත්වා ගෙන ගියේය.

ලංකා බැංකුවෙන් විශ්‍රාම ගැනීම සහ ඔහුගේ රංගන දිවිය නිමාව ඔහු සිය පෞද්ගලික ව්‍යාපාරයට සහභාගී වෙමින් පෞද්ගලික ජීවිතයක් ගත කළේය. බෝගොඩ සිය රංගන ජීවිතය, පෞද්ගලික සහ පවුල් ජීවිතය අතර කැපී පෙනෙන ඉඩක් පවත්වා ගෙන ගියේය. ඔහුගේ සමකාලීනයන් සඳහන් කළ පරිදි, ඔහු කිසි විටෙකත් ඔහුගේ රංගන ජීවිතය සඳහා අනවශ්‍ය ප්‍රචාරයක් ලබා ගත්තේ නැත. ඔහුට තමාගේම විනෝදාංශයක් තිබුණි; බෝගොඩ හොඳ පාලකයෙක් සහ විවිධ ප්‍රභේදවල සාහිත්‍යයට ඇලුම් කළේය. පාරිසරික උද්යෝගයක් ඇති ඔහු සිය ගෙවත්තේ පිළිවෙලට නඩත්තු කළ අතර පලතුරු වගාවේ නිරත විය. ඔහු ස්වයං රැකියාවක් කරන මිනිසෙකු වන අතර ඔහු රැකබලා ගැනීමට තමාගේම ව්‍යාපාරයක් ඇති අතර කිසි විටෙකත් සිනමාව මත රඳා නොසිටියේය. බෝගොඩ ඔහුගේ ජීවිතයේ අවසාන වසර වලදී අක්මා රෝගයෙන් පීඩා වින්දා. බොගෝඩා 2013 ජනවාරි 15 වන දින සිය නිවසේදී මිය ගියේය. ඔහුගේ අන්තිම කැමති පත්‍රය අනුව ඔහුගේ ශරීරයේ දේහය අධ්‍යාපන කටයුතු සඳහා ශ්‍රී ලංකා වෛද්‍ය විද්‍යාල වෙත භාර දෙන ලදී.සුවිශේසී රංගන ශිල්පියෙක් වූ එතුමාට අපි නිවන් සුව පතමු. මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ "ශ්රී ලාංකේය සිනමා වංශය" ග්රන්ථය සහ ගාමිණී වේරගම මහතාගේ "දේශීය සිනමා වංශය" ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි.....

බන්දුසේන සමරසිංහ

ප්‍රධාන කොට හාස්‍ය රංගන ශිල්පියෙක් වන බන්දු සමරසිංහ රංගන ශිල්පියානන්ට සුභ උපන් දිනක් වේවා චිරන් ජයතු...! බන්දුසේන සමරසිංහ යනු ශ්‍රී ලංකා සිනමාවේ හාස්‍ය නළුවෙකි. ඔහු සිනමාවට ප්‍රවිෂ්ට වූයේ 1973දී සදහටම ඔබ මගේ චිත්‍රපටිය සමඟයි. 1990-2000 වර්ෂයන්හි ක්‍රියාකාරී නළුවෙකු වූ මොහු 1995-2005 දශකයේ සිනමාවේ පෙරලියක් ඇති කලේය.මුල් කාලයේ ප්‍රෙඩී සිල්වා සමග ද පසුව ටෙනිසන කුරේ සමගද හාස්‍ය රංගන ඉදිරිපත් කළේය. රංගන ශිල්පියෙකු, ගායකයෙකු, අධ්‍යක්ෂවරයෙකු, නිෂ්පාදක වරයෙකු වූ මොහු විසින් රෝදය,ලෙෆ්ට් රයිට් සර් වැනි චිත්‍රපට අධ්‍යක්ෂණය හා නිෂ්පාදනය කර ඇත. සිනමාවේදී ඔහු වඩාත් ජනප්‍රිය වූයේ රෝයි ද සිල්වා විසින් අධ්‍යක්ෂණය කරනු ලැබූ රෑ දනියෙල් දවල් මිගෙල් 1-2-3 හා චෙරියෝ චිත්‍රපට මාලාවයි. එතැන් පටන් බන්දු-ටෙනී 2007 තෙක් විකට යුගලයක් ලෙස චිත්‍රපට හි රංගනහි නිරත විය.මේ අතර ඔහු විසින් ද්විත්ව චරිත නිරූපණය කෙරුනු අවස්ථා ලෙස චෙරියෝ කැප්ටන්, කවුද බොලේ ඇලිස්, පිස්සු පූසෝ හැඳින්විය හැකියි. මයි නේම් ඉස් බන්දු හි ඔහු ත්‍රිත්ව චරිත නිරූපණයක්ද දැක්වේ. එම රංගනයන්හි ඔහුගේ නිරූපණය එකකට එකක් වෙනස්ව ඉදිරිපත් කිරීමද ඔහු සතු කුසලතාවයකි.චංචල රේඛා චිත්‍රපටයේ දං චූටිට අනුකම්පා කරන කපිල නම් චරිතය හා රජ්ජුමාලා හාස්‍යයෙන් තොර අද්භූත චරිත නිරූපණයත්, රෝදය චිත්‍රපටයේ අර්ධ හාස්‍ය උප්පාදන චරිතයත් ඔහු හාස්‍ය රංගනයෙන් මිදුණු අවස්ථාන්ය.බන්දු මුල්වරට ගායනයට සම්බන්ද වූයේ නිල්ල සොයා සහ මල් කැකුළු චිත්‍රපටවලිනි. පෙම් පෙම් නද පාවේ,චිත්‍රපට 100 ආසන්නව රංගනය වී තිබේ. නිල්ල නගන කිකිණි රාවේ, බිදු බිදු කඳුළු සලා ගීතයන් හි අත්වැල් ගායනයෙන්ද, පෙරලිකාරයෝ චිත්‍රපටයට එච්.ආර්. ජෝතිපාල සමඟ සිංහයෝ වගේ, සහ ඔහුම විස්කි කඩේ පූසා ගැයන ලදි. මධු සිහින චිත්‍රපටයෙන් අලුත් ඉරක් හා ඔක්කොම කණපිට චිත්‍රපටයෙන් කඳ බැඳලා යන ගීතයන්ද ඔහු ගයනු ලැබූවා බන්දු මුල් කාලයේ සමරසිංහ චිත්‍රපට සමාගමේ නිත්‍ය රංගන ශිල්පියෙක් සේම නිෂ්පාදන විධායකවරයෙක් ලෙසත් කටයුතු කර ඇති අතර එම කල්හි සිනමාවේ කාර්මික අංශය පිළිබඳ හොඳ දැනුමක් ලබා තිබුණි. පළමු ලෙස රෝදය චිත්‍රපටයද, දෙවනුව පෙම්මල් මාලා හා තෙවනුව ලෙෆ්ට් රයිට් සර් ද සිව්වන වරට පීටර් වන් අධ්‍යක්ෂණය කළේය.ඔහුගේ බිරිඳ ස්වර්ණා වන අතර සමරසිංහ තිදරු පියෙකි. ඒ අතර දියණියන් දෙදෙනෙකි, "රසෝඝා යසෝරාවි හා හිරන්නියා චත්රි" යී. ඔහුගේ පුතු "කුමාර කාංචන"යි. ඔහු පීටර් වන් චිත්‍රපටයේ ප්‍රධාන චරිතය රඟදැක්වීය.සුභ උපන් දිනක් වේවා චිරන් ජයතු...!

සුවිනීතා වීරසිංහ

සුවිනීතා වීරසිංහ 1947 මැයි 19 වන දින උපත ලැබීය.ගල්කිස්ස බෞද්ධ බාලිකා විද්‍යාලය ,දෙහිවල මාධ්‍ය මහා විද්‍යාලයෙන් අධ්‍යාපනය ලැබුවේය.පාසල් සමයේ ද වේදිකා නාට්‍ය රංගන විය එසේම ක්‍රීඩාවට නර්තනයට ද වඩාත් ඇලුම් කාලය. උඩරට නැත්ම් කලාව ගාන්ධර්ව විභාගයෙන් ද සමත්විය.ආයුර්වේද වෛද්‍ය විද්‍යාලයට ඇතුලත් වීමේ විභාගයට ද පෙනී සිටියාය.එහි ප්‍රතිපල එන්නට පෙර පුවත් පත්ක වූ නළු නිලි දැන්වීමකට ඉල්ලුම් කාලය.එයින් තේරී රොබින් තම්පෝ ගේ සුහද දිවි පිදුමේ සුළු චරිතයක් රංගනය වුවාය.1963 වසරේ රොබින් තම්පෝ ගේම සුදු සදේ කළුවලා චිත්‍රපටයේ ප්‍රධාන චරිතයකින් පෙරට පැමිණියාය.එම චිත්‍රපටයේ වසන්ති ලෙස බොනිපස් ප්‍රනාන්දු ගේ බිරිද ලෙස රංගනය විය.ඒ ආරම්භයත් සමහ සුවිනීතා ගේ සිනමා ගමන් මග මතුවුවේය.1964 සමාජේ අපි ඔක්කොම සමානයි හි රන්ජනී ලෙස තරුණයන් දෙදෙනෙකු ගේ ආදරයට පාත්‍රවේ. 1965 සුදෝ සුදු හි ගාමිණි ඇදිරි ලෙස ද සුවිනීතා මැණිකේ ලෙසද රංගනය වුවාය.1966 ලෙස්ටර් ජේම්ස් පීරිස් ගේ දෙලොවක් අතර ටෝනි ට මිත්රවූ චිත්‍රා කරුණාරත්න ලෙස රංගනය විය.නැවත 1971 නිහාල්සිංහ ගේ වැලිකතරේපොලිස් අධිකාරි වික්‍රම රන්දෙනිය (ගාමිණී පොන්සේකා ) ගේ බිරිද ගීතා රන්දෙනිය ලෙස රංගනයක් කළේය.1975 සිකුරුලියා හි නාමලී කාන්තිලතා ලෙස නොගැලපෙන විවාහයකට බැදුන තරුණියක ලෙස අමුතුම රංගනයක් කළේය.1976 ලෝක හොරු සහ හුලවාලි හි ද රංගනය විය. හුලවාලි හි කුලත්තෙකුට (ටෝනි රණසිංහ ) පෙම්බැදි හුලවාලී නායකයා (ගාමිණි පොන්සේකා ) ගේ බිරිද ලෙස විශිෂ්ට රංගනයක් මතු කළේය.1977 සකුන්තලා ,1978 සිරිපතුල ,අනුපමා ,සාරා ද 1980 සසරක පැතුමේ.වෛද්‍ය වරිය ශාන්ති ලෙස ද එක්ටැම් ගේ හි දේවිකාද වුවේ සුවිනීතාය.1982 මලට නොඑන බඹරු 1983 සදමාලි,තුත්තිරි මල් 1984 ජය සිකුරුයි,සති පුජා සුවිනීතා ගේ රංගන විය.සති පුජා වෙනුවෙන් 1985 ජනාධිපති සම්මාන උළෙලේ කුසලතා සහතිකයක් ද ලැබුවාය.1985 යුගාන්තයේ නාලිකා කබලාන ලෙස ගාමිණී සමග රංගනය විය.එම වසරේම චන්නයි කෙල්ලෝ දෙන්නයි 1987 ජනේලය හි ප්‍රනාන්දු මහත්මිය ද සුවිනීතාය.1997 බව දුක සහ බව කාර්ම හි ආරච්චි හාමිනේ වුවාය.1998 දැහැන 2000 හංස විලාපය ,පෙම් කැකුල 2001 දරු උපත 2004 මිල්ලසොයා ,රජ්ජුමාලා 2010 ඉරහද යට 2017 බන්ධනය 2018 වස්සානයේ සද ද සුවිනීතාගේ රංගනයෙන් ඔපවත් වුවේය.පුංචි තිරයේ ද ඇගේ රංගන ප්‍රතිභාව මතු කළේය.ඒ බිම් කළුවර ,කළුවර අදුන ,නොනොමි යාත්‍රා ,පිනි වැස්ස ,රන් දලබුවෝ ,සදුන් ගිර ගිනි ගනී,වන්සක්කාරයෝ ආදී නාට්‍ය තුලිනි .ජනමන හද පිනවූ මේ සුවිශේසී කලාකාරියට දීර්ගායු පතමු.

