අද 200 වන කතානාද චිත්‍රපටය ගෙන එන්නෙමි " බිනරමලී"

 අද 200 වන කතානාද චිත්‍රපටය ගෙන එන්නෙමි.තිරගත වන්නේ 1969 අගෝස්තු 10 වන දිනදීය.නිෂ්පාදනය කොට අධ්‍යක්ෂණය කරනු ලැබුවේ මුදලිනායක සොමරත්නයන්ය.මේ නම එදා ඇත ගම් දනව් වල අයට දරුවන්ට  පවා හුරුය.ඒ " මුවන්පැලැස්ස  "නමැති ගුවන්විදුලි නාටකය නිසාවෙනි. දැනට ටෙලි නාටකයට වශීකෘත වූවාසේ එකල එම නාටකය අසන්නට තම කටයුතු ඉක්මන් කිරීම මදකට නවතා හෝ සම්බන්ධ විය.රේඩියෝ නැති ගෙවල අය හුලුඅතු එලි දල්වා රේඩියෝ ඇති ගෙවලට ගියෝය.    එතරම් ජන ප්‍රසාදිත    ගුවන් විදුලි නාටකය තුලින් නිර්මාණය වූ " බිනරමලී"  දෙසියවන චිත්‍රපටය වේ.මෙහි කතාව සහ දෙබස් රචනය ද සොමරත්න යන්ය.තිරපිටපත තිස්ස අබේසේකරයන්  වේ.කැමරා අධ්‍යක්ෂණය, සංස්කරණය,කාර්මික අධ්‍යක්ෂණය ද නිහාල්සිංහ යන්ගෙනි.කළා අධ්‍යක්ෂණය ගුණරත්න රත්නායක වේ. නැටුම් අධ්‍යක්ෂණය ශ්‍රී වසන්ත කුමාර ගෙනි.සංගීත අධ්‍යක්ෂණය සෝමදාස අල්විටිගලයන් වේ.ගීත පදමාලාවන් ධර්මසිරි ගමගේ,මහගම සේකරයන් හා මුදලිනායක සෝමරත්න වේ.ජේ.ඒ.මිල්ටන් පෙරේරා.සුජාතා අත්තනායක ,ඩබ්ලිව්.ඩී .අමරදේවයන් ගෙනි.රටකින් රටකට පාර අසාගෙන ,මල මල් වනමල් මැද පිපි බිනර මලී ,රන්පොකුනෙන් දිය නාගෙන එන්නේ ආදිය මෙහි අඩංගු ගීත වේ.කතා සාරාංශය මෙසේය .බිනරි (ස්වර්ණා කහවිට )ගේ කතාව මෙහි විෂය විය.රෙදි වෙළදාමේ යන සිංඤා(වික්‍රම බෝගොඩ )වතුර ඉල්ලා බිනරි ගේ නිවසට පැමිණේ .බිනරි ගේ පියා ගුරුහාමි විය.(ධර්මසිරි මුණසිංහ ) සිංඤා කලින් ආ සිංඤාගේ ද මිතුරෙකි.ගමට ආවිට තම නිවසේ ලැගුම් ගන්නැයි ගුරුහාමි  සිංඤා ට කියයි...එය  එසේවිය,මේ අනුව බිනරි හා සිංඤා දෙදනා ප්‍රේමයෙන් බැදේ .බිනරි ගේ මස්සිනා වෙඩික්කාරයා (පියදාස ගුණසේකර )ද බිනරි සහේට ගන්න බලා සිටි.බිනරි ගේ මවත් (ශාන්ති ලේඛා ) ගරු හාමිත් අකමැතිය.සුදුබන්ඩා ද(මුදලිනායක සෝමරත්න )  බිනරිට කැමතිය.පසුව  සිංඤා හා බිනරිට උදව් කරයි.වෙඩික්කාරයා ගේ දාමරිකකම් පිටුපස සිටින්නේ ගමේ ආර්ච්ච්ලාය.(ඩී .ආර්.නානායක්කාර )වෙඩික්කාරයා සමග ඇතිවූ ගැටුමක් නිසා සුදු බණ්ඩා හිරේට නියම වේ.පසුව බිනරමලී සහේට ගන්නා සිංඤා ගොවිතැනට එක්වේ.එහෙත් වෙඩික් කාරයා ගේ හා ආරච්චිලාගේ අකටයුතුකම් නිසා  සිංඤා නැවත වෙළදාමට සිදාදියට යයි.බිනරි ගේ මව හා පියා  මියයයි. අසරණ වන බිනරිට වෙඩික්කාරයා ගේ බිරිද වෙන්නට  සිදුවේ. ඇය  මවක වේ.සිරෙන් නිදහස්ව එන සුදුබන්ඩා සිංඤා සොයා බිනරි වෙත ගෙන ආවද වනයේ දී වෙඩික්කාරයා හා වන ගැටුමකදී සිංඤා මිය යයි.වෙඩික්කාරයාද මාරු මුවට පත්වෙයි.සුදුබන්ඩා බිනරි හා දරුවාට රැක  වරණය වේ. අමතර රංගනය සදහා කිංස්ලි දිසානායක,ගැමුණු විජේසුරිය,සුමනා අමරසිංහ,සිරිල් වික්‍රමගේ,විජේරත්න වරකාගොඩ,ඇග්නස් අබේවර්දන,දේවිකා කරුණාරත්න,සැමුවෙල් රුද්‍රිගෝ,ඇනස්ලි ඩයස් ,බර්ටි ගනතිලක,අතුල තවත් පිරිසක් එක්විය. 1970 දී පැවැත් වූ 7 වැනි සරසවිය සම්මාන උළෙලේදී හොඳම චිත්‍රපටය, හොඳම තිර නාටක රචක, (තිස්ස අබේසේකර)හොඳම නිළිය (ස්වර්ණා කහවිට), හොඳම සහාය නළුවා (පියදාස ගුණසේකර), හොඳම සහාය නිළිය (ශාන්ති ලේඛා), හොඳම ගීත රචක (මහගමසේකර), හොඳම ගායකයා (ඩබ්. ඩී. අමරදේව) යන සම්මානවලට හිමිකම් කී අතර, වසරේ හොඳම චිත්‍රපට තුන අතුරෙන් මුල් තැනට ද පත් විය.ජේ.ඒ.මිල්ටන් පෙරේරා සහ පිරිස  ගැයූ (අහිගුන්ටික කණ්ඩායමේ පිරිස  බිනරි සහ සිංඤා නැගෙන එනවිට රැගුමට  ගයන ගීතය ) "රන්පොකුනෙන් දිය නාගෙන එන්නේ " අතිශය ජනප්‍රිය විය.මංගල දර්ශනය සංස්කෘතික අධ්‍යක්ෂක හේමසිරි ප්‍රේමවර්ධන සහ සිලෝන් තියටර්ස් අධ්‍යක්ෂක ඇල්බට් පේජ් යන මහත්වරුන්ගේ ප්‍රධානත්වයෙන් පැවැත්විණි.  මුලින්ම තිරගත වූ සිනමා ශාලා - වුවේ ඇල්ෆින්ස්ටන්, රොක්සි, අශෝකා, නිව් මෙට්රෝ, බ්‍රෝඩ්වේ (මාතර), වේල්ස් (මහනුවර), රීගල් (මීගමුව), ඉම්පීරියල් (කුරුණෑගල), ක්වීන්ස් (ගාල්ල), පබ්ලික් හෝල් (ගම්පහ), රීගල් (අම්බලන්ගොඩ), ඉම්පීරියල් (පානදුර), නැෂනල් (මහරගම), රීගල් (අම්පාර), කිංග්ස් (බදුල්ල), ඉම්පීරියල් (රත්නපුරය).ආදියයි.මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි.

