ලියනගේ බොනිෆස් වෝල්ටර් පෙරේරා උපන්නේ 1945 ජූනි 5කැලණිය දළුගමදිය සහෝදර සහෝදරියන් 6 දෙනෙකුගෙන් යුත් පවුලක දෙවන දරුවා ලෙස උපත ලැබීය. ඔහුගේ පියා එල්.පී.පෙරේරා පිත්තල සරනේරු කර්මාන්තයේ ජනප්‍රිය වූ කැලණිය දළුගම ප්‍රදේශයේ ප්‍රසිද්ධ ව්‍යාපාරිකයෙකි. ඔහුගේ මව සපුගස්කන්ද ප්‍රදේශයේ උපන් කැරොලයින් එගොඩවත්තයි.
අධ්‍යාපනය සදහා කොටහේන ශාන්ත බෙනඩික්ට් විද්‍යාලයට ඇතුළත් විය. ඔහුගේ ආදරණීය මිතුරා වූයේ ඔහුගේ පන්තියේ මිතුරා වූ විජය කුමාරතුංග ය.බොරැල්ලේ ඇක්වයිනාස් හි ද අධ්‍යාපනය ට එක්විය පාසල් වේදිකාවේ සිගිරි කාශ්‍යප නාට්‍ය යේ කාශ්‍යප ලෙස රංගනය කලද රංගනයට එතරම් ඇල්මක් නොවිණි.පාසල් අවදියෙන් පසු පවුලේ ව්‍යාපාරික කටයුතු වලට එක්විය.1972 වසරේ පුවත්පත් දැන්වීමකට අනුව ලයනල් වෙන්ට්ඩ් හි රංග ශිල්ප ශාලිකාවේ රංගන පාටමාලාවක් හැදෑරුවේය.එයින් ලත් දැනුම අනුව ධම්ම ජාගොඩ ගේ "මුදු පුත්තු" නාට්‍ය තුලින් වේදිකාවට පිවිසිණි.වේදිකාවේදී රවීන්ද්‍ර රන්දෙනිය නම් විය. මේ නාට්‍ය නැරබීමට පැමිණ සිටි ජෝ අබේවික්රම සහ මණික් සන්ද්‍ර සාගර රගපෑමට පැහැදී "කළුදිය දහර "චිත්‍රපටයේ ලක්ෂ්මන් ගේ චරිතයට තෝරා ගැනිණි තවද ධම්ම ජාගොඩ ගේ" වෙස්මුහුණු "ධර්මසිරි වික්‍රමරත්න ගේ "හබුන් කටයි බත් දෙකටයි "ආර්.ආර්.සමරකෝන් ගේ "ඉඩම" ටෝනි රණසිංහ ගේ "ජුලියස් සීසර්" ඔහු ගේ වේදිකා රංගනයේ කඩඉම් වේ. ඉන්පසුව සිනමා රංගනයට අවතීර්ණ විය 1974 බොනිපස් නමින් කල්‍යාණි ගංගා හි සුළු චරිතයක් සදහා එක්විය.රන්දෙනිය .1975 තරංගා,කළුදිය දහර,දෑසනිසා 1976 ගංගා ,ගෝඩ් කිං ,දුහුළු මලක්, හරියට හරි 1977පෙම්බර මධු,සිරිපාල සහ රන් මැණිකා යකඩයා,1978 REINCARNATION ,වීර පුරන් අප්පු ,සීතා දෙවි,1979 හිගන කොල්ලා ,වසන්තයේ දවසක්,චුඩා මානික්‍ය ය ,සුගන්දි පොඩි මල්ලි ,හරි පුදුමයි 1980 එක් ටැම්ගේ ,රජ දවසක් ආදී ලෙස 2018 වසර දක්වා චිත්‍රපට 120 ආසන්න ප්‍රමාණයක් සදහ රංගන දායකත්වය දී තිබේ.ජනප්‍රිය ධාරාවේ මෙන්ම ප්‍රතිභා පුර්ණ රංග ශිල්පියෙක් ලෙසද රවීන්ද්‍ර දායක වුවේය.රුපවාහිනි තීරයේද තමන්ගේ ප්‍රතිභාව මතු කළේය.ඇල්ල ලග වලව්ව ,රැජින,කුමාරයාණනි,කාහල නාදය ,සිව් දිය දහර මේවා ඉන් සමහරක් වේ.රාජ්‍ය නාට්‍ය සම්මාන ,සරසවිය සම්මාන,ඕ .සී .අයි .සී.සම්මාන ,ජනාධිපති සම්මාන,ස්වර්ණ සංඛ සම්මාන ,රන් තිසර සම්මාන්,සුමති සම්මාන වැනි සම්මානයෙන් නොයෙක් වර පිදුම් ලද්දේය.2001 වසරේ සිට දේශපාලනයට ද අවතීර්ණව මහජන මන්ත්‍රී වරයෙක් ද විය.සිව්රග සේනා චිත්‍රපටයේ පසුබිම් ගායනයට ද එක්විය.ශ්‍රී ලංකා නළු නිලි සංගමයේ සභාපති ලෙසද විශාල කාර්ය භාරයක් ඉටු කළේය.රන්දෙණිය විසින් ITN හි Mind Star ප්‍රශ්න විචාරාත්මක වැඩසටහන මෙහෙයවන ලද අතර එය විශාල ප්‍රසිද්ධියක් ලබා ගති..
දළුගම කුඹුරු ඇළ දොළවලින් පිරුණු කුඩා ගම්මානයකි. රන්දෙණිය හැන්දෑවට කෙත්වතු දෙස බලමින් සුන්දරත්වය අගය කළේය. ඔහු මාර්ටින් වික්‍රමසිංහ, මහාචාර්ය එදිරිවීර සරච්චන්ද්‍ර, කුමාරතුංග මුනිදාස සහ විමලරත්න කුමාරගම වැනි සම්භාවනීය සිංහල කතුවරුන්ගේ කෘතිවල ගිලී කුඩා කල සිටම දැඩි පාඨකයෙක් විය
රන්දෙණිය විවාහ වී ඇත්තේ සෙසු නිළි ප්‍රීති ප්‍රමිලා සෙනෙවිරත්න සමඟ වන අතර එහිදී විවාහ උත්සවය 1974 ඔක්තෝබර් 31 දින පවත්වන ලදී. ඔවුන්ට පුතුන් දෙදෙනෙක් වන සචින්ද්‍ර නිර්මාල්, සමීර මානාබරණ සහ එක් දියණියක් උමයංගනා ඉන්ද්‍රචාපා සිටී. ප්‍රීති රන්දෙණිය කිවිඳියක් මෙන්ම ළමා පොත් කතුවරියකි.
1974 වැනි කාලයක ක් සිනමාවට පිවිස සිනමාවේ විශිෂ්ටයන් පස්දෙනා අතරට එක්වීමේ සුදුසුකම නො අඩුව ලබා ඇතැයි ප්‍රවීණ සිනමා විචාරක ගාමිණී වේරගම මහතා ප්‍රකාශ කොට තිබේ.රසික හද මන රංජනය කල උත්තුංග දේහධාරී විශිෂ්ට රංග වෙදියානන්ට ආයුරාරෝග්‍ය බව චිර ජීවනය අත්වේවායි මේ සුබ උපන් දිනේ ප්‍රාර්ථනා තබමු.
ලිපිය සංග්‍රහ කිරීමේදී ආචාර්ය නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථය පරිශිලනය කලබව ස්තුති පුර්වකව සතන් තබමි.