 

1932 වසරේ රක්වානේ උපත ලත් ලාන්ස් ආරච්චි ගේ මාටිනස් පෙරේරා හෙවත් ජනප්‍රිය වහරින් එල්.එම් .පෙරේරා රක්වාන සාන්ත අන්තෝනි විදුහලෙන් මුලින්ම අධ්‍යාපනය ලබා පසුව  මීගමුවේ හරිස්චන්ද්‍ර විදුහලෙන්  අධ්‍යාපනය අවසන් කළේය.එල්.එම් .ගේ සොයුරෙක් වූ එල්.ඊ .පෙරේරා මරදානේ සෙන්ට්‍රල් සිනමාහලේ සේවය කළේය.එල්.එම් .ටත් මෙහි රැකියාව ලැබිණි.සිලෝන් එන්ටටේට්මන්ට්ස් අධිපති ජබීර් ඒ.කාදර් ගේ හදුන්වාදීමෙන් 1956 සිරිල් පී.අබේරත්න ගේ "සුරතලී" චිත්‍රපටයේ පොඩියෙන් නමැති විකට චරිතයෙන් සිනමාවට ආගමනය විය,එක රැයින්ම ඔහු ජනප්‍රියත්වයට පත්විණි. එසේම එහි ඔහු ගැයූ "ආදර සීදේවි ලැබුනේ නැත්නම්" ගීතය ඔහු ගායකයෙක් බවටත්  ජනප්‍රිය විය.1958 'සුනීතා' චිත්‍රපටයේ ද රංගනය කළේය.එහි ද "ඩාලින් මයි ලව්" ගීතය ජී.එස්.බී.රානි පෙරේරා සමග ගැයුවේය.1960 " සුන්දර බිරිද " චිත්‍රපටයේ ද රංගනය විය.එසේම එහි "පාගල යාමුකො හැටේ " ගීතය ද ඉතා ජනප්‍රිය විය.එම වසරේම පිරිමියෙක් නිසා හි රංගනය ද චන්ද්‍රා ලෝකේ පැල් බැදගෙන ගීතය ද ගායනා කළේය.1961" සුවිනීත ලාලනී" හි රංගනය මෙන්ම "ලොකු පොඩි කාටත් " නමැති ගීතය ගැයුවේය.එම වසරේම වැදිබිම ,1962 සංසාරේ ,සුහද දිවි පිදුම,1963 වෙන ස්වර්ගයක් කුමටද ,සුහද සොහොයුරෝ,සුදු සදේ කළුවලා ,දීපසිකා චිත්‍රපට රංගනය කළේය.1964 කල කල දේ පල පල දේ ,සුලලිත සෝබනී ,සුබසරණ  සැපසිතේ ,සැමියා බිරිද ගේ දෙවියාය,සමාජේ අපි ඔක්කොම සමානයි,සුජා ගේ රහස චිත්‍රපට ද ඔහුගේ රංගනයෙන් ඔප විය.විකට රංගන විලාශය හරි අපුරුවකි.දෙබස් උච්චාරණයේ ලා දක්ෂකම බටහිර නළුවන් ගේ ක්‍රියාකාරකම් වලට සමාන විය.සංවාදයෙන් ප්‍රේක්ෂකයා සිනා ගැන්වීම ඔහුගේ රන්ගොපක්‍රමය විය.සාර්ථක වෙළද සිනමා කරුවෙකු වූ රොබින් තම්පෝ ට එල්.එම් නැතුවම බැරි නළුවෙක් විය.50 -60 දශකයේ සාර්ථක නළුවෙක් හා ගායකයෙක් ලෙස දායකත්වය සුවිසාල විය.1965 සැපත සොයා  සහ ලා දලු එල්.එම්.ගේ රංගන විය.1965 ඔහු හතර මහා නිධානය අධ්‍යක්ෂණය කළේය.ධර්මදාස නමැති චරිතය රංගනය කළේය .සමාජයට අවවාද ආදර්ශය දෙන සමාජ ශෝධක චිත්‍රපට විය.ස්ටැන්ලි පෙරේරා රගමින්  මිල්ටන් පෙරේරා ගැයූ උම්බෑ කියා කියා ගීතය වඩාත් ප්‍රේක්ෂක ප්‍රතිචාර ලැබුවකි.1966 මහදැන මුත්තාද එල්.එම් රංගන විය.1967 නැවත හතර කේන්දරේ අධ්‍යක්ෂණය කළේය.සසර කලකිරී මහනවන තරුණයෙක් ලෙස රංගනය ද විය .1967රන් රස  හා හිත ගිය තැන රංගනයට එල්.එම්  එක්විය. 1969 හතර පෙරලිය තුලින් අලුත් යමක් කළේය.ගීතමය නිර්මානයක් ලෙස ඉදිරිපත් කිරීමයි.පෙරේරා ල හතර දෙනකු ගේ දස්කම් අඩු වැඩියක්  ලෙස විචාරක මත කියැවිණි. දඹදිව සිද්ධස්තාන ද චිත්‍රපටයට එකතු කිරීමෙන් අපුරු වෙළද වටිනාකමක් බිහිවිය. ගම් නියම ගම් වලින් සාදුකාර දී මහජනතාව සිනමාහල් වලට එක්වුවේය. එසේම එල්.එම් සිනමා වංශයේ කැපීපෙනෙන හේතුවක් වුවේ චිත්‍රපට කර්මාන්තයේ අනාගතය වෙනුවෙන් ක්‍රියාකාරී අයකු වීමයි.තම අරමුණු වෙනුවෙන් දේශපාලන වේදිකාවට ද එක්විය.1972 රාජ්‍ය චිත්‍රපට සංස්ථාව පිහිට වීමේ කාර්යයේ පුරෝගාමියකු වී තිබේ.1972 එල්.එම් හතර වටේ අධ්‍යක්ෂණය කළේය.ඒ අවසාන චිත්‍රපටයයි. චන්ද්‍රා නමැති සුදු අන්තුවෙක් සොරෙක් ලෙස රංගනය ද විය එල්.එම් .සම්මාන හෝ වෙනත්  ඇගයීම් හෝ නොලබුවේය.හතර ඔහුගේ චිත්‍රපට වලට යොදා ගැනීම ගැන එල්.එම් පවසන්නේ තමා පවුලේ හතර වැන්නා වීම තමාට දරුවන් හතරක් වීම සතර  පෙර නිමිති වැනි දේවල්  මුලික වූ බවයි.ආදායම් අතින් එල්.එම් සාර්ථක වූ නිසා නළු නිලියන්ට කාර්මික ශිල්පීන්ට පවා ප්‍රසාද දීමනා ද ලබා දී ඇති බව ඔහුට ගෞරවයක් ලෙස සදහන් කලයුතුය. ආගමික ප්‍රබෝධය ඇති කිරීම දේශ වාත්ශල්‍ය අතිඅතිකිරීම ඔහුගේ චිත්‍රපට වල හරය විය. 1972 ලොකුම හිනාව ,මිරිගුව 1973 සිනාවයි ඉනාවයි 1974 සුරේඛා 1984 කැකිල්ලේ රජ්ජුරුවෝ 1995 දෙවියනි සත්‍ය සුරකින්න චිත්‍රපටද එල්.එම් ගේ රංගන විය සිනාවයි ඉනාවයි හි කවිකාර ලොකු ලියන සුරේඛා හි බී ඒ චක්‍රවර්ති උපරිම හාස්‍ය මතුකළ චරිත වේ. රංගනය ,අධ්‍යක්ෂණය ,කතාව ,දෙබස් ,නිෂ්පාදනය මෙන්ම සංගීත අධ්‍යක්ෂණය ද එල්.එම් ගේ ප්‍රතිභාවන් අතර වේ.සුවිශේසී කළා කරුවෙක් වූ එතුමාට අපි නිවන් සුව පතමු. මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි

ක්රිස්ටි ලෙනාර්ඩ් පෙරේරා

 

