අනතුරුව අසෝක සෙනරත් මුදලි මහතා සංවිධානය කළ උපහාර තිලිණ පිදීමක් දමිත් පොන්සේකා මහතා සිදු කරන ලදී. සිනමා රංග වේදී රෝයි ද සිල්වා මහතා වෙනුවෙන් උපක්හාර තිළිණය සුමනා අමරසිංහ මහත්මියට පිරිනැමුවේය. ටෙඩී විද්‍යාලංකාර මහතාට ද උපහාර තිළිණයක් පිරි නැමුවේය. ජයසේකර අපොන්සු මහතාටද උපහාර තිළිණයක් පිරිනැමීමට සුදානම්ව තිබිණි. ඒ මහතා නොපැමිණි නිසා ඒ වෙනුවෙන් සදුන් විජේසිරි මහතා එය භාර ගත්තේය. ඉන් පසුව සුමනා අමරසිංහ මහත්මිය සභාව අමතමින් රෝයි ද සිල්වා මහතාගේ සහ ගාමිණී ෆොන්සේකා මහතා ගේ සම්බන්ධය ගැන විසිතුරු ලෙස කතාවක් කළේය. එසේම ගාමිණී ෆොන්සේකා මහතා ගේ මහත්මාගුණය කැපවීම ගැනද සුමනා අමරසිංහ මහත්මිය පැහැදිලි කලාය. මීලගට සදුන් විජේසිරි කළා කරුවානෝ ගාමිණී ෆොන්සේකා ගේ ප්‍රතිභාව මහත්මා ගුණය නොසැලෙන අභිමානය සිනමාවට මෙන්ම සැමට දැක්වූ උදව් උපකාර මෙන්ම සමාජීය වශයෙන් ඔහු ලගාකරගත් උත්තරීතර තත්වයන් ගැනද විග්‍රහ කළේය. දමිත් ෆොන්සේකා මහත්මා පිය ගුණ වරුණ මෙන්ම පියාගේ කල උපකාර තරමට පියාට ප්‍රති උපකාර නොලබන බවත් අසෝක සෙනරත් මුදලි මහතා ගේ අගය කිරීම මේ කටයුතු අගය කලයුතු බවත් ප්‍රකාශ කළේය. සිනමාව වෙනුවෙන් දැනට ඒ මහතා කරගෙනයන සංරක්ෂණ කටයුතු ගැනද පැහැදිලි කිරීමක් කළේය. මේ සත්කාරයට දායකවූ සැමට තමන්ගේ ගෞරවය පිරිනමන බවද එතුමා සදහන් කළේය. ස්තුති කතාව අසෝක සෙනරත් මුදලි මහතා විසින් පවත්වන ලදී. ආනන්ද ගමගේ මහතාද ආනන්දනීය සිංහල සිනමාවේ කාර්ය භාරය ගැන සභාව දැනුවත් කළේය. අපේ වැඩ පිළිවෙලට නළුනිලි සහයෝගයක් ලබා දෙනලෙස ද ඉල්ලා සිටියේය. පැමිණි සියළු නළු නිළියන් ඊට හොද ප්‍රතිචාර දැක්වූවෝය. සහාවේ කටයුතු ජාතික ගීය ගයනා වෙන් අවසන් විය. ගරු ස්වාමීන් වහන්සේලා ගේ ලේ පරිත්‍යාගයන් කිරීම ඉන් අනතුරුව සිදුවිය. සියලු දෙනාට ආහාර පාන සමග කිරි පානයක් පිරිනමා සංග්‍රහයක් සිදුවිය. සිනමාවේ ඇති දැවැන්ත ක්වූ සක්විති ගාමිණී ෆොන්සේකා මහතා වෙනුවෙන් කළා ක්ෂේත්‍රයේ සම්මාදම නම් ඉතාම අවම බව කථිකයන් ගේ අදහස් දැක්වීමේදී කියවුන අතර මගේ සිතටත් එවැනි කුකුසක් ඇති වුනේ මේ ලංකාවේ හැටිද , යන අදහසයි. සිනමාවට ආදරය කරන අපි සියල්ලෝම ඒ සිතුවිලි ඇතිව එතනින් පිටමං වුවේය.
එසේම අප කෙරෙහි සෙනෙහසින් මගේ ආරාධනායෙන් වැඩම කොට ස්වේච්ඡාවෙන් ලේ පරිත්යාග කිරීමට ඉදිරිපත්වූ නැගෙනහිර වැලිවේරිය ශ්‍රී පුර්වාරමවාසී පුජ්‍ය ශාස්ත්‍රවේදී කඩිහිංගල ධම්මදස්සි හිමිපානන්ටත් පුජ්‍ය ඇඹිලිපිටියේ සුමේදානන්ද හිමිපානන්ටත් ආනන්දනීය සිංහල සිනමාව වෙනුවෙන් නමස්කාර පුර්වක ප්‍රණාමය පුදකර සිටිමු.
ගාමිණී ෆොන්සේකා මහතාගේ දියණිය ද මේ අවස්ථාවට සහභාගි වූ බව දන්වා සිටින්නෙමු.
No comments:
Post a Comment