 

ධර්මදාස වල්පොල 1950 සහ 60 දශකවල හොඳම පසුබිම් ගායකයා ලෙස සිංහල සිනමාවේ අවිවාදිත ලෙස ආධිපත්‍යය දැරූ . ජනප්‍රිය නාමයක් වන ධර්මදාස වල්පොලගේ මධුර සහ ආදර කටහඬ අදටත් දිවයින පුරා වෙසෙන සංගීත රසික හදවත් තුළ දෝංකාර දේ.. මෙය 2022 දෙසැම්බර් 25 දිනට යෙදෙන මෙම බහුශ්‍රැත ආදරණීය  සංගීතවේදියාගේ 39 වැනි ගුණ සමරුව නිමිත්තෙන් සිදු කෙරෙන ඇගයීමකි.1927 නොවැම්බර් 27 වැනි දින මහනුවර දෙයියන්නේවෙල ප්‍රදේශයේ උපත ලද මෙම අසහාය  වාදකයා  ගායකයා කුඩා කල සිටම තම සහජ සංගීත කුසලතා ප්‍රදර්ශනය කළේය. ඔහුගේ මව කරුණාවතී මහත්මිය වූ අතර පියා වෘත්තියෙන් ඇඳුම් සාදන්නෙකු වූ චාල්ස් අප්පුහාමි මහතා ටවර් හෝල් කලාකරුවන්ට ගැලපෙන ඇඳුම් නිර්මාණය කළේය. ඔහුගේ පියා ඔවුන් සමඟ ඇති සමීප ඇසුර ඔහුට වේදිකාවේ සිටින ප්‍රමුඛ කලාකරුවන් දැන ගැනීමට මග පෑදීය. වයස අවුරුදු 7 වන විට ඔහු නාඩගම් ගීත ගායනා කිරීමට පටන් ගත් අතර ඔහුගේ පියා වේදිකාව පිටුපස සහායක වැඩ සඳහා ඔහුව රැගෙන ගියේය. ටවර් හෝල් කාර්ය මණ්ඩලය සමඟ දැන හඳුනා ගැනීම වේදිකාවේ චරිතයක් රඟ දැක්වීමේ දුර්ලභ අවස්ථාව විවෘත කළේය. පසුව සමුද්‍රදේවි චිත්‍රපටයේ ධනපාල කුමරුගේ ප්‍රධාන චරිතය රඟපෑවේය . ප්‍රවීණ නිෂ්පාදක/අධ්‍යක්ෂක සිරිසේන විමලවීර විසින් නිෂ්පාදනය කරන ලද "අම්මා" වේදිකා නාට්‍යයේ විරුදු ගායනා  කරමින්  ඔහු සිය දක්ෂතා ප්‍රදර්ශනය කළේය. "වෙස්සන්තර"  නාටකයේ  වේදිකාවේ තමන්ගේ හැකියාව  ප්‍රදර්ශනය කළේය..මහනුවර ප්‍රදේශයේ ජේමිස් පෙරේරා මහතාගේ ආභාසය ඇතිව ධර්මදාස සංගීතයට යොමු විය. ලයනල් පෙරේරා, එඩී මාස්ටර් සහ ආර්.ඒ.චන්ද්‍රසේන යන සංගීතඥයන් යටතේ තම හැකියාවන් තව තවත් ඉදිරියට ගෙන ආවේය.. ඔහු කැමතිම වාද්‍ය භාණ්ඩය ලෙස බට නළාව ප්‍රගුණ කළේය. 1950 දශකයේ මුල් භාගයේදී ඔහු රේඩියෝ සිලෝන් වාද්‍ය වෘන්දයට සම්බන්ධ විය. ඔහු හාර්මෝනියම්, වයලීනය, තබ්ලාව සහ නළාවෙහි විශිෂ්ට වාදකයෙකි.  ධර්මදාසගේ සංගීත දිවිය සාර්ථක කර ගැනීමට උපරිම සහයෝගය ලබා දුන් එම්. ආරියදාසට ඔහුගේ ඉහළම  ගෞරවයක් විය. .එවකට ගුවන්විදුලි  අධ්‍යක්ෂවරයාව සිටි තේවිස් ගුරුගේ මහතා විසින් රේඩියෝ සිලෝන් විසින් විකාශය කරන ලද සරල ගී වැඩසටහනෙන් ඔහුගේ සහජ ගායන කුසලතා ප්‍රදර්ශනය කිරීමට ඔහුට අවස්ථාව විවෘත කරන ලදී. ධර්මදාස ජනප්‍රිය ගුවන්විදුලි ශිල්පිනී ජී.එස්.බී. රාණි පෙරේරාගේ සරල ගී වැඩසටහනේදී 1951 දී ඔහුගේ පළමු  ගීතය වන "තොටියෝ තොටියෝ" ගීතය ගායනා කිරීමට එක්විය. එතැන් පටන් ඔහු ඒකල ගීත රැසකින් සහ  යුගල ගීත තුලින් ද ජන්ප්රියතාවට ලක්විය.  "නිදි යහනේ ඇයිද ශෝක සිතින්  " විවියන්ද සිල්වා බොරලැස්ස  සමඟ ගායනා කොට  ජනප්‍රිය  බවට පත්විය.  ඔහුගේ පළමු ඒකල ගීතය වන්නේ බෞද්ධ වටිනාකම් පිළිබඳ "ආසරේ ප්‍රේම සැපතා " ගීතයයි.ධර්මදාස 1953 තිරගත වූ ඔහුගේ  පසුබිම් ගායනා ඇතුලත් වූ පළමු චිත්‍රපටය වන "ප්‍රේම තරංගය" තුළින් එක් රැයකින් පසුබිම්  ගායකයෙකු ලෙස ඔහුගේ ජනප්‍රියත්වයේ උච්චතම අවස්ථාව ලබා ගත්තේය. දශක ගණනාවක් පුරා අතිශය ජනප්‍රිය වූ යුගල ගීයක් වූ "හොඳ හොදම  වේය ලොව කිසිම තැනක  නෑ" (ලතා) රීටා ජෙනවි ප්‍රනාන්දු සමඟ ගායනා කරන ලදී. පසුව ධර්මදාස සමඟ විවාහ වීමෙන් ලතා වල්පොල වූවාය. ඔහු පසුබිම්  ගායනයට පිවිසීම ගැන අසන්නට ලැබුණු රසවත් කතාවක් වේ..මේ ගීතය ගායනා කිරීමට නියමිතව තිබුණේ "ප්‍රේම තරංගය " හි ප්‍රධාන චරිතය රඟපෑ අරුණ ශාන්තිටය,. නමුත් අරුණ ශාන්ති ගායනයේ අවශ්‍ය ගුණාත්මක භාවය තෘප්තිමත් කිරීමට අපොහොසත් වීම නිසා දුෂ්කර තත්ත්වයක් ඇති විය. මේ තීරණාත්මක මොහොතේදී වාද්‍ය වෘන්දයේ එම්.ආරියදාස ස්වේච්ඡාවෙන් ධර්මදාසගේ නිවසට දිවගොස් මධ්‍යම රාත්‍රියේ ඔහු ගෙන්වාගෙන නිෂ්පාදකවරුන්ට හඳුන්වා දුන්නේය. මෙය එක රැයකින් ජනප්‍රිය වාදකයෙක්  පසුබිම් ගායකයෙකු වීම  ඔහුගේ සංගීත දිවියේ සන්ධිස්ථානයක් විය. ඔහු අහංකාර ස්ත්‍රී දෙවන චිත්‍රපටය ලෙස පසුබිම් ගායනා කළේය. සුජාතා චිත්‍රපටය  සඳහා ගීත  ගායනා කළේය. 1952 සිට 1983 දක්වා වසර තිහක කාලයක් තුළ චිත්‍රපට 120කට අධික ප්‍රමාණයකට ඔහුගේ මෘදු සැහැල්ලු සරල ආකර්ශනීය   මේ ස්වර්ණමය   හඬ දායකත්වය විශිෂ්ට විය.. රදල පිළිරුව, සුරගනී ,අසෝකා,සැඩ සුළං ,මාතලන් , දොස්තර ,ඩිංගිරි මැණිකා,සංදේශය,සොහොයුරෝ,රම්‍යලතා ,සුරතලී, සුකොමලි,  සුහද සොහොයුරෝ, සූරයා,සූරසේන, සුන්දර බිරිද, සිතල වතුර, ධීවරයෝ , වීර විජය, සිරියලතා,පුරුෂ රත්නය,මල්ලි සල්ලි ,සුන්දර බිරිද,කපටිකම,දීපසිකා,සේපාලි,ඉපදුනේ ඇයි ,කුරුළු බැද්ද  සසරක හැටි,ශ්‍රී 256,කොහොමද වැඩේ ,සරදම,ජීවිතය,සුජා ගේ රහස ,සුබ සරණ සැප සිතේ,යටගිය දවස,කොළඹ හාදයෝ,මී මැස්සෝ ,ඔක්කොම හරි,හිගන කොල්ලා ,රෑන  ගීරවු ,සුනීතා ,වන මෝහිනී,කෙසර සිංහයෝ, යලි ඉපිදේ, වැනි චිත්‍රපට දහස්  ගණනකගේ සිත් ගත් ගීත ඇතුලත්  චිත්‍රපට අතරින් කිහිපයකි. ආකර්ශනීය   මේ ස්වර්ණමය හඬ වියැකී ගියේ 1979 ජනවාරි මස සිංහල සිනමාවට නිකුත් වූ "සමන්මලී" චිත්‍රපටයේ ඔහුගේ අවසන් ගීතය වන "ආශා මල් පවන්"  ගීතය සමගිනි සමඟිනි.අරුණ ශාන්ති,රවින්ද්‍ර රුපසේන ,හර්බට්  එම් .සෙනවිරත්න,කිංස්ලි රාජපක්ෂ ,පිරිමියෙක් නිසා ,

. ගාමිණී ෆොන්සේකා, ජෝ අබේවික්‍රම, ආනන්ද ජයරත්න, හර්බි සෙනවිරත්න, රෝයි ද සිල්වා  වැනි ප්‍රමුඛ පෙළේ ශ්‍රී ලාංකේය නළුවන්ට පමණක් නොව ජෙමිනී ගනේෂන් වැනි ඉන්දියානු නළුවන්ටද ඔහු පසුබිම් ගායකයා විය.

