ඩොමී ජයවර්ධන මහතා අපේ කාලේ දුෂ්ඨයා ගැන කියවමු.

ඕබඩගේ ඩොමී ජයවර්ධන 1927 ජුනි 25 - උපත ලබන්නේ අම්බලන්ගොඩ මීටියාගොඩදීය කෝට්ටේ ආනන්ද ශාස්ත්‍රාලයෙන් හා ගල්කිස්ස සාන්ත තෝමස් විද්‍යාලයෙන් අධ්‍යාපනය ලැබූ හේ පාසල් වේදිකාවේ ද රංගන ශිල්පියෙක් විය. පොල් පර්යේෂණ ආයතනයේ පර්යේෂණ නිලධාරියකු ලෙස සේවය කළේය. 1943 අම්බලන්ගොඩ වේදිකා ගතවූ නන්දන කීර්ති ගේ නාට්‍යයක් නරඹා එහි රග පෑ නිළියකට වශිකෘතව සිටියේය. ඒ නෝනා සුබෙයිදා රංගන ශිල්පිනිය වේ. ඒ පිළිබදව හැගීම කොතෙක්ද කියතහොත් නන්දන කීර්තිගේ නාට්‍ය කණ්ඩායමට ඩොමී එක්විය. සිහිනය නාට්‍ය මෙන්ම අසෝකමාලා නාට්‍යද ඩොමී නෝනා සුබෙයිදා සමග රග පෑවේය. අවසානයේ නෝනා සුබෙයිදා සමග ඩොමී විවහා දිවියට පත් වුවේය. විවාහයෙන් පුතුන් දෙදෙනකු වීය. නිහාල් ජයවර්ධන රෝයි ජයවර්ධන ඒ දෙදෙනාවේ. ඔවුන්ද කළා ලොවට පිවිසියෝය. සිරිල් පී අබේරත්නයන් ගේ නාට්‍ය වලද ඩොමී රගපෑවේය. පසුව සිරිල් පී ගේ හදුන්වාදීම මගපෙන්වීම මත සිනමාවට එක්වුවේය. ඔහු ප්‍රථම වරට 1953 සුජාතා චිත්‍රපටයේ විකී නැමති දුෂ්ඨ චරිතය සමග රිදී තිරය මත පැවුවේය. ඔහු හින්දි සිනමාවේ ප්‍රාන් වැනි දුෂ්ටඨ චරිත නිරූපණය කරමින් කීර්තියක් අත්කර ගත්තේය. ශ්‍රී ලාංකික කීර්තිමත් නළුවෙක් සහ ගායකයෙක් ද විය. සිනමාවේ දුෂ්ඨම චරිත ඉතාම දක්ෂ ලෙස රංගනය කල හේ වලව් චරිත වලට නම් ඉහලම පෞරුෂයක් ඇති රංග ධාරියායි කීවොත් එය අතිශෝක්තියක් නොවේ. ඩොමී චිත්‍රපට 51 කට අධික ප්‍රමාණයක් රංගනයට දායක වී තිබේ. සුජාතා චිත්‍රපටයෙන් වූ ආරම්භය 1980 ටක් ටික් ටුක් චිත්‍රපටයෙන් අවසන්විය. ඒ චිත්‍රපටය රිදී තිරයට එනවිට ජයවර්ධනයන් දිවි සිනමාවෙන් ද සමුගෙනය. වරද කාගේද, රදල පිළිරුව, චණ්ඩියා, හතර මහා නිධානය, ආත්ම පුජා, කවුද හරි, ලසදා, හිගන කොල්ලා, හිතුවොත් හිතුවාමයි හාමු චරිත සදානුස්මරණීය වේ. එසේම තමන් සංවේදී බව දක්වන රංග ප්‍රතිභාවද දරුදුක, ලයට ලය, සැමියා බිරිදගේ දෙවියාය චිත්‍රපට තුලින් මනාව මතු කළේය. ඒවා දුර්ලභ සානුකම්පිත රංගනයන්‍ය. ඩොමී චිත්‍රපට දෙකක් අධ්‍යක්ෂණය කළේය. ඒ දරු දුක සහ සිංගප්පූරු චාලි යන චිත්‍රපට දෙකයි. ළසදා චිත්‍රපටයේ හාමු හේ රංගනය ඉතා විශිෂ්ඨයි. එහි ගෙදර හිටිය රෝස කැකුල ගී රංගනය අගේ කල යුතුවේ. කවුද හරි චිත්‍රපටයේ මී මැස්සෝ ඔබයි මමයි එදා මෙන්ම අපේ හදවත් තුල නොමැකේ. එසේම වනමලට ආසාවේ වනබමරා ආවාසේ ගීත රූපරාමු ප්‍රේක්ෂක හදවතේ නොමැකේ. රදල පිළිරුව, සිහිනය, සුජාතා චිත්‍රපටවල පසුබිම් ගායනය ද කළේය. සරසවි සම්මානයන්ද ඔහු ලබා ඇත. ශ්‍රී ලංකා ජාතික චිත්‍රපට සංස්ථාව පිහිටවීමට ද එතුමා පුරෝගාමිවිය. කෘත හස්ත ප්‍රතිභාවෙන් අනුන රංගශිල්පියානෝ 1979 දෙසැම්බර් 28 වන දින 52 වසරේ දී එතුමා මෙලොවින් සමුගත්තේය. ඩොමී ජයවර්ධන අනුස්මරණ දිනයක් 2000 ජනවාරි 8 වන දින කොළඹ ජෝන් ද සිල්වා අනුස්මරණ ශාලාවේදී පැවැත්විණි. ප්‍රේක්ෂක හදවත් තුල එතුමා ගේ රංග ප්‍රතිභාව අදත් සදානුස්මරණීය වේ ...(ආචාර්ය නුවන් නයනජිත් කුමාර මහතාගේ ශ්‍රී ලාං