1938 මයි මස 18 වන දින හල්පේ ලියන ගේ මොරිස් ජෝසප් සිල්වා උපත ලද්දේ මොරටුවේ පුවක්අරබේය. පියා මොරටුව නාගරික කවුන්සලයේ ඕවර්සියර් කෙනක් වූ අතර මව ගැලවීමේ හමුදාවේ සාමාජිකාවක් විය. මොරටුවේ මෙතෝදිස්ත හා ශාන්ත සෙබස්තියන් විදුහල් තුලින් අද්‍යාපනය ලද්දේය.
ආචාර්ය ඩී බී නිහාල්සිංහයන් අධ්‍යක්ෂණය කල තරුණ විය නමැති විත්ති කතා චිත්‍රපටයේ මුල්වරට රගපෑවේය. බාලවියේ සිටම ගායන රංගන කුසලතාව උපන් හැකියාවක්ව තිබිණි. ප්‍රෙඩී යන නාමය ජර්මන් ජාතික බොර්මන් මහත්මිය තබන ලද්දකි. පසු කලක මොහුගේ ගායන රංගන කුසලතාව හිටපු අග්‍රාමාත්‍ය ශ්‍රීමත් ජෝන් කොතලාවල මැතිතුමා ගේ ඇගයීමට ලක්විය. ඇලන්සන් මෙන්ඩිස් මහතා ලිවූ බාර් බාර් බාර් ගීතය ගයමින් අගමැති තුමාගේ ප්‍රසාදයට පත්විය. ඒ අනුව ගුවන්විදුලි ගායන ශිල්පියෙකු ලෙස රැකියාවක් ලබා ගැනීම සඳහා එහි ප්‍රධානි ලිවි විජේමාන්නයන් වෙත ඉදිරිපත් කළ කොතලාවලයන් ගේ නිර්දේශ ලිපිය ඉමහත් පිටුබලයක් විය. ප්‍රෙඩී සිල්වාගේ පළමු පටිගත කිරීම වූයේ "මොට්ටපාල"ගීතය වේ. මෙය ප්‍රේමකීර්ති අල්විස් සූරීන්ගේ පබදුමකි. සංගීතය යාවත්කාලීන කර ඇත්තේ පී. එල්.ඒ සෝමපාල විසිනි. ඉන්තුරුව ප්‍රේමකීර්ති අල්විස් සමග එක්ව ගීත රාශියක් ඉදිරිපත් කරන ලද්දේය. ඒවා අතර පොදු ජන මන පිනවූ ආරොන් මාමා, පාන් කිරිත්තා, නෑදෑයෝ, හදමාමා, කැකිල් රජ්ජුරුවෝ සුවිශේසී වේ. ප්‍රවීණ චිත්‍රපට අධ්‍යක්ෂක කේ ඒ ඩබ්ලිව් පෙරේරා ගේ හදුන්වාදීමෙන් 1963 සුහද සොහොයුරෝ චිත්‍රපටයට දායකවිය. රංගනය ගායනය දෙකම එහිවිය. දිය රැල්ල වෙරලේ හැපි හැපි ගීතය එදා සිටම අදත් ජනප්‍රිය වේ. ජෝ දේව් ආනන්දගේ සුජීවා චිත්‍රපටයෙන් ඉදිරියට ඔහු විකට නළුවෙක් පත්වූයේය. ප්‍රේක්ෂකයන්ට අමතක නොවන අලුත් කලාවක් හොයාගත්තමන් ගීයා ද අතිශය ජනප්‍රිය විය. රග නොපා පසුබිම් ගී ගැයූ අවස්ථාද වේ ලොකුම හිනාවේ පරණ කෝට් ගීය එල් එම් රංගනයට ප්‍රෙඩී ගී ගැයුවේය . ප්‍රෙඩී සිංහල සිනමාවට නැතිවම බැරි විකට නළුවෙක් වුවේය. සිනමා වේ අර්බුදකාරී සමයේ පවා ප්‍රෙඩී චිත්‍රපටවල ආදායම් වාර්තා තබන්න සමත්වූවේය සරසවි සම්මානයෙන් විකට නළුවෙක් ලෙස සම්මානලත් එකම නළුවා ද ඔහුවේ. රණ තිසර ජනාධ්පති සම්මානයෙන්ද ඔහු පිදුම් ලැබුවේය. විකට චරිත වලින් මිදුන සුවිශේෂී චරිත ද ඔහු කර ඇත. ළසදා චිත්‍රපටය ඉන් එකකි. එහි ජරමර අස්සේ මන් රංගනයට ජෝති ඔහුට පසුබිම් ගී ගැයුවේය. මමයි රජා හි දුෂ්ඨ යෙක්වුවේය. හාස්‍ය ජනක චිත්‍රපට වලද ප්‍රධාන චරිත කළේය. චෙරියෝ ඩොක්ටර්, ඔක්කොම කණපිට, ඔක්කොම