ජීවිතය සහ සමනලයෝ චිත්‍රපට දෙක තිරගත නොවුනත් මේ විශිෂ්ඨ පසුබිම් ගායකයා විසින් පටිගත කරන ලද ගීත අදටත් ඉතා ජනප්‍රියයි. "ජීවිතය" චිත්‍රපටය වෙනුවෙන් සිඩ්නි ආටිගල සමග ගැයූ "කොව්ලන් හඩයි " සහ "අඹ දඹ සෙවණලි" ගීතය අදටත් ජනතාව අතර ජනප්‍රිය ගීතයක්.1950 ගණන්වල සහ 1960 ගණන්වල අවසාන භාගය තරම් ඈත කාලයකදී සිංහල දෙබස් හින්දි සහ දෙමළ චිත්‍රපටවලට හඬකැවීම සම්පුර්ණයෙන්ම පිරුණු සමයක ධර්මදාස ගේ හඩ ප්‍රේක්ෂකයින් අතර ඉතා ජනප්‍රිය විය. ධර්මදාස වල්පොල හොඳම පසුබිම් ගායකයා ලෙස සම්මානයට පාත්‍ර වූයේ ලොව පිළිගත් ඉන්දියානු ගායක ගායිකාවන්ගේ ප්‍රමුඛතම ස්වර්ණමය හඬ පරදවමිනි.. පතිවත, වීරවික්‍රම, අහිංසක ප්‍රයෝගය, අංගුලිමාල, සුදු නංගි, ලේ කඳුළු, ෂිම්බෝ සහ අංජලී ඔහුගේ ප්‍රවීණ ගායන රංගනයට පැහැදිලි සාක්ෂියකි.මුලදී, ශ්‍රී ලංකාවේ චිත්‍රපට කර්මාන්තය තාක්‍ෂණික සම්පත් වලින් සමන්විත නොවූ හෙයින්, නිෂ්පාදකයින්ට 1950 දශකයේ මුල් භාගයේදී ඔවුන්ගේ නිෂ්පාදනය රූගත කිරීම සඳහා දකුණු ඉන්දියාවට යාමට සිදු විය. මෙය අඩු ගාස්තුවකට ඉන්දියානු ගායක ගායිකාවන් බඳවා ගැනීමට ඔවුන් පොළඹවන ලදී. නමුත් ලතා වල්පොල සහ ධර්මදාස වල්පොල දකුණු ඉන්දීය ඒකාධිකාරය බිඳ දමමින් සිංහල සිනමාවේ අසහාය යුගල බවට පත් විය.ධර්මදාස වල්පොල ප්‍රමුඛ පසුබිම්  ගායකයා පමණක් නොව මුද්‍රා නාට්‍ය ගුවන් විදුලියේ සහ වේදිකා නාට්‍ය සංගීතයේ අවිවාදිත ගායකයා ද විය. ආචාර්ය ප්‍රේමසිරි කේමදාසයන් විසින් රචනා කරන ලද සුප්‍රකට මුද්‍රා නාට්‍ය සංගීතය, බැරි සිල්, කැලෑ  මල් සහ නවරැල්ල යන ගීතවල ගායනයෙහි ඔහුගේ ප්‍රවීණත්වය මතුවිය..   "සිරිකත එන මග" අදටත් ඉතා ජනප්‍රිය ගීත මෙන්ම ආචාර්ය අජන්තා රණසිංහගේ ගී පද රචනයේ සහ මහාචාර්ය සනත් නන්දසිරිගේ තනුවත් දළදා වත රේඩියෝ නාට්‍යයේ "උත්තම මුනි දළදා බලන් සකී" යන සොඳුරු ගීත අමරණීය වේ.

පසුබිම් ගායනයට අමතරව ධර්මදාස HMV සහ Columbia Records සඳහා ගායනා කළේය. එකල එම වාණිජ සන්නාම ලේබල් දෙකටම ගායනා කිරීමට ලැබීම භාග්‍යයක් විය. පටිගත කළ ගීත අතර "සංසාරේ දුක නෑසු ශාක්‍ය රජ", "ආනන්ද ජවනිකා", රුක්මණී දේවි සමඟ "ඇසේ ගීතයේ මධුර ගීතය", "ශ්‍රී ලංකාවේ ශාන්ත සෝබන",  "මැණිකේ මැණිකේ රූන් කන්දේ",  මේ ප්‍රේම කතාවේ" වැනි ඒකල ගීත එක රැයකින් අතිශයින් ජනප්‍රිය විය.

ලතා, ජී.එස්.බී.රාණි පෙරේරා, රුක්මණී දේවි, විවියන් ද සිල්වා බොරලැස්ස, චිත්‍රා සෝමපාල, නන්දා මාලිනී, සුජාතා අත්තනායක, ජික්කි, කේ.ජමුනා රාණි ආදීන් සමඟ ඔහු ස්වර්ණමය හඬ බෙදා ගත්තේය. මොහොමඩ් ගවුස්, ආර්. මුත්තුසාමි, බී.එස්.පෙරේරා, සුනිල් ශාන්ත, ආර්.ඒ.චන්ද්‍රසේන, පී.එල්.ඒ.සෝමපාල, ප්‍රේමසිරි කේමදාස, සරත් දසනායක, සනත් නන්දසිරි යන අධ්‍යක්ෂවරුන් යටතේ ඔහු ගායනා කර ඇත. එසේම ඔහු දක්ෂිණ මූර්ති, එස්.එස්. වෙද, ටී.ආර්.පාපා, ආර්.සුන්දරම්, රාජා තංගේන්ද්‍ර, ගෞරදනම් සහ ජයදේව් වැනි සුප්‍රසිද්ධ ඉන්දියානු සංගීතඥයන්ගේ අධ්‍යක්ෂණය යටතේ ගීත පටිගත කළේය. 1960 සහ 1970 ගණන් වලදී ඔහු මරදානේ ධර්මදාස සංගීතායතනය නමින් , සංගීත පාසල පැවැත්වීය.

ඔහු 1959 දී ශ්‍රී ලංකාවේ නයිටිංගේල් හි ගල්කිස්සේ රීටා ජෙනෙවි ප්‍රනාන්දු (ලතා) සමඟ විවාහ විය. අතිවිශාල ආරාධිත අමුත්තන් සහ කලාකරුවන් පිරිසක් සමඟින් උත්සවාකාරයෙන් මංගල උත්සවයක් කොල්ලුපිටිය සිරිකොතේදී පැවැත්විණි. සිරිකොතට පිටතින් රැස්ව සිටි අතිවිශාල ජනකාය පාලනය කිරීමට පොලිස් නිලධාරීන් යෙදවීමට සිදු විය. ඔවුන්ට පුතුන් තිදෙනෙක් සහ දියණියක් සිටින්නේය .අමිත් වල්පොල, ධම්මිකා  වල්පොල, චමින්ද ලෝලිත වල්පොල, සුනෙත් වල්පොල,  මේ වනවිට සංගීත ක්ෂේත්‍රයට පිවිස ඇත.

. ඔහුගේ අභාවයේ තිස්වන සංවත්සරයට සමගාමීව සමරු මුද්දරයක්.පලවිය.

ධර්මදාස වල්පොල යනු ගායනයෙන් තමන්ට අවාසියක් විය හැකි වුවද ගායනයේ ගෞරවය ආරක්ෂා කිරීමේ ප්‍රතිපත්තිය අකුරටම පිළිපැද්ද මහත්මයෙකි. කෙසේ වෙතත් ඔහු ගත් නිර්භීත තීරණය සංගීතයට සම්බන්ධ අනාගත පරපුරට තම සංගීත දිවියේ විශිෂ්ඨත්වය රැක ගැනීමට ඉවහල් විය. ඔහුගේ සංගීත විශිෂ්ඨත්වයේ අපරිමිත දායකත්වය තිබියදීත්, විශේෂයෙන් ඉංග්‍රීසි මාධ්‍යවල ලියා ඇති සීමිත ලිපි සංඛ්‍යාවක් හැර ඔහු කිසි විටෙකත් සම්මාන වලින් ඇගයීමට ලක් නොවීය. මේ ලිපිය ඔහු ජාතික සංගීතයට කළ අසීමිත මෙහෙවර ගෞරවයෙන් සිහිපත් කිරීමට දරන උත්සාහයකි. මෙම ශ්‍රේෂ්ඨ සංගීතඥයා ජාතියට දක්වන සංගීත විශිෂ්ඨත්වය අගයමින් කෘතවේදීත්වයේ සලකුණක් ලෙස සියලු ශ්‍රී ලාංකිකයන් විසින් ඔහුට ආචාර කිරීම වටී.