මදුරාවල ආරච්චිගේ ක්රිස්ටි ලෙනාර්ඩ් පෙරේරා 1932 ජූලි 27 වන දින කොළඹලෙයාඩ්ස් බ්රෝඩ්වේ හි උපත ලැබීය. ඔහු කොළඹ ශාන්ත ලුසියා ඉංග්රීසි  විද්යාලයෙන් අධ්යාපනය සම්පූර්ණ කළේය. 1946 දී ඔහු තේවිස් ගුරුගේ සම්බන්ධීකරණයෙන් රේඩියෝ සිලෝන්  ආධුනික වැඩසටහනට සහභාගී විය.  ඔහු විකට නළුවෙකු වූ එඩී ජයමාන්න  අනුකරණය කරමින් මාසික රැගුම් වැඩසටහන් තුලින් වඩාත් ජනප්රිය විය. "පෙර අපගේ සිංහල කාලේ "කුල්ලෙන් පොලා පොලා වැනි ගීත එච්.එම්.වී.තැටි වලට ගායනා කළේය.මව වෙනුවෙන් ද ගීයක් ගැයුවේය."අම්ම කියා කියත හැකි එකම ලදකටයි " ඒ ගීතය වේ.මවට ලැදිව සිටි නිසා විවාහය ද පරමාද විය. පුවත් පත්ක දැන්වීමක් අනුව සිනමාස් සමාගමට ගිය ක්රිස්ටි 1954  ඔවුන් නිපදවූ වරද කාගේද චිත්රපටයේ "ගොබෝ "චරිතය තුලින් සිනමාවට එක්විය.එතැන් සිට සිනමාවේ විකට චරිත රංගනයට එක්විය දශක දෙකකට ආසන්න කාලයක් රංගනයට එක්වුවේය. 1954 රදාළ පිළිරුවේ තෝමස් අයියා ,1954 වසරේම දුප්පතා ගේ දුක ,1956 සුරයා ,1957 සුකුමලී හි නිකමා ,1957 සල්ලි මල්ලි සල්ලි ,1958 සුනීතා ,සේපාලි,1958 සුකුමලී හි පෙන්දා, 1960 සුන්දර බිරිද හි බබා ,1960 වීර විජය හි සුමින්ද කුමරු, 1963 අදට වැඩිය හෙට හොදයි හි  වෑතර ,1963 උඩරට මැණිකේ ,1964 ධීවරයෝ හි ලෙනී ,1964 සිතක මහිම ,1965 චන්ඩියා හි පිනා ,1965 යටගිය දවස ,1965 අල්ලපු ගෙදර සංගීත වාදකයෙක් ,1967 සුර චෞරයා හි පපඩම් , වැනි චරිත සහ රංගනයන්  වඩාත් කැපී පෙනුණු ප්රේක්ෂක යාට විනෝදය ගෙනාවේය.1967  ඉදිරියට ද 1968 වනසරා ,අටවෙනි පුදුමය ,1969 ඔබ නැතිනම්, කොහොමද වැඩේ ,1970 ආත්ම පුජා ,පේනව නේද ,1971 කලන  මිතුරෝ ,1973 හොදම වෙලාව ,1974 දුප්පතා ගේ හිතවතා 1976 ඔන්න මාමේ කෙල්ල පැනපි යන චිත්රපට වල රංගනය කළේය .1979 පසුව රංගන කටයුතු තුලින් සමුගත්තේය.සරල ගී මෙන්ම චිත්රපට පසුබිම් ගායනා වලටද මෙතුමා එක්විය.වැරදුන කුරුමානම,වන සරණ,ධීවරයෝ ,චන්ඩියා ,සුර චෞරයා ,සිතක මහිම,ඔක්කොම හරි , සිරිමලී මේ අතර වේ. මල්ලිකා කහවිට සමග යුග ගායනා ද වේ.සමුහ ගීත වලට වඩාත් එක්ව තිබේ.ප්‍රමාද වුවත් ගුරු වෘතියට සම්බන්ධ මේරි ලොරේටා රොචල් සමග විවාපත් විය. 2015 දෙසැම්බර් 23  වසර 83 දී මෙතුමා දිවියෙන් සමු ගත්තේය.නමුත් සිනමා ප්‍රේක්ෂක හදවත් තුල එතුමා අදත් නොමියේ .අපි මොක්සුව පතමු.  

.මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි

මිල්ටන් පෙරේරා

 

මිල්ටන් උපත ලැබුවේ 1938 මැයි 5 වන දින ජයසිංහ ආරච්චි ගේ එඩ්වින් පෙරේරාගේ පුත්‍රයා වන අතර පියා  තබ්ලා පොඩි අප්පුහාමි ලෙසද හැඳින්වේ. ඔහුගේ පියාගේ අනුදැනුමෙන්  මිල්ටන් තරුණ වියේදී තබ්ලා පිළිබඳ ප්‍රවීණයෙකු විය. ජේ ඒ මිල්ටන් පෙරේරා  කෙට්ටු, අහිංසක තරුණයෙකි. ඔවුන් ජීවත් වූයේ හරිත වීදිය ලෙස හැඳින්වෙන කොටහේන  හි සංගමිත්ත මාවතේ  හි ය. 1940 දී මිල්ටන් රේඩියෝ සිලෝන් වෙනුවෙන් ඔහුගේ පළමු ගීතය ගායනා කළේ "ආලෙහි බැදී  ජීවිත " යනුවෙනි. එය  මොහොමඩ් සාලි තනු නිර්මාණයට ලියනු ලැබුවේ  ඇලෝයි ගුණවර්ධන විසිනි. පසුව ඔහු ගුවන්විදුලියේ ජනප්‍රිය ගීත කිහිපයක් ගායනා විය, "පොඩි පොඩි කාලේ අපි දෙදෙනා ", "ඔබා වේවා පහන  මාගේ",ආදියයි  මිල්ටන් චිත්‍රපට  පසුබිම් ගායනයට පිවිසියේ 1961 කුරුළු බැද්ද  හි අරුණ උදයේ පිපෙන මලසේ   ගීතයක් සමඟිනි. මෙම ක්ෂේත්‍රයේ වසර 30 ක වෘත්තීය ජීවිතය තුළ ඔහු තම හඩ හියුගෝ ප්‍රනාන්දු ,  ගාමිණි  ෆොන්සේකා, ,ජෝ අබේවික්‍රම, ටෝනි රණසිංහ, ඔස්වල්ඩ් ජයසිංහ , ආනන්ද ජයරත්න, ඩී.ආර්. නානායකකර, ඇන්තනි සී.පෙරේරා,ආදී ප්‍රවීනයන්ට ද ඉදිරිපත් කළේය.  1961 ආරම්භවූ චිත්‍රපට පසුබිම් ගායනයේ දී 1963 වසරේ සිකුරු තරුවට හඩ  මුසුවිය.ඒ කුරුළු රෑනකගේ සමගිය නමැති ගීයයි නොයෙල් ගුණරත්නද සහාය විය.එම වසරේම අදට වැඩිය හෙට හොදයි හි සදුන් ගසේ සමන්  මලක් ගීතය ද 1964 ධීවරයෝ චිත්‍රපටයේ අගාද සාගරයේ  ඇත දියේ හා රෑ බෝවී බෝවී එයි ගීත ගායනාකළේය අගාද සාගරයේ ගීතය එදාමෙන් අදත් ජනප්‍රියම ගීතයකි.1964 සුජා ගේ රහස චිත්‍රපටයට ද ගී ගැයුවේය.1965 වසරේ චිත්‍රපට රාශියක පසුබිම් ගායනා වට  අවස්තාව උදාවිය.සත  පනහ ,අල්ලපු ගෙදර ,හිතට හිත ,ආදරයයි කරුනාවයි,හදපාන ,සාරවිට,සුදෝ සුදු ,හතර මහා නිධානය ,චන්ඩියා ,යටගිය දවස ,වැනි චිත්රපටයන්ය. අල්ලපු  ගෙදර චිත්‍රපටයේ සෑම ගීතයක්ම එකසේම එදාමෙන්  අදද ඉතාම ජනප්‍රිය වේ. මහගන වනන්තරේ ,.මේ පිපාසිත ලෝතලේ ,සොබා අලංකාරේ ,ප්‍රේක්ෂක හදවත් දිනා ගත්තතේය.සත පනහ  හි අද දෙවියන් අපගේ මුහුණ බැලුවා ,වැනි ගීතද ජනප්‍රියය. හතර මහා නිධානය හි උම්බෑ කිය කියා ගීතයද සමාජ ශෝධක ගීතයක් වැනිය.හිතට හිත ලියක මහිම බල  ගෝමර ඉසිලා  චන්ඩියා හි උන්නත් දාහයි මරුනත්දාහයි ,මග හිගන  කොටා ,මංගලම් ජය මංගලම් වැනි සමුහ ගීත ද අදටත් එදාමෙන් ජනප්‍රිය වේ.සාරවිට හි සිරිසාර බුලත් විට ගීතය ලොකු කුඩා සම අතරම ජනප්‍රිය ගීයකි.යටගිය දවස හි විනෝද වෙන්න මේවගේ තැනක් ,අතන ළගි මෙතන ලගී හදපාන  හි මේ අපි යන්නේ කොයිබද ආදරයයි කරුනාවයි හි මලින් මලේ රේණු උරා සමුහ ගීතය ,ආදී ගීත ද අදත් ජනප්‍රිය වේ.1966 සේයාවක් පසුපස හි ද ජය හෝ පරාජය ගීතය මිල්ටන් ගායනා කර තිබේ. එම වසරේම  සැනසුම කොතනද හි හන්කිති සුරතල් ගීතය ද වඩාත් ජනප්‍රිය ගීයකි. එසේම එම වසරේ සිහින  හතක් චිත්‍රපටයේ සුපුන් සදක් නැගීලා ගීතය ද අතිශයින්ම ජනප්‍රිය ගීයක් වේ.1967 වසරේ ඔක්කොම හරි,සරුබිම , චිත්‍රපට ද මිල්ටන් ගේ ගීයෙන් ඔපවත් විය.ඔක්කොම හරි හි ආවේ කොයින්දෝ සහ අතුරු මිතුරු පඩි දෙනදා ලන්වන  තුරු ගීත සරුබිම හි කින්කිණි දැල්  සුජාතා අත්තනායක සමග ගැයුවේය. 1968 වනසරා ,හැංගි හොරා, බයිසිකල් හොරා,සිගිති සුරතල්,මිල්ටන් ගේ ගීත එක්විය.හැංගි හොරා හි ගමන දුරයි කිරියෝ ගීතය බයිසිකල් හොරා හිජිවිත රෝදේ කැරකෙනවා ගීතය සිගිති සුරතල් හි නිදහස් කාහල නාදය සරසවි සම්මානයෙන් ද පිදුම් ලැබුවේය.1969 වසරේ බිනරමලී හි රන්පොකුනෙන් දිය නාගෙන එන්නේ සහ බඩුත් එක්ක හොරු හි පරම්පරාවෙන් පරම්පරාවට ගීතය ග ගමනේ කෙලවර මරණේ බව දැන යන යුග ගීතය ද හරිම අපුරු ය.1970 සුලිසුලං හි පායාවි ඈත සුර්ය රශ්මි මාලා ගීය මිල්ටන් ගයා තිබේ.එසේම දැන් මතකද හි හිස් ටින්  එකක් වාගේ සමුහ ගීතය ඔහොම හොදද හි නයනා නීලමනී ගීතයද  ද ගැයුවේය.1971 කේශර සිංහයෝ හි කෙසර සිංහයෝ සමුහ ගීතය හා ශ්‍රීමති තිලකරත්න සමග ගැයූ  සන්සුන් රුවන් හද මන්දිරයේ ගීතයද කතුරු මුවාත් හි කතුරු මුවාත් පිහිය මුවාත් ගීතය  මිල්ටන් ගේ සුවිශේසී ගීත වේ.1974 සහයට ඩෑනී හි ජෝතිපාල සමග  ගී රාග දැලේ ගීතය ද අපුරු ගායනයකි.එම වසරේම සුසී හි මල්සරා හෙමින් විදලා ගීයත් මිල්ටන් ගෙනි.1975 සුරයා සුරයාම්යි හි ගාමිණි ජෝ හිනස්සවන එක දෑතින් මුහුදු   නමැති ගීය මිටන් ගයා තිබේ.ගිජුලිහිණියෝ හි මොරාවී ආදරේ හිතේ ගීය සිකුරුලියා හි කොමල ලියා බොලද ලියා ද අතිශය ජනප්‍රිය ගීතයකි.1976 වසරේ වානරයෝ ,දෙයියන්ගේ තීන්දුව චිත්‍රපට ගීතද අගය කලයුතු වේ.දෙයියන්ගේ තීන්දුව හි සාමානවී ඉපදී ,සසරෙහි සැප සිහිනෙන් ගෑ අදත් ජනප්‍රියත්වයේ ඉහල පවතී. 1977 යලි ඉපිදේ ,සිකුරු දසාව,චින් චින් නෝනා හි ද මිල්ටන් සොදුරු ගී ගැයුවාය.1978 හිත මිතුරා ,සෙලිනා ගේ වලව්ව ,සිරිපතුල ,සිතක සුවද , චිත්‍රපට වලද ඇති සොදුරු ගී ගැයුවාය.1979 විසිහතර පැය ,ගැහැනියක් ,රජ කොල්ලෝ ,ආදී  චිත්‍රපට වල ද ගී ගායනය කරතිබේ.රජකොල්ලෝහි රංගනයක් ද විය.1981 ජීවන්ති ,රංගා ,ගීත මෙන්ම 1983 චුට්ටේ හි  බොලන් නෑනන්ඩි ගීතය මිල්ටන් ගේ තවත් සොදුරු ගීයකි  සුජාතා අත්තනායක ,මල්ලිකා කහවිට ,ශ්‍රීමති තිලකරත්න ,රූපා ඉන්දුමතී,එච් ආර් ජෝතිපාල ,මොහිදීන් බෙග් ,ක්‍රිස්ටි ලෙනාඩ් පෙරේරා ,මුත්තුසාමි මාස්ටර් ,ග්‍රේසන් ආනන්ද ,රුක්මනී දේවි ,ධර්මදාස වල්පොල ,ලතා වල්පොල ,නොයෙල් ගුණරත්න ,එම් එස්.ප්‍රනාන්දු,ඇන්ජලින් ගුනතිලාක ,සරත් සන්දනායක ,රංජිත් පෙරේරා ,නාරද දිසාසේකර යන ගායක ගායිකාවන් සැමග සහාය ගායනා වී තිබේ .පැරණි යුගයේ මෙන්ම නව පරපුරේ සංගීත අධ්‍යක්ෂක වරුන් සමග මිල්ටන් ගී ගයා තිබේ මිල්ටන් ගේ  චිත්‍රපට ගීත තුල කිසිවකු හෝ අකමැති ගීයක් වේදැයි මටනම් සැක සහිතය .ඔහුගේ හද ජීවමාන කිරීමට හැකි පරම්පරාවක් ද මිල්ටන් මෙලොවට දායාද කර තිබේ.ප්‍රියංකර පෙරේරා ඉන් මුලින්ම සිටී.1991 ඔක්තෝම්බර් 24 දින මිල්ටන් පෙරේරා දිවියෙන් සමු ගෙන තිබේ. අදට වසර 31 වන මේ දින එතුමාග රසිකයෙක් ලෙස මේ තොරතුරු උපහාරයක් වේවා ..නිවන් සුව  පතමි සොදුරු අසහාය ගායකයාට....

