සමරවීර අශෝක පොන්නම්පෙරුම 1936 මැයි 3 වන දින කොළඹදී උපත ලැබීය. ඔහුගේ පියා දොන් චාල්ස් පොන්නම්පෙරුමා ජනමාධ්යවේදියෙකි. ඔහු 1950 දී සිංහල බෞද්ධය යන බෞද්ධ පුවත්පතේ ප්රධාන කර්තෘ ලෙස සේවය කළේය. අශෝක අධ්යාපනය ආනන්ද විද්යාලයෙන් සම්පූර්ණ කළේය.වයස අවුරුදු 14 දී ඔහු පාසල් වේදිකා නාට්යවල රඟපාන්නට පටන් ගත්තේය. ඉන්පසු ඔහු ආර්. ඒ. චන්ද්රසේන යටතේ සංගීතය ප්රගුණ කළේය. එම වසරේ පැවති සංගීත තරඟාවලියේ දිවයිනේ පළමු ස්ථානය ඔහු දිනා ගත් අතර එය සංගීතවේදී ලයනල් එඩිරිසිංහගේ අවධානයට ලක්විය. අශෝක සිනමාවේ තම රංගන වීරයා වූ එල්. එම්. පෙරේරා තේ කඩයකදී හමුවී චිත්රපටයක රඟපෑම ගැන විමසීය. දින කිහිපයකට පසු ඔහුට භූමිකාවක් පිළිබඳ පණිවිඩයක් ලැබුණු අතර කොළඹට ගියේය. 1958 දී ඔහුගේ මංගල සිනමා රංගනය පී. නීලකාන්ටන් විසින් අධ්යක්ෂණය කරන ලද සුනීතා චිත්රපටය හරහා එලි දැක්විණි තෝමස් සහ සිරා යන ද්විත්ව භූමිකාවක් රඟ දැක්වීය.1958 වසරේම සිහිනය චිත්රපටයද 1959 සිරිමලී චිත්රපටයේද 1960 සුන්දර බිරිදද ඔහුගේ රංගනයෙන් ඔපවත් විය.කතා නායකයා ලෙස රංගනයේදී ඔහු ගේ තරබාරු සිරුර ඔහුට බලපෑමක් නොවීය.විටෙක සැහැල්ලු විනෝදකාමී චරිතයක ද වරෙක ප්රේමයෙන් පීඩා විදින දොස්තර කෙනෙකි.සමාජ රෝගියෙක් දුෂ්ට පතල් හිමියෙක් ලෙස විවිධ චරිත මැවීය.1961 ගංතෙර සහ සුවිනීත ලාලනී ද 1962 සුහද දිවි පිදුම හි ද 1963 සුහද සොහොයුරෝ හි ද රංගන සුවිශේසී විය .1964 වසරේ චිත්රපට හතක් සදහා දායකව තිබේ.හෙට ප්රමාද වැඩියි ,කල කල දේ පල පල දේ ,සුබ සරණ සැප සිතේ,සැමියා බිරිද ගේ දෙවියාය ,පටාචාරා ,සසරක හැටි, සිතක මහිම ඒ චිත්රපට වේ.සිතක මහිම චිත්රපටයේ ආර්.මුත්තුසාමි මාස්ටර් ගේ "මධුර යාමේ සුවදේ සාමේ" ගීත ජවනිකාවත් .සැමියා බිරිද ගේ දෙවියාය චිත්රපටයේ ජෝතිපාලයන් ගයන " කොතැනක සිටියත් ඔබ මෙලොවේ" ගීත රුප රාමුව අපට නොමියෙන සිහිවටනයකි.1965 සතුටයි කදුලුයි, හිතට හිත ,ස්වීප් ටිකට්ස් රංගනද සදා නොමියේ .1966 වසර ද අසෝක ගේ චිත්රපට හයක් තිරගත විය. මහ රෑ හමුවූ ස්ත්රිය ,ඇතුළු වීම තහනම් ,සුදු දුව, සද නැග එද්දී ,සැනසිලි සුවය ,ලයට ලය,ඒ චිත්රපට වේ,1967 රන්රස ,ඉපදුනේ ඇයි ,ඉවසන දනා ද 1968 ලන්ඩන් හාමු,නිර්මලා හැඟී හොරා,ඉදුනිල ,දෙහදක දුක,1969 කොහොමද වැඩේ , ,පැන්චා ,පික් පොකට් ,1973 සුහද පැතුම ,සිනාවයි,ඉනාවයි,1974 ශාන්ති,1975 දමයන්ති,සධානා ,හදවතක වසන්තය ,1976 රන් තිලකා 1977 සුදු පරවියෝ 1979 ජීවන කදුළු ,රාං කුරුල්ලෝ 1981 සැනසුම 1982 ප්රදීපා 1984 කෝකිලා ද අසෝක ගේ රංගනයෙන් ඔපවත් වුවේය.