කටේ කිරි සුවද යන්නට පෙර ගීතයට පෙම් බැද සටනකි ජීවිතේ කියා සිරි කත  එනමග ලා තන  ගොබ  මත  කන්ද උඩින් එන වලා පටල බිද මේ සවුම්‍ය රාත්‍රියේ ගෙවිලා යති සිතමින්  මග බල බලා සිටිය මා සුදා සමග    මී අඹ වනයේ අනන්ත සුව මැද  දෙවියන් වන්නේ තිරිසන් වන්නේ  මිනිසාමයි කියා දිලිදුන් අතරේ මයි විමානේ සොයා   ජීවිතේ ප්‍රීති සංචාරය විද සැමදාම ඔබ මගේ කියා සංගීතේ රසේ දැනී තනිවුදා  ගග යන්නේ කොහෙද ගලා සාගරයේ ජලය බලා මං මුලා වෙලා යන්නේ කොහේදැන්  අවසානයේ උත්තම මුනි දළදා වඩම්මන පෙරහරට දායකව සමුගත්තේ අදවන් දෙසැම්බර් 25 දිනකදීය.මොක්සුව අත්වේවා.අපේ පැතුමයි.

(අන්තර් ජාලයෙන් ලබා ගත්  තොරතුරු වේ. අඩුපාඩුවක් වේනම් සමාවෙන්න )

"සුරයන්ගේත් සුරයා" 199 වන සිංහල සිනමා කතානාද චිත්‍රපටය

 "සුරයන්ගේත් සුරයා" 199 වන සිංහල සිනමා කතානාද චිත්‍රපටය විය.1969 අගෝස්තු 4 තිරගතව තිබේ.නිෂ්පාදනය දාස් මොහමඩ් වේ.අධ්‍යක්ෂණය ලෙනින් මොරායස් වේ."ඉරු වල්ලවර්ගල්" දමිල චිත්‍රපටය ඇසුරිනි.කතාව සහ තිරපිටපත ද  ලෙනින් මොරායස් වේ චන්ද්‍ර අනගිරත්න දෙබස් රචනය කළේය.කැමරා අධ්‍යක්ෂනය වී.වාමදේවන් වේ.සංස්කරණය බර්නාඩ් රෙජිනෝල්ඩ් ගෙනි.කලා අධ්‍යක්ෂණය ජේ.ඒ .වින්සන්ට් වේ.ශබ්ද පරිපාලනය කේ.එන.නිත්‍ය නාදන්  වේ.වේශ නිරුපනය කේ.සුබ්බයියා  වේ.නැටුම් අධ්‍යක්ෂණය රොනල්ඩ් ප්‍රනාන්දු විසිනි.සටන් අධ්‍යක්ෂණය ඇලෙක්සැන්ඩර් ප්‍රනාන්දු ගෙනි.සංගීත අධ්‍යක්ෂණය එම් කේ.රොක්සාමි මාස්ටර් වේ.පසුබිම් ගායනා සදහා සුජාතා අත්තනායක,එච්,ආර්.ජෝතිපාල.ඇන්ජලින් ගුණතිලක,ලා සිලනියන්ස් දායක විය.කරුණාරත්න අබේසේකර,ධර්මසිරි ගමගේ ගීත රචනා කළේය." ඔබේ මව් බිම සිංහලයි","ආශාවේ ගංගාවේ " ,"ආදර ගීයක තාලේ ඇසේ ","එපා එපා කියන්නෙපා" එහි ඇතුළත්වූ ගීත විය.කතා සාරාංශය මෙසේය.සේන (සේනාධීර රූපසිංහ )හා ගාමිණි (ගාමිණි පොන්සේකා ) සොහොයුරන් දෙදෙනකු මුලික වූ කතාවකි.15 වියැති සේන  පත්තර අලවි කරන්නේ තම 13 හැවිරිදි සොහොයුරා  ගාමිණි නඩත්තු කිරීමටය.එහෙත් රිචඩ් (එච්.ඩී .කුලතුංග ) ගමිනිව පික් පොකට් වෘතියට යොමු කරයි,ගාමිණි මුදල් බෑග් එකක් සොරකම් කරන විට එයට විරුද්ධ වූ සේන රිචඩ් ගෙන් පහාර කයි.කවදා හෝ තමා පලිගන්නා බව සේන සපථ කරයි.සිරගෙට නියමවන ගාමිණී දඩුවම් විද ආපසු නිදහස්ව එනවිට සේන ස්වර්ණාභරණ වෙලන්දකු ලෙස ධනවත්ව සිටි.ශාන්ති (එඩ්නා සුගතපාල )ඔහුගේ බිරිද වේ.ගාමිණි සන්ධ්‍යා (සන්ධ්‍යා කුමාරි )හා මිත්‍රවන්නේ ඇගේ මුදල් ලබා ගැනීමේ අදිටනි.සේන සන්ධ්‍යා පහර ගැනීමට උත්සාහ කරන විට ගාමිණී සන්ධ්‍යා බේරා ගනී.දෙසොහොයුරන් එකිනෙකා නො හදුනයි.රිචඩ් ගේ විවාහ සැලසුමකට එරෙහිවන සන්ධ්‍යා නිවසින් පලා යයි .ඇය ලක්ෂ දෙකක මාලයක් සමග අතුරුදන් වූ බවට රිචඩ් පුවත් පත් දැන්වීමක් දමයි.රිචඩ් බැංකුවෙන් ලබාගත් මුදල සේන විසින් පහර ගත්තද ගාමිණී සේන  ගෙන් නැවත පැහැර ගනු ලබයි.සන්ධ්‍යා පිහිට පතා ගාමිණී වෙතට ආවද ගාමිණි රුපියල් 10000/=කට සන්ධ්‍යාව  සේනට අලවි කරයි.පසුව ඇය ගැන අනුකම්පාවෙන් බේරා ගනියි .මෙම සිදුවීම් සන්ධ්‍යා ගෙන් දැන ගන්නා දරුවෙක් ලැබීමට සිටින  සේන  ගේ බිරිද දුම්රියට පැන දිවි නසා ගන්න තැත් කරයි.ගාමිණී ඇය බේරා ගෙන ශාන්තිට     පිළිසරණ වේ.ශාන්ති දරුවා ලබයි.මේ සම්බන්ධය දැනගන්නා සන්ධ්‍යා රට හැර යයි.ලක්ෂ දෙකේ මාලය සොරාගත් බවට සැක කරන සේන නීතියට හසුකර දීමට ගාමිණි පොලිසිය හා එක්වේ.කෙසේ හෝ සේන පොලිසියට හසුවේ. වසර ගානකට පසුව එන සන්ධ්‍යා ශාන්තිගෙන් සත්‍ය දැනගනී .ගාමිණි ඇය බාර ගැනීමට කැමති නොවේ.තම සහචර ඩගී ගෙන්(ඇලෙක්සැන්ඩර් ප්‍රනාන්දු )ගාමිණී හා ශාන්ති ගේ සම්බන්ධය දැනගෙන සේන  පලි  ගැනීමට සිතා හිරෙන් පනී.සෙන අතින් රිචඩ් මාරු මුවට පත්වේ.පසුව ගාමිණී සොයා එන සේන ගාමිණි හා සටනේ දී තමන් සොහොයුරන් බව දැනගනි.සේන හිරගෙට නියමවේ.ශාන්ති හා දරුවා  ගාමිණීට බාරදී සේන හිරගෙට යයි. සන්ධ්‍යා හා ගාමිණි එක්වේ.අමතර රංගනයට සෝනියා දිසානායක,ඇන්තනි සී පෙරේරා,උදුලා දාබරේ,බඳු මුණසිංහ ,හෙලන් කුමාරි,සුනිලා ජයන්ති,පුජිත මෙන්ඩිස්,ජෝ ලිවේරා,මොහිනා තහා ,කරු දිසානායක,ටියුඩර් කරුණාතිලක,වින්සන්ට් වාස්,අනුෂා ගීතාන්ජලි,ආදීන දායක විය.එදා තිරගත වූ සිනමා ශාලා - ගාමිණී (මරදාන), සැෆයර් (වැල්ලවත්ත), මානෙල් (මොරටුව), කුවින්ලන් (නුගේගොඩ), අනූෂා (මහරගම), නීලා (දංකොටුව), විජේන්ද්‍ර (අනුරාධපුරය), ප්‍රින්ස් (ගාල්ල), සමුද්‍රා (වත්තල), මිනර්වා (කළුතර), ඇස්. කේ. (මාතර), ඡායා (කෑගල්ල), සාගර (හලාවත), අනුර (අම්බලන්ගොඩ), ජයන්තා (ගම්පහ), ජුපිටර් (කුරුණෑගල), ජයමිණි (පානදුර),රත්නාවලී (ජාඇල), ලක්ෂ්මී (රත්නපුරය).මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි.