අනුලා බුලත්සිංහල

 

වේදිකාව, ගීත ගායනය, පුංචි තිරය මෙන්ම සිනමාව තුල විශිෂ්ට දස්කම් පෑ අනුලා මෙන්ඩිස් උපත 1947 වසරේය. අකුරු කලේ මාදම්පේ සුගතානන්ද  මහ විදුහලෙනි.පාසල් අවදියේ සිටම නර්තනයට ප්‍රිය කළේය.එසේම නැටුම් ගායන ආදී තත්ත්ව වලින් සමස්ත ලංකා මට්ටමට ගියේය.ක්‍රීඩා අංශයෙන් ද නායකත්වය දැරුවේය.  උසස් පෙලින් පසුව හේවුඩ් කලායතනයට යාමට සිතා සිටියත් අහඹු ලෙස  සමුපකාර තොග වෙළද සංස්ථාවේ සේවයට බැදිනි.එහි පාලන අංශයේ සිටි ප්‍රවීණ  නාට්‍ය  වේදී ආර් ආර් සමරකෝන් ගේ ඇරයුමෙන් සේවා ස්ථානයේම කලාකවයකට දායක විය.සේවා අවධියේම 1967 ආර් .ආර්. සමරකෝන් ගේ  "ලෙඩක් නැති ලෙඩෙක් " වේදිකා නාට්‍ය තුලින් රංගන දිවියට පිවිසුනාය.එකල ප්‍රවීණ වූ   රන්ජිත් යායින්න ,චන්ද්‍රා කළුආරච්චි ද  මේ නාට්‍ය ට දායක විය.ආර් .ආර්. ගේ "චරිත දෙකක් "නාටකයේද රංගනය කළේය. බර්ටි ගලහිටියාව ගේ ගුවන් විදුලි හද නළුව  රාවණා නාඩගමේ සීතා වුවේ ද අනුලාය. හෙන්රි ජයසේන යන්ගේ ඇරයුමින් කුවේණි චරිතයට පිවිසුනාය. චන්ද්‍රා කළුආරච්චි ගේ  යොමුවෙන් ප්‍රේමරන්ජිත් තිලකරත්න ගේ කෝන්තරය සහ තවත්  නාට්‍ය පහක පමණ රංගනය කළේය.කෝන්තරයේ   රගපාන  අවදියේ ලුෂන් බුලත්සිංහල ද මුණගැසිනි. 1969 අනුලා  නාරද දිසාසේකර  ගේ මගපෙන්වීමෙන් නැවුම් මිහිර ඔස්සේ ගායනා ඉදිරිපත්කොට පසුව 1979  ඒ ශ්‍රේණියේ ගුවන් විදුලි ගායිකාවක් ද වුවාය.පළමුවන සරල ගීතය වුවේ බුද්දදාස ගල්ප්පත්ති  ලිවූ  "සුදුඔසරිය ඇදලා ගීතයයි" විවාහ දිවියෙන් පසුව ඇය අනුලා බුලත්සිංහල නම් විය.ලුෂන් බුලත්සිංහල ලියු "බුදුන් වදින මේ දෑතින් " සිය දියණිය සමග ගායනා කොට තිබේ. .උත්තර භාරතීය රාගධාරී සංගීතය ප්‍රේමදාස  මුදුන්කොටුව යටතේ විශාරද මුල් කොටස  ද හැදෑරුවේය. මහාචාර්ය සරත්චන්ද්‍රයන්  සුගතපාල ද සිල්වා  සුනන්ද මහේන්ද්‍ර දයානන්ද ගුණවර්ධන ආදී ක්ෂේත්‍රයේ ප්‍රවීනයන් ගේ නාට්‍ය වලට අනුලා දායක වී තිබේ.නාට්‍ය ජීවිතයේ මිතුරිය මෙන්ම ඉදුම් හිටුම් පවා ලබාදුන්නේ චන්ද්‍රා කළුආරච්චි රංග වෙදිනිය වේ. මහාසාර නාට්‍ය යද අනුලා රංගනය කළේය. 1974 ලුෂන් බුලත්සිංහලයන් ගේ රතුහැට්ටකාරී කරලියට පැමිණියේය.දී කිරි ගීතයත් සමග දිවයින පුරාම මේ නාට්‍ය ඉතාම ජනප්‍රිය විය.රාජ්‍ය සම්මානයෙන් පිදුම් ලැබීය.තාරාවෝ ඉගිලෙති නාට්‍ය ද අනුලා ගේ රංගන විය.පුංචි තීරයේද අනුලා ගේ රන්ගනවිය." භවත්‍රා 'ටෙලි නාට්‍ය ය ඉන් විශේසිතය සිනමාවේ ද අනුලා "නිල්  දිය යහන" ,"මහින්දාගමනය", "අසන්ධිමිත්තා " ගෝල් යන චිත්‍රපට සදහා සිය රංගන දායකත්වය ලබාදිණි.අනුලා බුලත්සිංහල නම්  රන්ගවේදිනිය ගායිකාව වසර 73 ගෙවමින් සිටියදී අද දින (2020 10 16)  දිවියෙන් සමු ගත්තේය.එතුමියට නිවන්සුව පතමු.

