බක්මහ දීගේ - චිත්රපටය කතානාද සිනමාවේ 209 වැන්නයි .
බක් මහ දීගේ 1969.12.31 දින රියෝ හි විශේෂ දර්ශනයක් පවත්වන්නේ ලංකා අක්ෂි දාන සංගමයට ආධාර පිණිසයි. එය මහජන ප්රදර්ශනය අරඹන්නේ 1970.04.09 දින සිට එල්පින්ස්ටන් ප්රමුඛ සිලෝන් තියටර්ස් සමාගමේ ප්රදර්ශන ශාලා වලයි. නිෂ්පාදනය ප්ර්ජාපාල ශ්රී ගුනවර්දන වේ.අධ්යක්ෂණය දයානන්ද ගුනවර්දනයන් වේ.වේදිකා නාට්ය කරුවෙක් ලෙස මෙරට වේදිකාවේ තම නිර්මාණ පෞරුශය හා අනන්යතාව පලකල ගුනවර්දනයන් දක්ෂ රුපවෙදියකු වේ.නිව්මාන් ජුබාල් ගේ - වෙදහටන - නාට්ය රංගනයෙන් වේදිකාවට පිවිසියේය.මනමේ නාටකයට සර්ත්චන්ද්ර්යන් ගුනවර්දයන් තෝ රාගත්තද විභාග කටයුතු නිසා ඒ අවස්තාව ගිලිහිණි.කුරුළු බැද්ද ,රන්සළු ,සිහින හතක් ,වෙසතුරු සිරිත ,හා සද නැග එද්දී ගුනවර්දනයන් ගේ රංගනයන් වූ සිනමාපට වේ. - බක්මහ දීගේ - ඔහුගේම - බක්මහ අකුණු - වේදිකා නාටකය ඇසුරින් නිපදවූ චිත්රපටය වේ.ප්රංශ ජාතික පියරේ ඔගස්ටීන් කරන් ඩී .බෝමාෂ් නමැති නාට්ය කරුවාගේ මැරේජ් ඔෆ් පිගාරෝ වේදිකා නාටකය ත් ඒ ඇසුරින් ලොරෙන්සෝ ද පොන්ටේ විසින් ගීයට නගා මෝසාර්ට් නම් ප්රකට සංගීත වේදියා නිර්මාණය කල ඔපෙරාවක් පාදක කරමින් - බක්මහ අකුණු - රචනා කෙරිණි.කතාව තිර නාටකය සහ දෙබස් දයානන්ද ගුනවර්දනයන් වේ.කැමරා අධ්යක්ෂණය විලියම් බ්ලේක් ගෙනි.සංස්කරණය සුමිත්රා පීරිස් වේ.කළා අධ්යක්ෂණය ඊබට් විජේසිංහ වේ.ශබ්ද පරිපාලනය මර්වින් රොඩ්රිගෝ ගෙනි. නර්තන අධ්යක්ෂණය කමල් රත්නසිරි වේ.රසායනාගාර සහාය එස් තිරුනාවුකරසු වේ.චිත්රාගාරය හැදල විජය වේ.සංගීත අධ්යක්ෂණය සෝමදාස ඈල්විටිගලයන් ගෙනි.ගීත පදමාලාවන් ද දයානන්ද ගුනවර්දනයන් විසිනි .පසුබිම් ගායන සදහා පණ්ඩිත් අමරදේවයන්,විශාරද නන්දා මාලනී, ආචාර්ය වික්ටර් රත්නායක, අමිතා වැදිසිංහ,අතුල සෝමසිරි,ආදීන් දායක විය.ගීත 11 මෙහි අඩංගු විය.ආදර හැඟුම් , මලකින් මලකට , කන්ද උඩින් සඳ පායන් ලීලා, දියට නැමුණු මල් , අවි ගත් මදනායක, අහසේ සඳ පායා ආවා ,බක්මහටයි හෙන විදුලි ,සරිගමපා ,පබලිනෝ උඹ පබළු වැලදෝ, ගන්නම් පලි මම ගන්නම් ,මුදලි තුමනි එම ගීත විය.කතා සාරාංශය මෙසේය. මදනායක මුදලිතුමා - ඩැනියෙල් මුතුමාල - ගමේ අධිපතියා වේ ඔහුගේ බිරිද ලමාතැනි - අයිරාංගනී සේරසිංහ - ඉතා රුමත්ය.සුරූපී තරුණියක වන පබුලිනා - අනුලා කරුණාතිලක - ලමාතැනි ගේ සේවිකාව වේ.මුදලි ගේම සේවකයෙක් වන ජාසොං - එල්සන් දිවිතුරුගම - පබුලිනා හා විවාහ වීමට සිටි.එහෙත් ඔහු ගමේ ගැහැණු කෙනකු කරුණාවතී ගේ - චන්ද්රා කළුආරච්චි - පොරොන්දු පත්රයකට අත්සන් කොට මුදල් ලබා ගෙන තිබේ.නය ගෙවීමට නොහැකි වුව හොත් කරුණාවතී විවාහ කර ගැනීමට පොරොන්දුවක් වේ.පබුලිනා වසගයට ගැනීමට උතසාහ කරන මුදලි කපටි ලියන්නා පෙරේරා - ඩී .ආර්.නානායක්කාර - සමග එක්ව මේ පොරොන්දු පත්රය මත විවාහය ප්රමාද කරවයි.වලව්වේ සේවකයෙක් වන නව යොවුන් වියේ සිටින පේමදාස -ධර්මසිරි බණ්ඩාරනායක - ලමාතැනිටත් ,පබුලිනාටත් ,උයන්පල්ලා වන බයිසප්පු ගේ - ගාමිණී විජේසුරිය - දියණිය මැනිකාටත් - ශ්රියානි පෙරේරා - එකවර ආදරය කරයි.මේ පෙම් පලහිලව් ආදරය නිසා කොතෙකුත් වරදවා වටහා ගැනීම් ගැටුම් ද වේ.අවසානයේ පබුලිනා ලෙස සැරසී ලමාතැනි මලවත්තට එයි..මුදලි ගේ වංක සිත වෙනස් කර හොද මිනිසෙක් වේ.අවසානය හි මුදලි ලමාතතැනි පබුලිනා ජාසොං ද පේමදාස හා මැනිකාද ලියන්නා හා කරුණාවතී ද එකතුවේ. අකුණු ගසමින් බක්මහ වැහි වසී .අමතර රංගනයට ඇලෝයි ඩයස් අබේසිංහ ,ලුෂන් පෙරේරා ,නිමල් ගම්මුදලි ද එක්විය.සිනමාවේ පළමුවන ප්රහසන චිත්රපටය මෙයවේ. මේ ලිපිය සැකසීමේදී ආචාර්ය නුවන් නයනජිත් කුමාර සුරින් ගේ ශ්රී ලාංකේය සිනමා වංශය ග්රන්ථයද ගාමිණී වේරගම යන් ගේ දේශීය සිනමා වංශය ග්රන්ථයද පරිශීලනය කළ බවද ඉසුර වික්රමාරච්චි ගේ සිනමා තොරතුරු ජායාරුප ලබාගත් බවද ස්තුති පුර්වකව සටහන් කරමි.