198 වන සිංහල සිනමා කතානාද චිත්‍රපටය වුවේ 1969 ජුලි 10 තිරගත වූ "මී මැස්සෝ " චිත්‍රපටය වේ

 198 වන සිංහල සිනමා කතානාද චිත්‍රපටය වුවේ 1969 ජුලි 10 තිරගත වූ "මී මැස්සෝ " චිත්‍රපටය වේ.ඒ.එම් .සේනානායක නිෂ්පාදනය කල අතර අධ්‍යක්ෂණය ධර්ම ශ්‍රී කල්දේරා ගෙනි.කතාව තිර පිටපත දෙබස් රචනය  ද ධර්ම ශ්‍රී කල්දේරා ගේම  විය.කැමරා අධ්‍යක්ෂණය ඩබ්ලිව් .ඒ.බී.ද සිල්වා විය.සංස්කරණය එඩ්වින් ලිටින් සහ .ඩබ්ලිව්.කේ රුපසේන වේ.ශ්මද පරිපාලනය නිමල් වීරක්කොඩි ගෙනි.වේශ නිරුපනය ඊබට් විජේසිංහ වේ.නැටුම් අධ්‍යක්ෂණය සෝමපාල මුදුන්කොටුව ගෙනි.සංගීත අධ්‍යක්ෂණය මාස්ටර් ප්‍රේමසිරි කේමදාස ගෙනි.පසුබිම් ගායනා වික්ටර් රත්නායක,නාලනී රණසිංහ ,ධර්මදාස වල්පොල,ලතා වල්පොල,එම.එස්.ප්‍රනාන්දු ,එච්.ආර්.ජෝතිපාල,සී.ඩී .පොන්සේකා  ආදීන් දායකව තිබේ.ගීත පදමාලා ධර්මසිරි ගමගේ,ජෝර්ජ් ලෙස්ලි රණසිංහ ,ආනන්ද සරත් විමලවීර,බිංගිරියේ විජය කුමාර දායකව තිබේ.එහි ඇතුළත්වූ ගීත වුවේ රුං රුං රුං මී මැස්සෝ,දිවි මැදුරේ සදළු තලේ ,සහන් සුවය ඇළුම් වැඩූ, හෙට උදයේ අළුත් ඉරක් ,ගම්මානයේ සිදු වූ , ගම මහ ගෙට අසරණ , ජීවන සුවඳක් දැනෙනවා ආදියයි.මංගල දර්ශනය – මහාචාර්ය ගුණපාල මලලසේකර හා එම මහත්මියගේ ප්‍රධානත්වයෙන් අශෝක සිනමා ශාලාවේදී පැවැත්විණ.කතා සාරාංශය මෙසේය.ගමේ තරුණයෙක් වන චාමර (ගාමිණි පොන්සේකා )හමුදා නිලධාරියෙකි.සලිතා (අනුලා කරුණාතිලක )චාමර ගේ පෙම්වතිය වේ.රාජා හාමු (ආනන්ද ජයරත්න ) ගමේ ප්‍රභූ පවුලකට අයත් සල්ලාල තරුන  යෙකි. සමහර ගැමි ලියන්  හාමුට ප්‍රිය වුවද සලිතා හාමු පිළිකෙව් කලාය .හාමුගෙන් අනාථ වන මැන්චා (ජානකි කුරුකුලසූරිය )හාමුගේ මවගේ අනුදැනුමෙන් (ජෙසිකා වික්‍රමසිංහ ) මැන්චා වයසක් කෙනකුට විවාහ කරදෙයි.මේ අතර චාමර සමග සේවය කරන ලුතිනන් ලයනල් (ලයනල් දැරණියගල )දරු දෙදෙනා සහ බිරිද (.රුවිනා දීපානි )අමතක කර ටෙක්ලා (සෝනියා දිසා )නම් සංකර තරුණියට සම්බන්ධ වේ.ගමේ කෙල්ලන් අතුරුදන් වෙන්නටත් මිය යන්නටත් පටන් ගනී.හාමු ගේ මවගේ සාත්තුවට පැමිණි සලිතා ද අතුරුදන් වේ.ඇය ගන විමසීමට එන චාමර සහ ගම්මුන් රාජා හාමු විසින් පලවා හරි.මේ අභිරහස සෙවීමට චාමර ඉදිරිපත් වේ.ලයනාල් අනතුරකට ලක්වේ.මවිට ටෙක්ලා ලයනල් ව අත හරි.ලයනල් නැවත තම දරු පවුල වෙත යයි.චාමර ලයනල් ඇතුළු පිරිසක්  දකුනේ කංසා සංහාරයක් පිණිස යවයි.අතරමංවූ සලිතා ද රැකවරණය ලබා සිටින්නේ මේ අඩවියේම දේවාලයක ය.සලිතා හාමුගේ අතවරය නිසා  දැන් එක්දරු මවකි.කංසා සංහාරයේ දී අහඹු ලෙස ස්ලිතාට චාමර මුණ ගැසේ .සලිත සියල්ල හෙළි කරයි.චාමර රාජා හාමු සොයා එනවිට හාමුට සාමවිනිසුරු පදවියක් පිළිබද නිවසේ උත්සවයකි.මෙතනට එන චාමර රහස් හෙළිකරයි.රාජා හාමු චාමරට ගිනි අවියක් එල්ල කරයි.සලිතා සහ දරුවාද පැමිණේ.රාජා හමු වෙඩි තබාගෙන දිවි නසා ගනී.සලිතා දරුවා සමග චාමර විසින් බාර ගනී.අමතර රංගනයට නීටා ප්‍රනාන්දු,මිලි කහදවල,චිත්‍රා වාකිෂ්ට,ලොයිඩ් වාකිෂ්ට , අනුෂා ගීතාන්ජලි,ලලිතා නිරංජලා අල්මේදා,ප්‍රේම කාන්ති ,නෙළී ප්‍රනාන්දු,හියුගෝ ප්‍රනාන්දු,පියදාස විජේකෝන්,විමලා කුමාරි,දොන් සිරිසේන,එල්සන් දිවිතුරුගම,ජෝ ලිවේරා,හියු ප්‍රනාන්දු,බී.සී.ද සිල්වා,ධර්මදාස කුරුප්පු,මයිකල් ප්‍රනාන්දු,රිචඩ් එම් .රෝයල්.සීතා කුමාරි,රත්නාවලී කකුනවෙලා,එම් .එස්.ප්‍රනාන්දු ආදී විශ්ල පිරිසක් දායකව් තිබේ.ගාමිණි ,අනුලා,ආනන්ද ජයරත්න ආදීන්ගේ රංගනයන් එකල  විචාරක පැසසුමට ලක්විය.මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි.

1969 ජුනි 20 සිංහල කතානාද සිනමාවේ 197 වැන්න ලෙස "රැයත් දවාලත්" නමැති චිත්‍රපටය

 1969 ජුනි 20 සිංහල කතානාද සිනමාවේ 197 වැන්න ලෙස  "රැයත් දවාලත්"  නමැති චිත්‍රපටය තිරගත වේ මි. මි. 16 කැමරා ගත කොට මි. මි. 35 විශාලනය කර පෙන්වීය. එක් පිටපතක් පමණි. මුලින්ම නුවර රීගල් සිනමා ශාලාවේ ද, දෙවනුව පාමන්කඩ ඊරෝස් සිනමා ශාලාවේද පෙන්වීය. ආත්ම දෙකක කතාවක් වූ මෙය, කළු සුදු සහ වර්ණයෙන් නිෂ්පාදිතයි. මේ සමඟ කෙටි චිත්‍රපටයක් ද පෙන් වීය.නිෂ්පාදනය සහ අධ්‍යක්ෂණය රන්ජිත් පෙරේරා ගෙනි.කතාව ජමාල්ඩීන් එම සුබයියර් වේ.තිරපිටපත රන්ජිත් පෙරේරා සහ බර්ටි ජයසේකර ගෙනි.කැමරා අධ්‍යක්ෂණය මිලාන් කුරේරා වේ.සංස්කරණය රන්ජිත් වත්තල්දෙණිය   වේ.කළා අධ්‍යක්ෂණය සිරිල් වික්‍රමතුංග ගෙනි.ශබ්ද පරිපාලනය මැක්ස්වෙල් ද සොයිසා ගෙනි.සම නිෂ්පාදිකා අනෝමා වත්තල්දෙණිය වේ.සංගීත අධ්‍යක්ෂණය පී.වී. නන්දසිරි වේ  පසුබිම් සංගීතය ඊ .එම් .එච් සොක්මන් විය.අමරසිරි කලන්සුරිය සහ අනෝමා වත්තල්දෙනිය සිනමා රංගනයට ආගමනය වන්නේ ද මේ චිත්‍රපටය තුලිනි.