ෂර්ලි බ්ලයිත්

 මේබල් බ්ලයිත් ගේ නැගණිය ෂර්ලි බ්ලයිත් 1939 නුවරඑළියේ දී උපත ලැබුවේය.නුවරඑලියේ  යහපත් එඩේරාගේ කන්‍යාරාමයෙන් ද අධ්‍යාපනය ලබා තිබේ.බී.ඒ. ඩබ්ලිව්. ජයමාන්න ගේ හදුන්වා දීමෙන් 1950  "හදිසි විනිශ්චය"  චිත්‍රපටයෙන්  සිනමාවට පිවිසිණි. එවිට ඇගේ වයස වසර 11 පමණ විය.රුක්මනී දේවිය ගේ බාල අවධිය නිරුපනය කලේ ෂර්ලි ය.1951 වසරේ "සැගවුන පිළිතුර" චිත්‍රපටයේ එන සාලිය අසෝකමාලා නැටුම් දර්ශනයේ චණ්ඩාල ගැහැණු ළමයෙක් ලෙස රංගනය කළේය.1952 "උමතු විශ්වාසය" චිත්‍රපටයේ ද ළමා චරිතයක් රංගනය කර තිබේ 1958 ".වනලිය " චිත්‍රපටයේ කතා නායිකාව වූ අතර ත්‍රිත්ව චරිතයක් රංගනය කල ප්‍රථම දේශීය රංගන ශිල්පිනිය ෂර්ලි වේ. අනාථ වන තරුණිය පසුව සොර කණ්ඩායමකට එක්ව එහි නායිකාව වන අපුරු චරිතයක් රංගනය කළේය.1959 "හදිසි විවාහය "චිත්‍රපටයේ වයිද්‍ය වරයෙකුගේ දියනය සුවිනීතා ලෙස රංගනය කළේය .එම චිත්‍රපටයේ සොයුරිය මේබල් ද රංගනය කළේය. දෙදෙනා විරසක දෙදෙනකු ලෙස චරිත මැවුවෝය."අයිරාංගනී ",මතභේදය" ,"දයිව විපාකය" ,"ජීවිත පුජාව" යන චිත්‍රපට වලද ෂර්ලි රංගනය කළේය."හදිසි විවාහය" චිත්‍රපටයේ ෂර්ලි හා රංගනය කල සිසිර පියසේන සමග ෂර්ලි විවාපත් විය.ෂර්ලි බ්ලයිත් හා මේබල් බ්ලයිත් දෙදෙනා ගේ සොයුරිය 1942 උපන්  ප්‍රින්සි බ්ලයිත්ය."උමතු විශ්වාසය"චිත්‍රපටයේ ළමා චරිතයකින් සිනමාවට එක්විය. "අයිරාංගනී ", "දයිව විපාකය".යන චිත්‍රපට වලද රංගනය කළේය නමුත් වැඩිමල් සොයුරියන් මෙන් ප්‍රකට වීමට ප්‍රින්සිට නොහැකි වුවේය.පසු කලෙක ඔවුන් එංගලන්තයට ගියේය.ෂර්ලි "දයිව විපාකය" ,"වනලිය" ,"හදිසි විවාහය "යන චිත්‍රපට සදහා පසුබිම් ගායනයටද දායක විය."දයිව විපාකය" චිත්‍රපටයේ මොහිදීන් බෙග් සමග ගැයූ  "සාගර හිමිය සොයා රූබර නදිය ගියා","සුරතලියේ සුකොමලියේ "ගීත  අදත් සිනමා රසිකයන් ගේ හද පිනවන ගීත වේ.මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි  

මේබල් ජොසපින් බ්ලයිත්

 

මේබල් ජොසපින් බ්ලයිත්  1930 මාර්තු 28   මහනුවර දී උපත විය.  මහනුවර  යහපත්  එඩේරාගේ  කන්‍යාරාමයෙන් හා නුවරඑලියේ  යහපත් එඩේරාගේ කන්‍යාරාමයෙන් ද අධ්‍යාපනය ලබා තිබේ.ජෙමිනි කාන්තා ගේ යොමුවෙන් බී.ඒ.ඩබ්ලිව්.ජයමාන්න ගේ හදුන්වා දීමෙන්   සිනමා නිලි වරම් ලද්දේය .1949 "පෙරලෙන ඉරණම " චිත්‍රපටයෙන් සිනමා ආගමනය විය.1950 වසරේ "හදිසි විනිශ්චය" චිත්‍රපටයේ ශ්‍රීමති ලෙස  රංගනය වූ අතර "මගේ මවුනි" ගීතය ගයමින් පසුබිම් ගායනයට ද එක්වූවාය.1951 වසරේ " සැගවුන පිළිතුර " හි නැන්සි ගේ  විකට චරිතය රංගනය කළේය.1952 "උමතු විශ්වාසය " 1953 "කැලැ හද" හි මිසී ලෙස රංගනය විය.1954" අයිරාංගනී  " 1955" මතභේදය " සහ "පෙරකදෝරු බැණා "  මේබල් රංගනය විය.මුල් අවදිය විකට චරිතම වුවත් 1956 "දයිව විපාකය" හි සෙසු  ප්‍රධාන චරිතයකට යොමු විය.මෙම ච්ත්‍රපටයේ "සරා ගොයියා හරි මිනිහා" ගීතය ගයන්නේ මේබල්ය එය විනාඩි නවයක පමණ දීර්ග ගීතයකි.එසේම එකල ඉතා  ජනප්‍රිය ගීයක් වුවාය. 1958 "වනලිය" චිත්‍රපටයේ ප්‍රධාන  පොලිස් කාන්තාවක් විය තම නැගණිය එම චිත්‍රපටයේ සොර කණ්ඩායමක නායිකාවයි. ඇය ඇල්ලීමට එන්නේ මේබල්ය. 1959 "හදිසි විවාහය " හි වැලිවිට ගේ දියණිය ඇනීටා වුවේ මේබල් ය.එය සුදු කළු චරිතයකි.1961" ජීවිත පුජාව " හි හෙදියක ලෙස රංගනය කරන මේබල් අවසානයේ වෙනකෙනකු බේරා ගැනීමට තමන්ගේ ජීවිතය පුජා කරයි .ශෝචනීය රංගනයක් විය.1963" මංගලිකා " චිතරපටයේ ද 1964 "කල කල දේ පල පල දේ " එම වසරේම "සුජාගේ රහස " 1966 "සැනසුම කොතනද"1967"පිපෙන කුමුදු", "මගුල් පෝරුව" ,"සරන" ,යන චිත්රපට තුනක් රංගනය විය.1970 පසුව වැඩිහිටි චරිත රංගනයට යොමු විය."ගීතා " සුජීවා" සුකිරි කෙල්ල" හරියට හරි ""කඩවුන පොරොන්දුව' නව නිෂ්පාදනය හි ජොසී බබා" රත්තරන් කන්ද " චෙරියෝ ඩොක්ටර්" ජයවේ කුමරියේ" ජීවන් මල්ලි "මේබල් ගේ රංගනයෙන් ඔපවත් වුවාය.එම් .ජී ආර්. සමග චන්ද්‍රබාබු සමග දකුණු ඉන්දීය චිත්‍රපට වලද මේබල් රංගනය කර තිබේ.රංගනයට උදෙසා ඕ .සී .අයි.සී .සම්මාන සරසවිය සම්මාන රණතිසර සම්මාන මේබල් බ්ලයිත් උපහාර ලෙස ලැබුවේය.මතභේදය චිත්‍රපටයේ නර්තනය ද මේබල් විසිනි.හදිසි විනිශ්චය ,සැගවුන පිළිතුර ,උමතු විශ්වාසය ,කැලෑ හද ,අයිරාංගනී, මතභේදය ,දයිව විපාකය ,වනලිය ,හදිසි විවාහය ,ජීවිත පුජාව ,මංගලිකා යන චිත්‍රපට වල පසුබිම්  ගීත 30 කට වැඩි ප්‍රමාණයක් ද මේබල් බ්ලයිත් ගායනා කොට තිබේ, මම මනමාලි ඔබේ ,සරා ගොයියා,ආදරේ නොයය මැකී වැනි ගීත අදත් රසික ප්‍රේක්ෂක සිත් වසග කල ගීත වේ.මෙතුමිය 83 වන වියේදී එනම් 2004 වසරේ දිවි සිනමාවෙන් සමුගත්තේය.අදත් එතුමිය ගේ නිර්මාණ අගේය.අපි මොක්සුව පතමු. මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි 

ශෝභනි අමරසිංහ

1944 වසරේ රුවන්වැල්ල ගමේ පද්මා නාලනී උපත ලබා තිබේ.ගල්කිස්සේ බෞද්ධ  බාලිකා විද්‍යාලයෙන් අධ්‍යාපනය ලැබුවාය. බාල වියේ සිටම නැටුමට මහත් ප්‍රියතාවක් දැක්වූවාය.එබැවින් ශේෂා පලිහක්කාර ගෙන් නර්තනය හදාළේය.ශේෂා ගේ යොමු කිරීමෙන් 1964 වසරේ මයික් විල්සන් සහ තිස්ස ලියනසු  රිය අධ්‍යක්ෂණය කල ශේෂා පලිහක්කාර නිෂ්පාදනය කල "ගැටවරයෝ "චිත්‍පටයේ ප්‍රධාන චරිතයක් වූ ගැමි යුවතිය කරුණා ගේ භූමිකාව රංගනයට එක්වුවේ පදිමා නාලනී ය..පණ්ඩිත් අමරදේවයන් ගේ නිර්දේශයෙන් පද්මා නාලනී ශෝභනි අමරසිංහ නම් විය.තමා රංගනය කල ප්‍රථම චිත්‍රපටයෙන්ම හොදම නිළිය ලෙස සම්මානයට පාත්‍රවීමට ශෝභනි භාග්‍යවන්ත වුවාය.එසේම එවකට ජනප්‍රිය විශිෂ්ට රංග වේදියෙක් වන ගාමිණි පොන්සේකා සමග රංගනයට එක්වීමත් වාසනාවකි."ගැටවරයෝ "හොදම චිත්‍රපටය ,හොදම නිළිය,හොදම අධ්‍යක්ෂක ,හොදම කැමරා ශිල්පී,හොදම ගීත රචනය ,හොදම ගායකයා හොදම ගායිකාව ,ලේ සම්මාන හතක් ලැබුවාය.ලත වල්පොල හොදම ගායිකාව වූ අතර එම ජවනිකාව නිරුපනය වන්නේ ද ශෝභනි අමරසිංහ ගාමිණි ජෝ ආදීන්ය.1965 තිස්ස ලියනසුරිය ගේ "සාරවිට" චිත්‍රපටයේ ළමා නිවාස පාලිකාව වුවේ ශෝභනි ය.1969 හන්තානේ කතාවේ ශෝභනි වසන්ති නම් විශ්ව විද්‍යාල ශිෂ්‍යාවක් වුවාය.1970 වසරේ ශේෂා පලිහක්කාර ගේ  "ලක්සෙට කොඩිය "හි කුසුමා ලෙස ප්‍රධාන චරිතය ශෝභනි රංගනය කළේය.පරිපාලන නිලධාරියෙක් වන ලලිත් හීන්ගම මහතා හා මෙතුමිය විවාපත් වුවාය.ඉන්පසුව මෙතුමිය සිනමාවෙන් සමුගත්තාය ... මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි .

