වැරදුන කුරුමානම ...... කතානාද සිංහල සිනමාවේ 5 වන සිනමා සිත්තම වැරදුන කුරුමානම වේ. 1948 12 03 තිරගත විය . අධ්‍යක්ෂණය ජෝතිස් සිං නිෂ්පාදනය සි ලෝන් තියටර්ස් විසිනි. බී ඒ.ඩබ්ලිව් .ජයමාන්නගේ වේදිකා නාට්‍ය ඇසුරින් නිපදවී තිබේ. කතාව දෙබස් තිර රචනය ද බී ඒ.ඩබ්ලිව් .ජයමාන්න ගෙනි. සංගීතය බම්බරැන්දේ ශ්‍රීනාත් පෙරේරා සහ පාන්ඩුරන්ගන් ගෙනි. ගීත රචනා පී.එල්.ජේ.නන්දන කීර්ති ගෙනි. රංගන දායකත්වය ස්වර්ණා ගේ චරිතය රුක්මනී දේවිය ද චන්ද්‍රපාල ලෙස හර්බි සෙනෙවිරත්නද ප්‍රේමා ගේ චරිතය ලලිතා කුමාරිද බබයියා ලෙස මගුල් කපුවා එඩී ජයමාන්න ද මෙරායා ලෙස දොදොල් වෙළෙන්දිය ජෙමිනි කාන්තාද රංගනය දායක වී ඇත. මේ හැර බී ඒ.ඩබ්ලිව් .ජයමාන්න , බර්ටම් ප්‍රනාන්දු, බී .එස් .පෙරේරා, ලෙටිශියා දාබරේ, ඩොරති විජේසුන්දර , ලැටිසියා පීරිස් යන රංගන ශිල්පීන් දායක වී තිබේ .බී .එස් .පෙරේරා, ලැටිෂියා පීරිස් දෙදෙනාගේ ප්‍රථම සිනමා ආගමනයද වැරදුන කුරුමානම වේ . කතා සාරනංශය මෙසේය ... වලව්වේ පුංචි නෝනා ස්වර්ණා චන්ද්‍රපාල හදුනා ගන්නේ තම මෝටර් රථය වෙරලේ අක්‍රිය වූ අවස්ථාවේදී පිහිටට ආ අවස්ථාවේය. මෙයින් දෙදෙනා අතර ආදර සම්බන්ධතාවක් ඇතිවේ. දුප්පත් තරුණයකු වූ චන්ද්‍රපාලට කොළඹ රැකියාවකට ඒමට මුදල් නැති අවස්ථාවේ ඔහුගේ ගමේ පෙම්වතිය ප්‍රේමා හා අගේ සොහොයුරා තම නිවස උගසට තබා මුදල් ලබාදේ. ප්‍රේමා අමතක කරන චන්ද්‍රපාල ඇය පිළිසරණ පතා පැමිණි විට පලවා හරි. කලකිරීඅට පත් ප්‍රේමා දිවිනසා ගැනුමට උත්සාහ දරන අවස්ථාවේ ඇය බේරාගන්නේ ස්වර්ණාය . ඇය පිස්තෝලයක් පෙන්වා චන්ද්‍රපාල බිය ගන්වා ප්‍රේමා හා විවාහයට චන්ද්‍රපාල එකග කරගනී. චන්ද්‍රපාල ගේ කුරුමානම වරදී. රුක්මනී ස්වර්නා ලෙස ප්‍රථම වරට සැහැල්ලු සෙල්ලක්කාර ගති පැවතුම් සහිත චරිතයක් රංගනය රගපාන්නීය. එක් දර්ශනයක ඉතා කෙටි ගවුමකින් සැරසී සිටියහ. අදටත් පැරණි රසිකයන් ප්‍රිය කරන සුමියුරු ගී ද මෙහි වුවේය ".සැන්දෑවේ සැන්දෑවේ ...ගලා කන්දෙනි මතුවෙනා"... "ශාන්ත මේ ප්‍රේමේ .". එඩී ජයමාන්න ගැයූ "දෙව්ලොව දෙවියනේ" ..ආදීයයි මුල් ප්‍රදර්ශනය – එල්ෆින්ස්ටන්, මැජෙස්ටික්, ගාල්ල කුවීන්ස්, බදුල්ල කිංග්ස්, ත්‍රිකුණාමලය නෙල්සන්, අම්බලන්ගොඩ ලක්ෂ්මී මංගල දර්ශනය – අග්‍රාමාත්‍ය ඩී. එස්. සේනානායක මැතිතුමා සහ එම මැතිනියගේ ප්‍රධානත්වයෙන් රීගල් සිනමා ශාලාවේදී. මේ ලිපිය සැකසීමේදී ආචාර්ය නුවන් නයනජිත් කුමාර මහතා ගේ ශ්‍රී ලාංකේය සිනමා වංශය ග්‍රන්ථය සහ ගාමිණී වේරගම මහතාගේ සිනමා වංශය ග්‍රන්ථද උපයෝගී කරගත්බව ස්තුති පුර්වකව සදහන් කරමි .