ඔහු විවාහ වූයේ සිනමා නිළියක් වන මානෙල් එලිසබෙත් පෙරේරා සමඟ ය. විවාහ මංගල්යය 1965 දෙසැම්බර් 4 වන දින පැ වතී ය. මානෙල් මුලින්ම දීපෂිකා චිත්රපටයේ රඟපෑ අතර පසුව සිහිනා හතක්, සැකය , ලයට ලය , රුහුනු කුමාරි සහ සද නාග එද්දී වැනි චිත්රපට කිහිපයකම පෙනී සිටියේය. මෙම යුවළට පුතුන් තිදෙනෙක් සිටී - අනුරාධ, සුමේදා, චමින්ද සහ එක් දියණියක වන මංජුලා අශෝක සහ මානෙල් එක්ව ලයට ලය , දෙහදක දුක , රුහුනු කුමාරි සහ ලන්ඩන් හමූ වැනි චිත්රපට කිහිපයකම රඟපෑහ.සහාය අධ්යක්ෂක වරයෙක් නවකතා කරුවෙක් ලෙසද අසෝක ප්රචලිතය.අශෝක විසින් මල් මද බිසව් නම් ග්රන්ථය ලියා ඇති අතර එය මරදානා පොලිස් ස්ථානයේදී හමු වූ ගණිකාවක් පිළිබඳ සත්ය කතාවක් පදනම් කර ගෙන ඇත.ප්රදීපා චිත්රපටයෙන් හේ අධ්යක්ෂක වරයෙක් බවට පත්විය ඔහුගේම නව කතාවක් වූ "ඇයි මට මෙහෙම වුනේ "නවකතාව ඇසුරෙනි ප්රදීපා චිත්රපටය නිර්මානය විය.ගීත ගායනයෙනද දක්ෂතා අසෝක ගේ සතු විය.ලන්ඩන් හාමු සහ ප්රදීපා චිත්රපට වලට පසුබිම් ගායනා කළේය.1969 දී ඉදුනිල චිත්ර පටයේ හොදම සහාය නළුවා ලෙස සරසවි සම්මානද අසෝක ලබා ගත්තේය .කලක් සතොස අයාතනයේ කලමනා කාරතනතුරක් ද දැරීය.ශ්රී ලංකාවේ සිවාජි ගනේෂන්" ලෙස සැලකෙන පොන්නම්පෙරුම දශක තුනකට වැඩි කාලයක් පුරා වෘත්තීය ජීවිතය තුළ චිත්රපට 50 කට අධික ප්රමාණයක් රඟපා ඇත.
1993 අප්රියෙල් 2 වන දින වයස අවුරුදු 56 දී හෘදයාබාධයකින් මිය ගියේය. ඔහුගේ මරණයෙන් පැය 24 ක් ඇතුළත සියලු අවමංගල්ය කටයුතු අවසන් කිරීමට නියමිතව තිබුණද, රට තුළ ඇඳිරි නීතිය පැනවීම සහ පශ්චාත් මරණ පරීක්ෂණය ප්රමාද වීම හේතුවෙන් ඔහුගේ ඉල්ලීමට එකඟ වීමට නොහැකි විය..එතුමාට නිවන් සුව පතමු
මේ ලිපිය සංග්රහ කිරීමේදී ආචාර්ය නුවන් නයනජිත් කුමාර මහතා ගේ ශ්රී ලාංකේය සිනමා වංශය ග්රන්ථය සහ ගාමිණී වේරගම මහතාගේ දේශීය සිනමා වංශය ග්රන්ථද ඉසුර වික්රමාරච්චි ගේ සිනමා එල්.කේ.සිනමා තොරතුරු ජායාරුප ද උපයෝගී කරගත්බව ස්තුති පුර්වකව සදහන් කරමි .