බොනිපස් ප්‍රනාන්දු ....

 

කුරුකුලසූරිය ගේබ්‍රියල් බොනිපස් ප්‍රනාන්දු 1934 වසරේ දී මීගමුවේ උපත ලද්දේය.මීගමුවේ ශාන්ත මරියා විදුහලෙන් අධ්‍යාපනය ලබා තිබේ.සිනමාස් සමාගමට අයත් මීරිගම මිහිර සිනමා ශාලාවේ කළමනාකරු ලෙස වෘතිය ජීවිතය අරඹා තිබේ.එහිදී ඔහුට මුණගැසෙන ඩබ්ලිව්.බෙනඩික් ප්‍රනාන්දු හා චාල්ස් පෙරේරා ගේ උපකාරයෙන් සිනමා රංගනයට පිවිසිණි.1956 ඒ.බී.රාජ් ගේ "රම්‍යලතා "චිත්‍රපටයේ සුළු රංගනයක් සමග සිනමාවට එක්විණි.1958 වසරේ ද "සොහොයුරෝ" චිත්‍රපටයේ ද  රංගන යට එක්විය. රොබින් තම්පෝ හදුනා ගැනීමෙන් පසුව 1959 රොබින් තම්පෝ ගේ "සිරිමලී"චිත්‍රපටයේ ප්‍රධාන භූමිකාව ධන කුවේරයෙකු ගේ පුතෙක් ලෙස රාජා චරිතයෙන් ඉදිරි පිම්මක් මතුවිය.1961 රොබින් තම්පෝ ගේ සුවිනීත ලාලනී හි සුනිල් ගේ  සාමාන්‍ය චරිතයක් ද 1962 වසරේ රොබින් තම්පෝ ගේ: සුහද දිවි පිදුම " හි සුමිත් ලෙස භාවාතිශය පරාජිත පෙම්වතා   ප්‍රධාන චරිතයක් රංගනය විය..1963 වසරේ ද රොබින් තම්පෝ ගේ "සුදු සදේ කළුවලා  "හි ප්‍රධාන චරිතය බොනිපස් ය.අනාථ සොයුරන් දෙදෙනා ගෙන්  සේනක ලෙස බොනිපස්  එක්  සොහොයුරෙකි.1964 රොබින් තම්පෝ ගේ" සුලලිත සෝභනි" සිට ඉදිරි චිත්‍රපට සාමාන්‍ය චරිත රංගනය කළේය.1964 "සැමියා බිරිදගේ දෙවියාය" එම වසරේම "සමාජේ අපි ඔක්කොම සමානයි "1965 "සතුටයි කදුලයි", "සුදෝ සුදු " හි ටිකිරි රංගන මංසලකුණු වේ.  එම වසරේම "ලදක මහිම" 1966 "සැගවෙන  සෙවනැල්ල","මහදැන මුත්තා" සහ " සැනසිලි සුවය" බොනිපස් රග පෑ එකම වසරේ  චිත්‍රපට විය .1968 "දෙහදක දුක " 1969 "පික් පොකට් " ද බොනිපස් ගේ රංගන ඇතුලත්වුවේය.1959 - 1966 කාල වකවානුවේ දීප්තිමත් ප්‍රමුඛව කැපී පෙනුණු දක්ෂ රංගන ශිල්පියෙකි.සහාය අධ්‍යක්ෂක ලෙස ද රොබින් තම්පෝ ගේ චිත්‍රපට කිහිපයකම කටයුතු විය.දෙබස් රචනයෙන් "දෙහදක දුක " සම්මාදන් වී තිබේ.   1975 "කලියුග කාලේ " චිත්‍රපටයෙන් නැවත මතු විය.1976 "උන්නත් දාහයි මලත්  දාහයි "සහ "ආදරෙයි මං ආදරෙයි " හි දුෂ්ට චරිතයක් ද 1978 "ටිකිරා" හි පෙම්වත් පොලිස් නිලධාරියා සහ සහ "අප්සරා "  1979 "ජීවන කදුළු" සහ "වසන්තයේ දවසක් " 1984 "ශිරාණි  " 1992 "රජෙක් වගේ පුතෙක් " 1997 "විජයග්‍රහණය "යන චිත්‍රපට බොනිපස් ගේ විශේස චරිත තුලින්  රංගන දායකත්වය වුවේය."ශිරාණි  " චිත්‍රපටයේ නිෂ්පාදක වරයා වුවේ ද බෝනිපස්ය1997 පසුව සිනමා රංගනයෙන් ඉවත්වුවේය.."පොද වැස්ස "සහ" අන්න බලන් සද "ටෙලි නාට්‍ය සහය අධ්‍යක්ෂණය මෙන්ම රංගනයට ද 80 දශකයේ විකාශනය වු පුර්ණිමා, ඡායා,ටෙලි නාට්‍ය වලට ද   බොනිපස් දායක වී තිබේ. මීරිගම මිහිර ට අමතරව අම්බලන්ගොඩ රීගල් පුත්තලමේ අසෝකා සිනමාහල්වල ද කළමනාකරු ලෙස වෘතීය කටයුතු වී තිබේ. චිත්‍රපට අධ්‍යක්ෂක ඇන්ටන් ප්‍රනාන්දු ගේ සොයුරිය නිමාලි ප්‍රනාන්දු බොනිපස් ගේ සහකාරිය වුවාය.මේ දෙදෙනාට දරුවන් පස් දෙනෙකි .2013 වසරේ සිට රෝගාතුර ව සිටි ඒ මහතා  සිය කටානේ නිවසේ දී 2017 පෙබරවාරි 15 දින දී  83 වන වියේදී අහාවප්‍රාප්ත විය. සිංහල සිනමාවට එකතුව ප්‍රේක්ෂක හද මන පිනවූ එතුමාට සගමොක් සුව පතමු.

                         මේ ලිපිය සංග්‍රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්‍රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි .

සුජාතා වීජේසේකර...

 

1933 වසරේ දී මහනුවර දී සුජාතා වීජේසේකර උපත ලබා තිබේ.ගම්පොල කන්‍යාරාමයෙන් අධ්‍යාපනය ලැබීය. රුවින් පෙනුමෙන් මනස්කාන්තය. රංගනයට දැඩි ආසාවක් ඕනෑකමක් විය .මේ නිසා සුන්දර සවුන්ඩ් චිත්‍රාගාරයට තමාගේ ජායාරුපයක් යැවීය.ඒ උත්සාහය පල ගැනිණි.ඇයව සම්මුඛ පරීක්ෂණයකට කැදවීය .ඒ.බී.රාජ් ගේ රම්‍යලතා චිත්‍රපටයේ ප්‍රධාන නිළිය රීටා රත්නායක ගේ මිතුරියක ලෙස සුළු චරිතයක් සුජාතාට ලැබිණි.මේ අතර ශේෂා පලිහක්කාර වෙතින් නර්තනය ද හැදෑරීමක් ද  සුජාතා කළේය.1959 වසරේ රොබින් තම්පෝ ගේ කුලුදුල් අධ්‍යක්ෂණය වුවේ" සිරිමලී  " චිත්‍රපටයයි. සුජතාට සිරිමලී වීමේ භාග්‍යය උදාවිය .සිරිමලී ගැමි තරුනියකි.ධන කුවේරයෙකු ගේ පුත් රාජාට පෙම් බැන්දේය.රාජා වුවේ බොනිපස් ප්‍රනාන්දුය.බාධා කරදර දෝමනස්සයන් අත්විදිමින් සිරිමලී අවසානයේ ජය ලැබුවාය .මීලගට සුජාතා 1960  "පිරිමියෙක් නිසා "හි වතු හිමියකු ගේ දියනිය නංගනී ලෙස ගාමිණි පොන්සේකා සමග සුවිශේසී රංගනයක යෙදුනාය.මෙම චිත්‍රපට තුනෙන් ඇගේ සිනමා දිවිය නිමාවුවාය.ඉන්පසුව අවිවාහකව හුදකලාව නිහඩ ජීවිතයකට අවතීර්ණ වුවාය.(ආචර්ය නුවන් නයනජිත් කුමාර සුරින්ගේ ශ්‍රී ලංකේය සිනමා වංශයෙන් තොරතුරු ලබාගත් බව ස්තුති පුර්වකව සටහන් තබමි .)

හෙන්රි ජයසේන.

 හෙන්රි ජයසේන.......(.ගීතරචකයෙකු කවියෙකු ලෙස පමණක් නොව වේදිකාව සිනමාව යන අංශ තුනේම ඔහු දස්කම් පාන ලදී.)