හොදටයි, දුලීකා, සසර, මමයි රජා, නොම්මර 17, ජය සිකුරුයි, ජය අපටයි හා අංජානා ඒ අතර කැපී පෙනේ. සුකිරි කෙල්ල චිත්‍රපටයේ අංග විකල තරුණයා ද ඔහුගේ දස්කම් ප්‍රතිභාව මතුකළේය. මන්ත්‍රී නමැති වේදිකා නාට්‍යද ඔහුගේ නිර්මාණයක් විය පුංචිතිරේ ද ඔහු දස්කම් දැක්වුවේය. චිත්‍රපට 400 අධික ප්‍රමාණයක් ඔහු රගපා තිබේ. සුරේඛා, චලිත රංගාලි, ඔක්කොම හොදටයි ඔහු නිපදවූ චිත්‍ර පට වේ. සරල ගීත හා චිත්‍රපට ගී 400 ආසන්න ප්‍රමාණයක් ගායනාකොට තිබේ. කමලා සිල්වා මහත්මිය හා යුග දිවියේ එතුමිය අභාවප්‍රාප්ත වූවාය. චින්තා හේරත් සමගද විවාපත්විය. අවසානයේ ජනප්‍රිය රංගන ශිල්පිනියක සමග යුගදිවි ගෙව්වේය. ජනේෂ් සිල්වා, චාන්දනී සිල්වා, ප්‍රගීත් සිල්වා දුදරුවන් වේ. ඔවුන් ද පියාමෙන් කලාවට යොමුවිය. ජනේෂ් සිල්වා ද මේ වනවිට මෙලොවින් සමුගෙනය. ගීතයෙන් රංගනයෙන් දැක්ක දුටු පමණින් හාස්‍යය මතුකළ ඒ අසහාය කලාකරුවානන් 2001 ඔක්තෝම්බර් 29 දින දිවි රගමඩලෙන් බස ගියේය. ගතවූ කාලයත් අදත් හෙටත් මතුවටත් ඔහුගේ රංගනය ගායනය ප්‍රේක්ෂක ශ්‍රාවක හදවතේ නොමියේ .ආනන්දනීය සිංහල සිනමාවේ අපි එතුමා අභාවයට පත්ව වසර 18 නිමවන් දින එතුමා ජනමන හද පිනවූ සේවයට මෙසේ උපහාර පුදමු එතුමාට සගමොක් සුව පතමු .( ආචාර්ය නුවන් නයනජිත් කුමාර සුරින් ගේ ශ්‍රී ලංකේය සිනමා වංසය තුලින්ද තොරතුරු ලබා ගත් බව සෙනෙහසින් බැතියෙන් සටහන් කරමි)
ආචාර්ය ඩී බී නිහාල්සිංහයන් අධ්‍යක්ෂණය කල තරුණ විය නමැති විත්ති කතා චිත්‍රපටයේ මුල්වරට රගපෑවේය. බාලවියේ සිටම ගායන රංගන කුසලතාව උපන් හැකියාවක්ව තිබිණි. ප්‍රෙඩී යන නාමය ජර්මන් ජාතික බොර්මන් මහත්මිය තබන ලද්දකි. පසු කලක මොහුගේ ගායන රංගන කුසලතාව හිටපු අග්‍රාමාත්‍ය ශ්‍රීමත් ජෝන් කොතලාවල මැතිතුමා ගේ ඇගයීමට ලක්විය. ඇලන්සන් මෙන්ඩිස් මහතා ලිවූ බාර් බාර් බාර් ගීතය ගයමින් අගමැති තුමාගේ ප්‍රසාදයට පත්විය. ඒ අනුව ගුවන්විදුලි ගායන ශිල්පියෙකු ලෙස රැකියාවක් ලබා ගැනීම සඳහා එහි ප්‍රධානි ලිවි විජේමාන්නයන් වෙත ඉදිරිපත් කළ කොතලාවලයන් ගේ නිර්දේශ ලිපිය ඉමහත් පිටුබලයක් විය. ප්‍රෙඩී සිල්වාගේ පළමු පටිගත කිරීම වූයේ "මොට්ටපාල"ගීතය වේ. මෙය ප්‍රේමකීර්ති අල්විස් සූරීන්ගේ පබදුමකි. සංගීතය යාවත්කාලීන කර ඇත්තේ පී. එල්.