                   ආත්ම දෙකක කතාවක් මෙහි  තේමාව විය පෙර ආත්මය කලුසුදු වර්ණය සහ රැය ලෙස ද වර්තමානය වර්ණයෙන් දවාල ලෙසත් සංකේත විය.කතා සාරාංශය මෙසේය.රාජා (අමරසිරි කලන්සුරිය )කොළඹ සමාගමක් සේවය කරන ක්‍රීඩකයෙකි.ඔහු නේවාසිකව සිටින්නේ මහල් නිවසකය.ඉදිරිපිට නිවසේ සිටින්නේ අනෝමා (අනෝමා වත්තල්දෙණිය)නම් සිසුවිය ක්‍රීඩාවට ලැදිය .රාජා සහෝදරිය ලෙස අනෝමා ඇසුරු කරයි.රාජා වරක් තම පවුලේ ජායාරුප ඇල්බමය අනෝමාට පෙන්වයි.ටික කලකට පෙර හදිසි අනතුරකින් මියගිය නැගණිය  ශිරානි (අනෝමා වත්තල්දෙණිය) සහ දෙමව්පියන් ගේ ජායාරුප එහිවේ.මේ රුප දකින අනෝමාට අතීතය පිළිබද මතකය සිතුවිලි රුප මතක් වේ.රාජා නමින් සහෝදරයකු සිටි බවද මේ දෙමාපියන් තමාට හුරු බවත් සිහිවේ.රාජා කිරිහලක  සේවය කරන ජානකි (මනෝරි සමරතුංග)සමග පෙම් දමක් පවත්වයි.ජානකි අනෝමා හා රාජ අතර සම්බන්ධය වරදවා තේරුම් ගනී.සාදයකට යාමට ජානකි රාජාට ඇරයුම් කලද තමාට ක්‍රීඩා තරගයකට යාමාට ඇතැයි රාජ ඇරයුම පිලි නොගනී.තමා වෙනත් තරුණයෙක් සමග යනබව පවසන විට කෝපවන රාජා ඉවත්ව  යයි.පසුව පැමිණියද ජානකි පිටව ගොසිනි.මෙයින් රාජා කලකිරේ .මේ අතර තම පෙර ආත්මය පිලිබදව තොරතුරු රාජාට පැවසීමට අවශ්‍ය වුවත් රාජ ගේ මානසිකත්වය නිසා නොහැකි වේ.පසුව අනෝමා රාජාට එම තතු පවසයි .අනෝමා යනු තමාගේ මියගිය නැගණිය ශිරානි ගේ පුනරුප්පත්තිය බව රාජා තේරුම් ගනී.ලලනා වික්‍රමතුංග ,සුසන්ත ජයමහ ,මෙහි අනෙක් රංගන දායකයෝ විය,.මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි.

1969 ජුනි 17 තිරගත වුවේ "බඩුත් එක්ක හොරු " චිත්‍රපටයයි.එය කතානාද සිංහල සිනමාවේ 196 වැන්නයි

 1969 ජුනි 17 තිරගත වුවේ "බඩුත් එක්ක හොරු " චිත්‍රපටයයි.එය කතානාද සිංහල සිනමාවේ 196 වැන්නයි .රන්ජිත් සේනවීර විසින් නිෂ්පාදනය කොට අධ්‍යක්ෂණය කළේය. මීට පෙර රන්ජිත් සේනවීර  "සිහින හතක් " චිත්‍රපටයේ නිෂ්පාදක වරයා වේ.තිස්ස අබේසේකරයන්  කතාව ලියා තිර පිටපත හා දෙබස්  රචනා  කොට තිරයට නැගුනු පළමු චිත්‍රපටය ද මෙය වේ.කැමරා අධ්‍යක්ෂණය සුමිත්ත අමරසිංහ ගෙනි.සංස්කරණය ටයිටස් තොටවත්ත වේ.ශබ්ද පරිපාලනය කේ.පී බාලසිංහම්  වේ.වේශ නිරුපනය ඊබට් විජේසිංහ වේ. දෙබස් සහ ගීත රචනා කිත්සිරි නිහාල් ජයසිංහ,සිරිල් බී පෙරේරා [ වේ.සංගීත අධ්‍යක්ෂණය ෂෙල්ටන් ප්‍රේමරත්නයන් ගෙනි.පසුබිම් ගායනා සදහා සුජාතා අත්තනායක,ජේ.ඒ. මිල්ටන් පෙරේරා,හරුන්  ලන්ත්‍රා, සරත් සන්දනායක ,දයා නෙල්ල්ම්පිටිය.රන්ජනී පෙරේරා,මල්ලිකා පෙරේරා, ආදීන් දායක විය. "තම්  දෙනනම් දෙනතා ", "අහසේ තරු ගනින්න වෙයිද " ,"සාගරයේ අනන්ත සාගරයේ ", " පරම්පරාවෙන් පරම්පරාවට "," ගමන කෙළවර මරණ හමුවේ " , " අන්ධ මන්දම අන්දකාරේ " ඇතුලත් වූ ගීත වේ.කතා සාරාංශය මෙසේය.නිහාල් (ගාමිණී පොන්සේකා )පාල (ජෝ අබේවික්‍රම ) තිලක් (වොලී නානායක්කාර )රැකියා නැති තරුණයන් තිදෙනෙකි.මුහුදු වෙරළේ තරුණියන්ට විහිළු කිරීමෙන් සංගීතයෙන් කාලය ගෙවමින් සිටි.කොහේහෝ යාමට දුම්රියකට නැගුනු ඔවුහු පර්වේෂ් පත්‍ර මිලදී ගෙන නැත.එහෙයින් ගී ගයමින් මගීන් ගෙන් මුදල් එකතු කරති.මේ අතර තරුණියක් ඔවුන් අතරට පැමිණ මැරයන්ගෙන් තමා බේරා ගන්නා ලෙස ඉල්ලා සිටි.මීනා (ජානකි කුරුකුලසූරිය ) එම තරුණිය වේ.මැරයා (ජෝ මයිකල් ) වේ තරුණයන් මීනා බේරා ගනී.මැරයෝ දුම්රියේ දම්වැල (තිරිංග )ඇද දුම්රියෙන් පනී . තරුණිය ද බසී.තරුණයෝ ද තරුණිය පසුපස යයි.මුහුද අසල ප්‍රදීපා ගාරයකි.කුඩා ගම්මානයකි.එහි නායකයා නබ්බියාර් (පියදාස ගුණසේකර) වේ.ඔහුගේ අනියම් බිරිද ඇසිලින් (චිත්‍රා වාකිෂ්ට )විය.මීනා එහි යන්නේ සෙල් ලිපියක සදහන් නිදන් විස්තරයක් ගැන දන ගැනීමටය.අගේ පියා මේ ගමේ සැබෑ ප්‍රධානියාවේ.නම්බියාර්ට අවශ්‍ය මේ නිධානය ගැනීමටය.පාල තමා ශාස්ත්‍ර කරුවෙක් ලෙස නම්බියාර් රවටයි.මේ අතර තිලක් මීනා සමග පෙම් සම්බන්ධතාවක් ඇති කරගනී .කුමාරි (ජීවරාණි කුරුකුලසූරිය ) මෙහි නලගනකි.නිහාල් ඈ පිළිබද සිත් ඇතිව සිටි.ගල පිපිරවා නිධානය ගැනීමට උත්සාහ කරන්නේ නගරයේ සිට එන ජීවචන්ද්‍ර (පියදාස විජේකෝන් ) වේ. නම්බියාර් ජීවචන්ද්‍ර ගේ අතවැසියාය .පාල නම්බියාර් සහ ජීවචන්ද්‍ර අමනාප කරවයි.නම්බියාර් ගේ අත්අඩංගුවට පත් තරුණයන් තිදෙනාට ගැලවීයාමට උදව් කරන්නේ කුමාරිය.ප්‍රදීපාගාරය අත්පත් කරගන්නා තරුණයෝ ජීවචන්ද්‍ර ගේ පිරිසට වෙඩි තබයි.කුළුණ පුපුරුවා හරි. මේ අතර නම්බියාර් මීනාව බලයෙන් දේවාලයට ගෙන ගොස් නිධානය ලබාගනී.එතැනට පැමිණෙන පාල බඩුත් එක්ක හොරු යයි කියයි.ඒ සමගම පාල නින්දෙන් අවදිවේ. මේ පාල දුටු සිහිනයකි.අතිරේක රංගනය සදහා ලිලියන් එදිරිසිංහ,දොන් සිරිසේන ,පුජිත මෙන්ඩිස්,ෂේන් ගුණරත්න,ලොයිඩ් වාකිෂ්ට,මියුරි සමරසිංහ,තිස්ස අබේසේකර ආදීන් දායක විය.මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි.