1931 ජූලි 6වැනිදා ගම්පහ බ්‍රැන්ඩියමුල්ලේ උපත ලද හෙන්රි ජයසේනගේ මව නවගමුවගේ සිසිලියා පෙරේරාය. පියා බස්තියන් ‍කෝරලගේ ඇල්බට් රුද්‍රිගෝ ජයසේන විය. ඔහු වෙළෙඳ ව්‍යාපාරිකයෙකි. කුඩා හෙන්රි ජයසේන ඇතිදැඩි වුයේ මව් සෙනෙහස තුළ නොව කුඩම්මාගේ සෙනෙහස යටතේය හෙන්රි කුඩා කල ඔහුගේ පවුලේ උදව්යත් ගමේ උදව්යත් ගමේ යහලුවන් ඔහුව හැදින් වුයේ චන්ද්‍රසේම යන නම්නි. නිවසේදී සිංහල, ඉංග්‍රීසි, හා ගණිතය අධ්‍යාපනය ලැබූ හෙන්රි, මුලින්ම පාසල් ගියේ ගම්පහ බ්‍රැන්ඩියමුල්ල රෝමානු කතෝලික පාසලට ය. ගම්පහ ලොරෙන්ස් විද්‍යාලයෙන් සහ කොළඹ තර්ස්ටන් විද්‍යාලය, නාලන්දා විද්‍යාලයෙන් ඔහු උසස් අධ්‍යාපනය ලැබීය.මෙතුමාගේ ජීව්තයේ තවත්වැදගත්ම සංසිද්දියක් වන්නේ 1945 න් පසු කොළඹ නාලන්දා වේදි ඔහු ප්‍රථම වරට වේදිකා නාට්‍යකට රංගනයෙන් දායක ව්මයි ඵ් ඉන්දියානු දේව කතාවල සත්‍යවාදි හරිෂ් තුලින්බ්හිවු හරිෂ්චන්දු නම් නාටකයේ පුංච් රෝහිත කුමරා ගේචරිතයට පණ පෙව්මයි ඵහිදි මෙතුමා ප්‍රථම වරට තම ජීව්තයේ දී ගුණපාල මලලසේකර මැතිතුමන් ගේ ආශිර්වාදයට පත්ව්ය පසු කාලීනව ඔහු නියත වේදිකාවට පැම්ණිමට මෙම සිදුව්ම බොහෝ සේ ඉවහල් ව්ය නාලන්දා විද්‍යාල‍යේ අධ්‍යාපනය ලබමින් සිටි කාලයේදී, සිරි පෙරේරා (යූ.එස්. පෙරේරා - සිරි අයියා) නිෂ්පාදනය කළ හරිස්චන්ද්‍ර නාට්‍යයේ රෝහණ කුමාරයාගේ චරිතය ඔහු නිරූපනය කළේය. එය ඔහුගේ වේදිකාවට තැබූ පළමු පියවර විය.

ආරම්භක සභාපති ලෝක අක්ෂි දාන සංගමය දේශබන්දු අක්ෂි ශල්‍ය වෛද්‍ය හඩ්සන් සිල්වා, කරුණාරත්න අබේසේකර, හිටපු දේශිය වෛද්‍ය ඇමති ගෞරවණීය වෛද්‍ය ධර්මසේන ආටිගල, හිටපු වැවිලි ඇමති ගෞරවණීය රුපා කරුණාතිලක, සිංහලයේ මහාසම්මත භූමිපුත්‍ර පක්ෂයේ නායක ආචාර්ය හරිශ්චන්ද්‍ර විජයතුංග, හිටපු සිලෝන් ක්‍රිකට් ක්‍රීඩක හා එන්ගලන්ත ලැන්කශයර් ක්‍රීඩක ස්ටැන්ලි ජයසිංහ, වෛද්‍ය ගුණදාස අමරසේකර, ප්‍රවීන චිත්‍රපට නළු රවීන්ද්‍ර රූපසේන, කීර්තිමත් සිවිල් නිලධාරි රිජ්වේ තිලකරත්න ජයසේනයන්ගේ කොළඹ නාලන්දා විද්‍යාලයයේ සමකාලීනයෝය.

වසර 2003 දී ඔහු ඉගෙන ගත් නාලන්දා විද්‍යාලය ඔහුට නාලන්දාවේ වැදගත්ම ආදි සිසුවාට පිරිනමන නාලන්දා කීර්ති ශ්‍රී සම්මානය පිරිනැමුවේය.

අ.පො.ස උ/පෙළ නිමවා ඵහි ප්‍රතිඵල ඵනතුරු හෙන්රි ජයසේනයන් කොළඹ රෙජිස්ත්‍රාල් කාර්යාලයේ තාවකාලික ලිපිකරුවකු ලෙස වැඩ කරන ලදී. අනතුරුව ඵම උසස් පෙල ව්භාග ප්‍රතිපල මත ඔහු අධ්‍යාපන දෙපාර්තුමේන්තුවේඉංග්‍රිසි උපගුරු මුල්පත් ව්ම භාරගන්නා ලදී. ඵ් අනුව 1950 දී සිංහල ප්‍රාථම්ක පාසලේ ඉංග්‍රිසි උපගුරු තනතුරට පත් වී පදියැල්ලට යන ලදී ඵහිදී ඵම පාසලේ දුප්පත් ළමුන්ගේ අඩු ලුහුඩුකම් දැක ඵ් දරුවන් ගේ දුප්පත්කම පරදා අධ්‍යාපන නගා සිටු ව්මට ව්ශාල මෙහෙවරක් කරන ලදී මේ සදහා ඔහු ප්‍රථම වරට ඵම දුප්පත් පාසලේ දී තම කළා දිව්යේ මංගල සමරුව තබන ලදී. එනම් නාට්‍යක් පිටපත් කර රඟ දක්වා අධාර එකතු කර ගැනිමයි ඵ් සදහා ඔහු ව්සින් තෝරා ගනු ලැබුවේ රාමායනයේ පරිඡෙදයකි. එය ජනකී නම් ව්ය එම නාට්‍ය තුලින් උපයාගත් මුදලින් දුප්පත් දරුවන්ට පොත් පත් ලබා දුනි මෙලෙස කාගේත් සිත් දිනා ගනිම්න් එම පාසලේ වැඩකටයුතු කරගෙන ගියත් ඔහුට එම පාසැලෙන් සමුගැනීමට සිදු ව්යනිශ්ශංක අයියා ගේ දැනුම් දිම මත 1951 දී පාසැල් ගුරුකමට සමුදී ලිපිකරු සේවයට එක්ව්මට ඔහුට සිදු ව්ය. සිත යටින් ගුරු ජීව්තයට ආදරය කරම්න් දියතලාවේ ප්‍රසිද්ධ ඉංජනේරු කාර්යාලයේ සේවයට එක්ව්ය දියතලාවේදී ඔහුගේ ජීව්තයට රසබර අත්දැකීමක් එක්වීය ඒඔහු එක්තරා පාසැල්යන තරුණියකට පෙම් කිරීමයි එහෙත් එය අසාර්ථක ඒකපාර්ශවීය ප්‍රේමයක් ව්ය.

ඵතුමා කුඩා කල සිටම වේදිකාව පිළිබද සිහින මවම්න් ප්‍ර්‍වත් වු අයෙකි.ඵනම් ගම්පහ පාසැලට යම්න් අධ්‍යාපනය හදාරද්දීම ඔහු වේදිකාවට ඩැඩිව ඇළුම් කලේය ව්ශේෂයෙන් ම මේ සදහා අනුබල දෙම්න් ඔහුව ඒ දෙසට නැඹුරු කර ලද්දේ ඵරික් නම් ඥාති සොහොයුරකු ව්සිනි මේ අතැරින්සිදු වු සුව්ශේෂි සිදුව්ම වන්නේ බී ඵ් ජයමාන්නගේ මීගමුවේ ම්නර්වා කණ්ඩායමේ රුක්මණී දේව්ය ප්‍රමුඛකරගනිමින් සැගවුණු පිළිතුර නමින් වේදිකා නාට්‍යක් රඟ දැක්ව්මයි ඒදෙවන ලෝක යුද්ධයෙන් පසු සමයේය ළමා කල උන් හෙන්රි රුක්මණී දේව්ය දැක තම ජීවිතයේ සිහින අතරට වේදිකා සිහිනය ද ඵක්කර ගත්තේය

ඵහෙත් ඔහු තුළ මේ නාට්‍ය සදහා වන ඇල්ම පිළිබද ඔහුගේපවුලේ අයට මහත් බිය ගෙන දෙන්නක් විය ඵම අනියත බිය හේතු කොට ගෙන තම සොහොයුරකු වන නිශ්ශංක අයියාගේ මග පෙන්ව්ම යටතේ ගුවන් විදුලියට ඵක් විමට සිදු විය. ඵහිදි ඔහු ගුවන් විදුලියේ රෙඩියෝ සිලෝන් හි සිරි අයියා ගේ ළමා තීරයට ඵක් විය. ‍මේ ගුවන් විදුලි වැඩසටහන ඔහුව කොළඹ විද්‍යලයකට ඇතුලත් කිරීමට ද හේතු ව්ය. ඵ් කෙසේ වුවද මෙම ගුවන් විදුලිය වැඩසටහන පසුකාලිනව ඔහුගේ වේදිකා රංගනයේදි Stage Fright හෙවත් වේදිකා භීතිය නැති කිරීමට සමත් වු බව වරෙක ඔහු ව්සින්ම පවසා තිබේ.

හෙන්රි, සිංහල වේදිකාව තුළ නොමැකෙන නමක් සනිටුහන් කළ නාට්‍ය රැසක් නිෂ්පාදනය කළේය. 1951 දී නිෂ්පාදනය කළ ජානකී ඔහුගේ පළමු නාට්‍යය විය. එය ඔහු එවකට සේවය කළ දෙහිපේ පදිය පැළැල්ල ප්‍රාථමික විද්‍යාලයේ සිසුන් හා ගුරු මණ්ඩලය සමඟ කළ නාට්‍යයකි. මීට අමතරව හෙන්රි ජයසේනගේ නාට්‍ය නිර්මාණ වන්නේ මනමාලයෝ - පරිවර්තන (1953)වැදගත්කම - පරිවර්තන(1954),ඇත්ත කුමක්ද? - පරිවර්තන (1955)පව්කාරයෝ -ස්වත්‍රන්ත්‍ර (1959)ජනේලය -ස්වත්‍රන්ත්‍ර (1962)කුවේණි -ස්වත්‍රන්ත්‍ර (1962)තවත් උදෑසනක් - ස්වත්‍රන්ත්‍ර (1946)මනරංජන වැඩවර්ජන - ස්වත්‍රන්ත්‍ර (1965)අහස් මාළිගා - පරිවර්තන(1966)හුණු වටයේ කථාව -පරිවර්තන (1967)අපට පුතේ මගක් නැතේ -ස්වත්‍රන්ත්‍ර(1968)දිරිය මව සහ ඇගේ දරුවෝ-පරිවර්තන (1972)මකරා - පරිවර්තන(1973)සරන සියොත් සේ පුතුනි හඹා යන -ස්වත්‍රන්ත්‍ර (1975)සිරිසඟ‍බෝ - (ජෝන් ද සිල්වාගේ සිරිසඟ‍බෝ නූර්ති පිටපත යළි නිශ්පාදනය )ජයතු ලංකා - 1983 මෙතුමා ගේ නාට්‍ය නිර්මාන වේ.