ඒ සෝමපාල විසිනි. ඉන්තුරුව ප්‍රේමකීර්ති අල්විස් සමග එක්ව ගීත රාශියක් ඉදිරිපත් කරන ලද්දේය. ඒවා අතර පොදු ජන මන පිනවූ ආරොන් මාමා, පාන් කිරිත්තා, නෑදෑයෝ, හදමාමා, කැකිල් රජ්ජුරුවෝ සුවිශේසී වේ. ප්‍රවීණ චිත්‍රපට අධ්‍යක්ෂක කේ ඒ ඩබ්ලිව් පෙරේරා ගේ හදුන්වාදීමෙන් 1963 සුහද සොහොයුරෝ චිත්‍රපටයට දායකවිය. රංගනය ගායනය දෙකම එහිවිය. දිය රැල්ල වෙරලේ හැපි හැපි ගීතය එදා සිටම අදත් ජනප්‍රිය වේ. ජෝ දේව් ආනන්දගේ සුජීවා චිත්‍රපටයෙන් ඉදිරියට ඔහු විකට නළුවෙක් පත්වූයේය. ප්‍රේක්ෂකයන්ට අමතක නොවන අලුත් කලාවක් හොයාගත්තමන් ගීයා ද අතිශය ජනප්‍රිය විය. රග නොපා පසුබිම් ගී ගැයූ අවස්ථාද වේ ලොකුම හිනාවේ පරණ කෝට් ගීය එල් එම් රංගනයට ප්‍රෙඩී ගී ගැයුවේය . ප්‍රෙඩී සිංහල සිනමාවට නැතිවම බැරි විකට නළුවෙක් වුවේය. සිනමා වේ අර්බුදකාරී සමයේ පවා ප්‍රෙඩී චිත්‍රපටවල ආදායම් වාර්තා තබන්න සමත්වූවේය සරසවි සම්මානයෙන් විකට නළුවෙක් ලෙස සම්මානලත් එකම නළුවා ද ඔහුවේ. රණ තිසර ජනාධ්පති සම්මානයෙන්ද ඔහු පිදුම් ලැබුවේය. විකට චරිත වලින් මිදුන සුවිශේෂී චරිත ද ඔහු කර ඇත. ළසදා චිත්‍රපටය ඉන් එකකි. එහි ජරමර අස්සේ මන් රංගනයට ජෝති ඔහුට පසුබිම් ගී ගැයුවේය. මමයි රජා හි දුෂ්ඨ යෙක්වුවේය. හාස්‍ය ජනක චිත්‍රපට වලද ප්‍රධාන චරිත කළේය. චෙරියෝ ඩොක්ටර්, ඔක්කොම කණපිට, ඔක්කොම හොදටයි, දුලීකා, සසර, මමයි රජා, නොම්මර 17, ජය සිකුරුයි, ජය අපටයි හා අංජානා ඒ අතර කැපී පෙනේ. සුකිරි කෙල්ල චිත්‍රපටයේ අංග විකල තරුණයා ද ඔහුගේ දස්කම් ප්‍රතිභාව මතුකළේය. මන්ත්‍රී නමැති වේදිකා නාට්‍යද ඔහුගේ නිර්මාණයක් විය පුංචිතිරේ ද ඔහු දස්කම් දැක්වුවේය. චිත්‍රපට 400 අධික ප්‍රමාණයක් ඔහු රගපා තිබේ. සුරේඛා, චලිත රංගාලි, ඔක්කොම හොදටයි ඔහු නිපදවූ චිත්‍ර පට වේ. සරල ගීත හා චිත්‍රපට ගී 400 ආසන්න ප්‍රමාණයක් ගායනාකොට තිබේ. කමලා සිල්වා මහත්මිය හා යුග දිවියේ එතුමිය අභාවප්‍රාප්ත වූවාය. චින්තා හේරත් සමගද විවාපත්විය. අවසානයේ ජනප්‍රිය රංගන ශිල්පිනියක සමග යුගදිවි ගෙව්වේය. ජනේෂ් සිල්වා, චාන්දනී සිල්වා, ප්‍රගීත් සිල්වා දුදරුවන් වේ. ඔවුන් ද පියාමෙන් කලාවට යොමුවිය. ජනේෂ් සිල්වා ද මේ වනවිට මෙලොවින් සමුගෙනය. ගීතයෙන් රංගනයෙන් දැක්ක දුටු පමණින් හාස්‍යය මතුකළ ඒ අසහාය කලාකරුවානන් 2001 ඔක්තෝම්බර් 29 දින දිවි රගමඩලෙන් බස ගියේය. ගතවූ කාලයත් අදත් හෙටත් මතුවටත් ඔහුගේ රංගනය ගායනය ප්‍රේක්ෂක ශ්‍රාවක හදවතේ නොමියේ .ආනන්දනීය සිංහල සිනමාවේ අපි එතුමා අභාවයට පත්ව වසර 18 නිමවන් දින එතුමා ජනමන හද පිනවූ සේවයට මෙසේ උපහාර පුදමු එතුමාට සගමොක් සුව පතමු .( ආචාර්ය නුවන් නයනජිත් කුමාර සුරින් ගේ ශ්‍රී ලංකේය සිනමා වංසය තුලින්ද තොරතුරු ලබා ගත් බව සෙනෙහසින් බැතියෙන් සටහන් කරමි)
No comments:
Post a Comment