1969 මැයි 22 තිරගත වන්නේ "හතර පෙරලිය " චිත්‍රපටයයි සිංහල කතානාද සිනමාවේ 195 වැන්නයි

 1969 මැයි 22 තිරගත වන්නේ "හතර පෙරලිය " චිත්‍රපටයයි සිංහල කතානාද සිනමාවේ 195 වැන්නයි .ජෝන් වික්‍රමසිංහ ,ඩබ්ලිව් එම් .සුමතිපාල දෙදෙනා ගේ නිෂ්පාදනයකි .අධ්‍යක්ෂනය හතර මුලට එන චිත්‍රපට හැදු එල්.එම් .(ලාන්ස් ආරච්චිගේ මාටින් )පෙරේරා වේ.හතර යොදා ගන්නේ තමා පවුලේ හතර වෙනියා තමාට දරුවන් හතරයි, සිදුහත් කුමරු දුටු සතර පෙරනිමිති ආදිය පාදක කොට ගෙනය.කතාව සුදාස් මාස්කොරාල යන්ගේය. එතුමා ගේ  "බැරි සිල්"ගීත නාටකය ඇසුරිනි.ගීතමය දෙබස් මුළුමනින්ම ඇතුළත්ව ගීත නාටකයක් ඇසුරින් තැනුණු ප්‍රථම සිංහල චිත්‍රපටය.ද මෙයවේ.තිර පිටපත එල්.එම් පෙරේරා විසිනි.කැමරා අධ්‍යක්ෂණය තිමති වීරරත්නාවේ. ශබ්ද පරිපාලනය මර්වින් රොඩ්රිගෝ නිමල් වීරක්කොඩි ගෙනි. කලා  අධ්‍යක්ෂනය ස්ටීවන් ගුණතිලක ගෙනි.දෙබස් ගීත  සුදාස් මාසකෝරාළ ගෙනි.සංස්කරණය එඩ්වින් ලිටින් වේ.වේශ නිරුපනය එච්.ඩී පී.ජයතුංග වේ. සංගීත අධ්‍යක්ෂණය ප්‍රේමසිරි කේමදාසයන් වේ."නිවන් සුගන්ධිත" ගීතය කරුණාරත්න අබේසේකරයන් ගේ පදමාලාවකි ගීත ගායනා සදහා නාරද දිසාසේකර ,ජේ.ඒ.මිල්ටන් පෙරේරා,වික්ටර් රත්නායක ,එල්.එම් .පෙරේරා ,සුජාතා අත්තනායක ,ඇන්ජලින් ගුණතිලක,මල්ලිකා පෙරේරා,නන්දා මාලනී ර,රන්ජනී මල්කාන්ති පීරිස් ,රූපා ඉන්දුමතී ,ආදීන්ද සහය ගායනා සදහා ජෙසිකා වික්‍රමසිංහ,ඉන්ද්‍රානි එම් .කල්දේරා,කරුණා ගුණතිලක,ප්රියන්තා ප්‍රනාන්දු,නාලනි රන්සිංහ,හේමා ගැටමුරුත ,ජයතිස්ස හෙට්ටිආරච්චි,උපසේන ගෝමස්,මංගල සුබසිංහ,දායක විය. කතා සාරාංශය මෙසේය.උපැවිදි වන සීලරතන  (එල්.එම් .පෙරේරා )සීලවති (නීලා ලියනගෙදර )සමග යුගදිවි ගෙවයි.ඔවුනට කුඩා දරුවෙක්ද වේ.සීලරත්න වෙර වෑයමෙන් ගොවිතැන් කලද නිතරම බිරිද ගේ ඇනුම් බැනුම් වලට ලක්වේ.ඔහු ගේ උපශාන්ත හා උදාසීන ගති බිරිදට නොරිස්සුම්වේ.මේ නිසා ය අනාචාරයට යොමුවේ.ගමට එන සංගීත ගුරුවරයා සිරිමල් (රෝයි ද සිල්වා ) හා ඇය හාදවී සීලරතන නිවසින් පන්නා දමයි.මේ අතර දරුවෙක් සමග ගමට එන ස්ත්‍රියක් සිරිමල් තමාගේ සැමියා බව පවසයි.සිරිමල් විවාහකයෙක් නිසා කලකිරෙන සීලවතී නැවත සීලරතන සොයා එයි.ඒ වනවිට ගිහි ජීවිතය කලකිරුනු සීලරත්න නමින් නැවත පැවිදිවෙයි . රංගන දායකත්වයට එල්.එම් .පෙරේරා,සුමනා අමරසිංහ,ගර්ලි ගුනවර්දන,රොබින් ප්‍රනාන්දු,ජෙසිකා වික්‍රමසිංහ,ලිලියන් එදිරිසිංහ,ලයනල් දැරණියගල,ශ්‍රියානි පෙරේරා,නෙල්සන් කරුනාගම,ජීවරාණි කුරුකුල සුරිය,වසන්තා කිරිවත්තුඩුව,සෝමා මාවල්ලගේ,දායක විය.පැවිදි වන සීලරත්න දඹදිව වන්දනාවේ යන දර්ශන ඇතුලත් විය.එකල දඹදිව යාම පොදු ජනතා  සිහිනයක් වූ අවදියක  නිසා මේ චිත්‍රපටය නැරබීමට ඇති විශාල ජනකායක් එක්විය ආදායම් අතින් ඉතාම ඉහල ප්‍රතිචාරයක් ලැබුවාය..වෙනදා ඇසුණු විසිල් හඩ  නොව සිනමාහලේ සාදුකාර හඩ ඇසිනි.එවැනි හාස්කමක් කරන්නට ඊට පෙර හෝ පසු සිනමා කරුවෙක් සමත් නොවිණි. විචාරකයින් ගේ අදහස නම් පෙරේරාලා හතර දෙනකු ගේ දස්කම් අඩුවැඩි යක් හතර පෙරළියෙන් වූ බවයි.එල්.එම් .පෙරේරා මිල්ටන් පෙරේරා,ස්ටැන්ලි පෙරේරා,ප්‍රේමසිරි කේමදාස පෙරේරා ඒ හතර  දෙනාවේ.   මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි. 

"කවුද හරි " 1969 අප්‍රියෙල් 2 තිරගතවිය .කතානාද සිනමාවේ 194 වැන්නයි

 "කවුද හරි " 1969 අප්‍රියෙල් 2 තිරගතවිය .කතානාද සිනමාවේ 194 වැන්නයි .තිස්ස ලියන්සුරිය අධ්‍යක්ෂණය මුලින් සම්බන්ධව එතුමා රජයේ චිත්‍රපට අංශයට වෘතියට යොමුවීම නිසා ටයිටස් තොටවත්තයන් ට අධ්‍යක්ෂණ කාර්ය අයත්විය.නිෂ්පාදනය බී.ඩී ධර්මසේන සහ ශිලා ධර්මසේන ගෙනි."ආයි මිලන් කී බේලා" හින්දි චිත්‍රපටය ඇසුරෙනි කතාව ශිලා ධර්මසේන ගෙනි.කැමරාකරණය එම් .ඩී .සුමනසේකර වේ.සන්ස්කරන්යද ටයිටස් තොටවත්ත ගෙනි.සංගීත අධ්‍යක්ෂණය සිසිර සේනාරත්නයන් වේ. අරිසෙන් අහුබුදු,ධර්මසිරි ගමගේ, කරුණාරත්න අබේසේකර ගීත පදමාලා රචනා කළේය.සිසිර සේනාරත්න ,සී.ටී. ප්‍රනාන්දු ,ඉන්ද්‍රානි සේනාරත්න ,අයිවෝ ඩෙනිස් ,වික්ටර් රත්නායකයන් පසුබිම් ගායනා කළේය.රිදී කුමාරි සීතල ඇල්ලයි ,මී වදයකි ජීවිතේ,නැගෙන වැටෙන වැටී නැගෙන ,වනමල් පිපෙන්නේ යන ගීත මෙහි ඇතුලත් විය.