මෙතුමා විසින් පරිවර්තනය කරන ලද බ්‍රටෝල් බ්‍රෙෂ්ට්ගේ "ද කොකේසියන් චෝල්ක් සර්කල්" නම් නාට්‍ය හුණුවටයේ කතාව නමින් මෙරට ඉතා ප්‍රසිද්ධියක් ලැබීය.මීට දශක තුනකට පෙර ඔහු නිෂ්පාදනය කළ බර්ටෝල් බ්‍රෙෂ්ට්ගේ "ද චෝක් සර්කල්" (හුණු වටයේ කථාව) මෙරට පරිවර්තන නාට්‍ය කලාවේ මුදුන් මල්කඩ ලෙස පිළිගැනේ. හෙන්රිගේ හුණු වටයේ කථාව පරිපූර්ණ නාට්‍යයක් පමණක් නොව, නාට්‍යකරු‍වෙකු ලෙස හෙන්රි ජයසේන විකාශනයේ කූටප්‍රාප්තිය පමණක් නොව, එය නූතන සිංහල නාට්‍ය කලාවේ විකාශනයේ අතිශය වැදගත්බවක් ද ගෙන ඇත. ඔහු අනුගමනය කළ ශෛලිගත , ස්වභාවික හා මිශ්‍ර රංග රීතිය තුළ ගීතයද සුවිශාල මෙහෙවරක් කළේය. හෙන්රි කවදත් ගීතයට හා සංගීතයට ලොල් කළ නාට්‍යකරුවෙකි. ජනේලය, කුවේණි, තවත් උදෑසනක්, දිරිය මව, අපට පුතේ මගක් නැතේ, සරන සියොත් සේ පුතුනි හඹා යන ආදී නාටය ඊට නිදසුන්ය. ඔහුගේ ගීත ජනේලයේදී හාස‍්‍යය උපදවයි. කුවේණි නාට්‍යයේදී දාර්ශනික විය. තවත් උදෑසනක් හි සෞන්දර්යාත්මක විය. හුණු වටයේ කථාවේ දී නව නඑ රසයෙන් අනූන විය.

මේක තමයි කන්තෝරුව - මහ රැජිනගෙ කන්තෝරුව (ජනේලය )

නොහඩන් කුමරුනි ඇවිල යසෝ ගිනි...

සත් සියක් රත් මල් රැගෙන මම...(කුවේණි)

උදෑසනක් තවත් උදාවෙලා ඇවිත්...(තවත් උදෑසනක්)

පුත නොබලන් හෙළ ගැඹුරුයි...

යුද්දෙට මං ගියා...(හුණු වටය)

ආදී ගීත නොඇසූ ප්‍රේක්ෂකයෙකු සිංහල නාට්‍ය රසිකයන් අතර ‍නොමැති තරම්ය. ගීතරචකයෙකු කවියෙකු ලෙස පමණක් නොව වේදිකාව සිනමාව යන අංශ තුනේම ඔහු දස්කම් පාන ලදී.1962 දී නාට්‍ය ශිල්පිනියක වන මානෙල් ජයසේන හා විවාහ වූ හෙන්රි, එක් දරු පියෙකි. සෞම්‍ය සුධාරක ජයසේන ඔහුගේ එකම පුතුය.හෙන්රි 1959 සිට 1996 දක්වා වසර 39 ක කාලය තුළ චිත්‍රපට 28 ක පමණ රඟපා ඇත. ඔහු රඟ පෑ ගම්පෙරළියේ පියල්ගේ චරිතය ප්‍රේක්ෂකයන්ට කිසිදා අමතක නොවන චරිතයක් විය. චිත්‍රපටය රූපගත කිරීමට පෙර ඊට පාදක වූ 'ගම්පෙරළිය' 15 වරක් කිය වූ බව (චරිතය අවබෝධ කර ගැනීමට) හෙන්රි පවසයි.1959 ශ්‍රී 296 ,ගැහැණු ගැට 1963 වෙන ස්වර්ගයක් කුමටද ,සුහද සොහොයුරෝ,ගම්පෙරලිය 1964 හෙට ප්‍රමාද වැඩියි 1966 සිගිරි කාශ්‍යප 1968 දහසක් සිතුවිලි 1972 අතීතයෙන් කතාවක් 1976 මඩොල් දුව 1977 මරුවා සමග වාසේ 1979 පළගැටියෝ ,දුටුගැමුණු ,හදයා 1980 ගඟ අද්දර ,හංස විලක් 1981බද්දේගම ,සොල්දාදු උන්නැහේ ,සුරිය කාන්ත 1982 තණ ගිරවි ,කඩවුන පොරොන්දුව 1983 කලියුගය 1984 හිම කතර ,අම්මයි දුවයි 1986 අවුරුදු දා 188 සදකඩ පහන 1996 අමාන්තය 2002 පුංචි සුරංගනාවී ඔහු ගේ රංගන ප්‍රතිභාවෙන් කල එලි විය.

1982 ආරම්භයත් සමඟ රුපවාහිනිය මෙරටට පැමිණී තැන් සිට සිනමා සහ නාට්‍ය ක්ෂේත්‍රයේ කුසලතා දැක්වූ ලාංකීය කලාකරුවෝ ක්‍රමයෙන් රුපවාහිනිය හරහාද ප්‍රේක්ෂකයන් ඇමතූහ. 1983-88 කාලයේ හෙන්රි ශ්‍රී ලංකා රුපවාහිනී සංස්ථාවේ අධ්‍යක්ෂ ජනරාල් ධුරය හෙබවූ අතර ඒ කාලය තුළ ඔහුගේ පරිපාලනමය හැකියාව ප්‍රත්‍යක්ෂ කරන්නට වු නිසා ඔහුගේ කලා දායකත්වය අඩු විය.

1990 දශකයේ ඔහු මෙරට ජනතාව අතරට වඩාත්ම පිවිසියේ ඔහුට වඩාත් හුරු පුරුදු නාට්‍ය හා චිත්‍රපට මාධ්‍යයෙන් නොව ටෙලි නාට්‍ය තුළිනි. නෑදෑයෝ, දු දරුවෝ, මානව වාරණ වැනි ජනප්‍රසාදයට පත් වූ මාලා නාටක කීපයක කුශලතා දැක්වීමට හෙන්රි සමත් විය. නාට්‍යකරුවෙකු ලෙස පමණක් නොව සාහිත්‍යධරයෙකු ලෙසද සිය කුසලතාව පළකළ හෙතෙම මිනිසුන් වූ දරුවෝ (1965), ලාසරස් (1999) යන නවකථා දෙකක් පළ කරන ලදී. තම ජීවිත කථාව කරළියක කථාවක්, නිම් නැති කථාවක් 1, 2 ලෙස වෙළුම් තුනකින් 1996 දී පළ කර තිබේ.

සිය දීර්ඝ නාට්‍ය චාරිකාවේ දී අවස්ථා කීපයකදීම ඔහු සම්මාන වලින් පිදුම් ලැබීය. 1963 දී කුවේණි නාට්‍යය රාජ්‍ය නාට්‍ය උළෙලේ හොඳම රචනය, හොඳම නිළිය, නිෂ්පාදනය, සංගීතය යන අංශ වලින් සම්මාන ලැබීය. 1979 'හඳයා' චිත්‍රපටයේ රංගනයට හොඳම සහය නඑවාට හිමි සරසවි සම්මානයද, හංස විලක්, බැද්දේගම යන චිත්‍රපටවල රංගනය උදෙසා සරසවි සම්මානත් ඔහුට ලැබී ඇත. 1988 වසරේ කලාශූරී සම්මානය ලැබූ ඔහු සුමති ටෙලි සම්මාන උළෙළේ දී ජීවිතයේ එක් වරක් කලාකරුවෙකුට හිමිවන සම්මානය දිනා ඇත.

හෙන්රි ජයසේන නම් නාට්‍යකරුවා පිළිබඳ තිස්ස අබේසේකර මහතා මෙසේ කියයි. ..."සිංහල නාට්‍ය කලාව උදෙසා තම ජීවිතයේ හොඳම කාලය වැය කළ හෙන්රිට හොඳ වැඩක් කළා යැයි හිත පුරාසතුටු විය හැක. මින් පසු එකම නාට්‍යයක්වත් බිහි නොකළත් හෙන්රිගේ නම නාට්‍ය වංශයේ ඉහළින්ම ලියවෙන්නට හුණු වටයේ කථාව පමණක් ප්‍රමාණවත් ය..."

හුණු වටයේම එන පරිදි "දෙයක් වේ නම් එය සුදූස්සාටම අයිති විය යුතු..." යන්න සනාථ කළ පුද්ගලයෙක් ලෙස ඔහු හැඳින්විය හැකිය. හුණු වටයේ කථාවේ අසඩක්, ගම්පෙරළියේ පියල්, මනමේ නාට්‍යයේ මනමේ කුමරු, දු දරුවෝහි සුදු සීයා ලෙස මෙරට රසික මතකයේ නොමැකී රඳමින් හෙන්රි ජයසේන ‍අප අතර සදා සජීවී කලාකරුවෙක් ලෙස රඳනු ඇත.මෙරට ජ්‍යෙෂ්ඨතම නාට්‍යවේදියකු වූ හෙන්රි ජයසේන මහතා 2009 නොවැ 12 දහවල් කළුබෝවිල රෝහලේ දැඩිසත්කාර ඒකකයේ ප්‍රතිකාර ලබමින් සිටිය දී අභාවප්‍රාප්ත විය. මිය යන විට අසූ දෙවැනි වියේ පසු වූ ජයසේනයන් වේදිකාව, සිනමාව හා රූපවාහිනිය හරහා සිය කලා කෞශල්‍ය විදහා දැක්වු ජ්‍යෙෂ්ඨ කලාකරුවෙකි.එතුමාට නිවන් සුව අත්වේවා ....ආචාර්ය නුවන් නයනජිත් කුමාර සුරින්ගේ ශ්‍රී ලාංකේය සිනමා වංශයද ආශ්‍රිතව සහ අන්තර් ජාලයෙන්ද කරුණු ලබාගත් බව ස්තුති පුර්වකව සටහන් තබමි.