විජේකෝන් මුදියන්සේලාගේ පියදාස 1940 ඔක්තෝබර් 22 - උපත ලද්දේය. නාරාහේන්පිට විද්‍යාවර්ධන පාසලෙන් මුලික අධ්‍යාපනය ලැබුවේය. කුඩා කල සිටම රංගනයට මහත් ඇල්මක් පියදාස තුල විය. සිවම්මා ධනපාල.. අපුරු යාළුවෝ..මනාපේ.. රාජ කපුරු සෙට්ටියා.. යන වේදිකා නාට්‍ය වලද රංගනයට එක්වී තිබේ. 1957 සිරිසේන විමල වීරයන්ගේ සිරකරුවා චිත්‍රපටයේ නළු නිලියන් තෝරන සම්මුඛ පරීක්ෂණයට හේ ඉදිරිපත් වූයේය. එහි නැටුම් දර්ශනයකට මුල්වරට රග පෑමෙන් පළමු සිනමා ආගමනය වුවේය.1959 ඒ. එස්.නාගරාජන් ගේ පුරුෂ රත්නය චිත්‍රපටයේ උප ප්‍රධාන චරිතයක් ලෙස ක්ලැරිස් ද සිල්වාගේ සොහොයුරෙක් ලෙස සමරසිංහ ගේ චරිතය තුලින් නැවත රිදී තිරය ට පිවිසියේය. නාගරාජන් ගේ යෝජනාවක් මත පියදාස විජේකෝන් නම තුලින් හේ ඉදිරියට පැමිණිනි. මුල් කාලීනව සිනමාවට පිවිසීමට වඩාත් උපකාර කලේ රොබින් තම්පෝ සිනමා වේදියාය.1959 නැවත සිරිසේන විමලවීරයන් ගේ මා ආලේකල තරුණිය චිත්‍රපටයේත් 1961 රොබින් තම්පෝ ගේ සුවිනීත ලාලනී හිද රගපෑවේය.1962 වසරේ රොබින් තම්පෝ ගේ සුහද දිවි පිදුමේ හිස බුගා දුෂ්ට සටන් චරිතයක් ජිමී ලෙස රගපාමින් සටන් නළුවෙක් ලෙස අභිෂේක ලද්දේය.1962 වසරේම තට්ට හිස සමග දාමරිකයෙක් ලෙසම රොබින් තම්පෝ ගේ සුදු සදේ කළු වලා හි රග පෑවේය.1964 වසරේ ද රොබින් තම්පෝ ගේ සමාජේ අපි ඔක්කොම සමානයි චිත්‍රපටයේ සැම්සන් පුංචි හාමු ගේ චරිතය පනපෙවීය . පසුව ශ්‍රී ලාංකික සිනමාවේ ප්‍රබලයකු සහ චරිත නළුවෙක් බවට පත්විය. ඔහුගේ වෘත්තීය ජීවිතය වසර 42 ක් පුරා චිත්‍රපට 140 ක් සමඟ විහිදුණු අතර ඔහු එකල විවිධාකාර භූමිකාවන් රඟපෑවේය. සමහර විට ඔහුගේ වඩාත්ම කැපී පෙනෙන අයෙකු වූයේ 1977 අමරනාත් ජයතිලක ගේ සිරිපාල සහා රන් මැනිකා හි විජේකෝන් පොලිස් පරීක්ෂකවරයකු ගේ චරිතය වේ . මෙය අසාමාන්‍ය භූමිකාවක් වූ අතර ඔහුගේ බොහෝ භූමිකාවන් ට වැඩ සුවිශේෂී විය. පසුකාලීනව සටන් ජවනිකාවලින් මිදී විකට චරිත්යන්ටද විජේකෝන් ඉදිරිපත් විය .1974 ලෙනින් මොරායස් ගේ ඔන්න බබෝ බිල්ලෝ එනවා හි බුබම්බා ද විනෝදමත් ඉන්ද්‍රජාලික චරිතයකි. බොහෝවිට සටන් චරිතවලදී ගාමිණීට ප්‍රතිවාදියා ලෙස රග පෑවේය .බඩුත් එක්ක හොරු හි නම්බියාර් ගේ බොස් චරිතය ද ප්‍රේක්ෂක සිත් ගත් චරිතයකි .විජේකෝන් ගේ චිත්‍රපට අතර රොඩී ගම, ගිජුලිහිණියෝ, හිතහොද මිනිහෙක්, ඔබයි මමයි, ආව සොයා ආදරේ, සුකිරි කෙල්ල, සිරිල් මල්ලි, රන්වන් රේඛා,කවුද රජ, ලෝක හොරු, නැවත හමුවෙමු, සීමා පවුරු, පුනරුප්පත්තිය ,අපායේ තප්පර අසූහාර දාහක්, කොලොම්පුර් ආදියද වේ. ප්‍රවේගය රදල කම චන්ඩි කම මෙන්ම අහිංසක චරිතද කිහිපයක් අපට මෙතුමාගේ චිත්‍රපට තුලින් දැකිය හැකිය 1957 සිට 2000 ආසන්න වනතුරුම විවිධ චරිත තුලින් ඒ අපුර්ව රංග ශිල්පියා දස්කම් පෑවේය .ජනතා සම්මානය මිස වෙනත් සම්මාන නම් නොලද්දේය. ප්‍රියන්ත විජේකෝන් රංග ශිල්පිය මෙතුමාගේ පුතණුවන්ය. 2003 පෙබරවාරි 09 වනදින 62 වියේදී පියදාස විජේකෝන් රංගන ශිල්පියා ජීවන සිනමාවෙන්ද බැහැර විය .ආනන්දනීය සිංහල සිනමාවේ අප සියලු දෙනා එතුමාගේ රංග කෞශල්‍යය වෙනුවෙන් උපහාර පුදමු. එතුමාට නිවන් සුව ප්‍රාර්ථනා කරමු .. මෙම ලිපිය සැකසීමේදී ආචාර්ය නුවන් නයනජිත් කුමාර සුරීන් ගේ ශ්‍රී ලාංකේය සිංහල සිනමා වංශය ග්‍රන්ථයෙන් ද තොරතුරු ලබා ගත බව ස්තුති පුර්වකව සටහන් කරමි.