            කතා සාරාංශය  මෙසේය.සුභා (මාලනී පොන්සේකා ) තම මව සමග  වෙසෙන රූමත් තරුණියකි.මව මිය යන අවස්ථාවේ සුභා ට පවසන්නේ රත්නපුරේ ගජනායක නිලමේ (ඩේවිඩ් ධර්මකීර්ති )සුභා ගේ පියා බවත් හිතුවක්කාර විවාහය නිසා තමා වලව්වෙන් පිටමං කල බවත්ය.මව විසින්  සුභා හා මව සමග සිටින ජායාරුපයක් ද සුභාට දෙයි.සුභා හෙන්දප්පු (ඩී .ආර්.නානායක්කාර ) සමග තම සීය සොයා යයි.සීයා වන්දනා ගමනක ගොසිනි..මුදලි තම දුව සොයා ගැනීමට දේවාලවලට යයි.මුදලි ගේ නීති වේදියා අජිත් (ඩොමී  ජයවර්දන ) මහලු ස්ත්‍රියකගේ (දෙනවක හාමිනේ ) සහාය ඇතිව ප්‍රින්සි (සන්ධ්‍යා කුමාරි )නම් තරුණිය මුදලි ගේ මිනිබිරිය සේ ඉදිරිපත් කරයි.එය මුදලි ගේ දේපල අයිති කර ගැනීමට කරන උපක්‍රමයකි. මුදලි නොමැති  හෙයින්  පිටව . යන සුභා ඔරුවකින් ගගට වැටෙයි.ඇය බේරා ගන්නේ වතු පාලකයෙක් වන සමන් (කරු නානායක්කාර  )වේ දෙවන වරට සුභා මුදලි සොයා ආවිට  අජිත් සුභා සැබෑ මිනිපිරිය බව දැනගනී .ඔහු වංචාවෙන් සුභා සම්බන්ධ ලියවිලි ලබා ගනී.සමන් ගේ දෙමාපියන් ඇවැස්ස නැනා වන නීටා (නිලන්ති විජේසිංහ )ඔහුට විවාහ කරදීමට සුදානම්  කලද ඇය පෙම් කරන්නේ සමන ගේ නෑදෑ සොයුරෙක් වන බන්දුට (රොබින් ප්‍රනාන්දු )වේ.මුදලි ප්‍රින්සි තම මිනිපිරිය ලෙස පිළිගන්නා අතර සුභා තිලකා නමින් වලව්වේ සේවිකාවක් බවට පත්වේ.මුදලි රවටා බුදලය ලබා ගැනීමට දරන උත්සාහය තිලකා නිසා මග හැරේ.මේ අතර සමන් නැවත පැමිණෙන්නේ සාස්තර කරුවෙක් ලෙසටය.ප්‍රින්සි නමට ලියු ඔප්පුව හෙන්දප්පු සොරකම් කරයි.අජිත් හා හෙන්දප්පු අතර ගැටුමේදී සුභා හා මව ගේ ජායාරුපය හෙන්දප්පු අතට පත්වේ.අජිත් ගේ සගයන් හෙන්දප්පුට පහර දෙනවිට බන්දු ඔහු බේරා ගනී.ජයාරුපය දකින මුදලි සුභා මිනිපිරිය බව පිළිගනී.සමන් හා සුභා ද බන්දු හා නීටා ද අවසානයේ එක්වෙති.අමතර රංගනයෙන් ශාන්ති ලේඛා,දොන් සිරිසේන,ලිල්යන් එදිරිසිංහ ,තිලකසිරි ප්‍රනාන්දු,බෙන්ජමින් ප්‍රනාන්දු,වික්ටර් දළුගම,ඒ.ජේ.ද සොයිසා ,එම් .ඒ.සිමියොන්,ගීතාල් පෙරේරා දායක විය.

   මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි

1969 අප්‍රියෙල් 02 තිරගතවූ "හරිමග "චිත්‍රපටය සිංහල සිනමා කතානාද සිනමාවේ 193

 1969 අප්‍රියෙල් 02 තිරගතවූ "හරිමග "චිත්‍රපටය සිංහල සිනමා කතානාද සිනමාවේ 193 වන චිත්‍රපටය වේ.නිෂ්පාදනය කොට අධ්‍යක්ෂණය කලේ ඩී .එම් .මරියදාස් විසිනි.කතාව තිර පිටපත  ද ඩී .එම් .මරියදාස් ගේම විය. කැමරා අධ්‍යක්ෂණය ඇම් ඒ ගපුර් ගෙනි සංස්කරණය එඩ්වින් ලිටින් වේ.කළා අධ්‍යක්ෂණය ජේ .ඒ .වින්සන්ට් විය.ශබ්ද පරිපාලනය ටී.සෝමසේකරන් ගෙනි.වේශ  නිරුපනය රෙජී ද සිල්වාය.සංගීත අධ්‍යක්ෂණය ප්‍රේමසිරි කේමදාසයන්ය.ගීත පදමාලාවන් ධර්මසිරි ගමගේ විසින් රචනා කොට තිබේ.පසුබිම් ගායනා සදහා ඩබ්ලිව්.ඩී අමරදේව,ලතා වල්පොල,සිසිර සේනාරත්න ,සුජාතා අත්තනායක, සනත් නන්දසිරි,ඇන්ජලින් ගුණතිලක,හැරුණ ලන්ත්‍රා , ධර්මදාස වල්පොල ආදීන්  දායකවිය.කතා සාරාංශය මෙසේය.දඩබ්බර තිලක් ප්‍රභූ පවුලක දරුවෙකි.ඔහු පන්සලේදී චන්ද්‍රිකාට ගලකින් ගසා කීර්තිට ද හිරිහැර කරයි.තිලක් මවට ද (රුබි ද මැල් )කීකරු නැත.නායක හාමුදුරුවෝ (සතිස් චන්ද්‍ර එදිරිසිංහ )නිවසට වැඩම කර තිලක්ට අවවාද කරයි.පසුව හොද ළමයෙක් වේ.විශ්ව විද්‍යාලයේ වෛද්‍ය ශිෂ්‍යයෙක් (ටෝනි රණසිංහ )වේ.ඔහු නැවතී සිටින්නේ තම මාමා මුණසිංහ ගේ (එඩී ජුනියර් )නිවසේය.නිවසේ සිටින පර්සි (ලයනල් දැරණියගල ) ද මුණසිංහ ගේ බෑනා කෙනෙකි.මුණසිංහ ගේ දුව සමන්ති (සෝනියා දිසා ) තිලක්ට කැමතිය.පර්සි ද සමන්ති ලබා ගැනීමේ කැමැත්තෙන් සිටි.එහෙත් තිලක් පෙම් කරන්නේ දුප්පත් චන්ද්රිකාටය (නිලන්ති විජේසිංහ ) තිලක් ගේ මිත්‍රයා කීර්ති (ඔස්වල්ඩ් ජයසිංහ )වේ.මුණසිංහ ලබන ලාභයක් නිසා තිලක් ගේ ඉල්ලීම පිට ගමේ ආරෝග්‍ය ශාලාවක් සාදවයි .සමන්තිද එහි හෙදියක ලෙස සේවය කරයි.එයට පෙර සමන්ති නෑටුම් ඉගෙන ගන්නා කාලයේ මාස්ටර් (සේනාධීර  රූපසිංහ )ඇයට බලහත්කාරකම් කරන විට ඇය බේරාගන්නේ තරුණයෙකි.(රෝයි හදපාන්ගොඩ)ඔහු මාස්ටර් විසින් ගැබ්බර කොට අනාථ කල ශිලා  (විජිත මල්ලිකා )ගෙසොහොයුරා වේ.පර්සි හා ඔහු ගේ මිතුරු නෝබට් (එච්.ඩී .කුලතුංග )මුණසිංහට පහර දෙනවිට බේරා ගන්නේ කීර්ති ය.මේ නිසා කීර්තිට වතු අධිකාරි පදවිය ලැබේ .පර්සි හා නෝබට් මුණසිංහ මරා දැමීමට කරන කුමන්ත්‍රණ සේවක සයිමන් හා බොරුවට මිත්‍ර වී සිටින දයා (නීටා ප්‍රනාන්දු )දැනගෙන කීර්තිට හෙළි කරයි.මේ අතර තිලක් ගේ ප්‍රේමය ගැන දන ගන්නා සමන්ති චන්ද්‍රිකා හා විවාහයට ඉඩදෙන ලෙස නැන්දනිය ගෙන ඉල්ලයි.මුණසිංහ පැහර ගත් පර්සි හා නෝබට් ඔහුව මරා දැමීමට තත් කරයි.මාස්ටර් සමන්ති පැහැර ගනී.අවසන් සටනේ දී තිලක් කීර්ති හා මාස්ටර් ගේ පරණ ගෝලයා ද එක්ව සතුරෝ පරාජය කරති.චන්ද්‍රිකා හා තිලක් ද  කීර්ති හා සමන්ති ද දයා ද නායක හාමුදුරුවෝ හමුවීමට යති.අමතර රංගනයට ජෝ අබේවික්‍රම,ක්ලැරිස් ද සිල්වා,හියුගෝ ප්‍රනාන්දු, දෙනවක හාමිනේ,දොන් සිරිසේන,පියදාස ගුණසේකර,බන්දු මුණසිංහ,ජෝසෙප් සෙනවිරත්න,ජෝ ලිවීරා,මාකස් පෙරේරා ,සුසන්ත රාජපක්ෂ දායක විය. මේ  ලිපිය සැකසීමේදී ආචාර්ය  නුවන් නයනජිත් කුමාර සුරින් ගේ ශ්‍රී ලාංකේය සිනමා වංශය ග්‍රන්ථයද  ගාමිණී වේරගම යන්  ගේ දේශීය සිනමා වංශය  ග්‍රන්ථයද  පරිශීලනය කළ බවද ඉසුර වික්‍රමාරච්චි  ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි