1922 මැයි 19 වන දින ඉබුල්ගොඩ ප්‍රදේශයේ උපත ලැබූ ලිලියන් එදිරිසිංහ සහෝදර සහෝදරියන් 11 දෙනෙකුගෙන් යුත් පවුලක හත්වැන්නා විය . ඇගේ පියා ලුවිස් එඩිරිසිංහ ගොවියෙකු වූ අතර මව කළු කන්කානමලාගේ පොඩි නෝනා ගෘහණියක් විය. ඇය වර්තමානයේ පැරකුම්බා මහා විද්‍යාලය ලෙස හැඳින්වෙන කොස්සින්නේ පරකන්දෙනිය විද්‍යාලයේ ඉගෙනුම ලබා ඇත ඇය පාසල් නාට්‍යවල රඟපෑමට පටන් ගත් අතර ලක්ෂ්මි බායිගේ දැඩි රසිකයෙකි. මොහමඩ් ගවුස් මාස්ටර් යටතේ කලාව හැරු එතුමිය 1940 දී "බිහිසුණු ලංකාව "නාට්‍යයේ රගපාමින් කළා ලොවට අවතීර්නය විය. ඇය 1942 දී විවාහ වූ අතර යුවළ පුතෙකු බිහි කළහ.අගේ දරුවා , මාස දෙකකට පසු මිය ගියේය. ඇගේ සැමියා ද වැඩි කල් නොගොස් මිය ගියේයපසුව හුදකලාව හා වේදනාව මකාගනු වස් .දිගටම රංගන කාර්යයේ නිරත වන්නට ඇය තීරණය කළේය හර්බට් එම්. සෙනෙවිරත්න බී. ඒ.ඩබ්ලිව් ජයමාන්න යන ප්‍රවීනයන් ගේ මගපෙන්වීමෙන් මෙතුමිය සිනමාවට පිවිසියේය .1954 අයිරාංගනී චිත්‍රපටයේ ඉස්කෝලේ හාමිනේ ගේ චරිතය තුලින් මෙතුමිය විටෙක පවුලේ සමගිය බිද දමන තරුණ පරපුර නොමගට යවන ගැහැනියක ලෙස භූමිකාවක් මවමින් ප්‍රේක්ෂකයා ගේ වයිරයට බදුන් වූ අතර වරෙක දක්ෂ බොක්සින් ක්‍රීඩිකාවක් ලෙස ප්‍රේක්ෂකයා හාස්‍යයෙන් මුසපත් කළේය.මේ ආරම්භයත් සමග විවිධ චරිත ඔස්සේ ඇය සිනමා දිවිය තුල ඇති මහත් රංගන කාර්යක් ඉටු කළේය. ශ්‍රී ලංකා සිනමාව, වේදිකා නාට්‍ය හා රූපවාහිනිය යන අංශවල සම්මානලාභී නිළියකි. ශ්‍රී ලංකා සිනමා ඉතිහාසයේ පැරණිතම ය අතරින් සුවිශේසී රංගන ශිල්පිනියක් වන මෙතුමිය දශක හතරකට වැඩි කාලයක් පුරා මූලික වශයෙන් දුෂ්ට හා ප්‍රහසන චරිත නිරූපණය කළ වෘත්තිය රංගන ශිල්පිනියකි 1954 ආරම්භවූ සිනමා ආගමනය 1996 හිත හොද ගැහැනියක් චිත්‍රපටය දක්වාම විහිදී ගිය අතර චිත්‍රපට 150 ප්‍රමානයකට රංගන දායක වී තිබේ.සිනමාවට නැතිවම බැරි නිලියක් ලෙස ද ඇය හදුන්වා දිය හැක." දීපසිකා" "සරසවිය " සම්මානයන් ගෙන්ද ඈ පිදුම් ලැබීය. එකම වසරේ චිත්‍රපට වැඩිම ගණනක් රග පෑ නිළිය ලෙස ඈ සම්මානයට පාත්‍රවුවාය ඒ 1966 වසරේ චිත්‍රපට 12 රගපෑම වෙනුවෙනි.එතුමිය රංගනය කල චිත්‍රපට අතර... සැඩ සුළං...සුරතලි ..සුන්දර බිරිද ....කුරුළු බැද්ද ...අල්ලපු ගෙදර ...දරුදුක ...ලසදා ..කෝලං කාරයෝ ...කැකිල්ලේ රජ්ජුරුවෝ ..ඇර සොයිසා ..අනුරාගම් ..වාසනා ..ආදී චිත්‍රපට වල චරිත වඩාත්ම ප්‍රේක්ෂක මන බැද ගත්තේය .ප්‍රේක්ෂකයා හාස්‍යයෙන් කුල්මත් කිරීමට රංගනය මෙන්ම එතුමිය ගේ ස්ථුල ශරීර ස්වභාවයද හේතුවිය .කටකාර හැපිචෝල් චරිත මනාවට රංගනය කිරීමට එතුමිය දක්ෂ වුවේය .මෙතුමිය ගේ රංගන ප්‍රතිභාව තුල අයිරාංගනී හි ඉස්කෝලේ හාමිනේ... දෙයින් ගේ රටේ බබම්මා... සිහිනයේ චන්ද්‍රා ගේ මව... සුදු සදේ කළු වලාහි... මැණිකේ ගේ මව.. දීපසිකා සුමනා... සුලලිත් සෝබනී පොඩි හාමි.... සසරක හැටි ලුන්සිනා.... අල්ලපු ගෙදර බේබි... සැකයේ මදුරි ගේ මව.... සිහින හතක බේබිනෝනා... දරු දුක ඔමරි හාමි.... කවුද හරි රන්සිනා... ලොකුම හිනාවෙ එන්ගල්සිනා... ලසදා කදිරම්මා... වාසනා නර්ස් නෝනා... සුදු පරවියෝ අංගෝ කැපී පෙනෙන චරිතවේ . 1993 දෙසැම්බර් 26 දින එතුමිය දිවි රග මඩලෙන් බැස ගියාය. නමුත් එතුමිය දායකත්වය දැරූ රංගනයන් අදත් ලොකු කුඩා කාගේත් හදවතේ ලැගුම් ගෙන පවතී.සිනමාවේ ඇති දැවැන්තයන් මෙන්ම මේ චරිතද නැවත මවා පෑමට හැකි මෙවැනි ශිල්පිනියන් සිංහල සිනමාවේ නැවත බිහිවෙනු නොසිතිය හැකි දුලබ දෙයකි. ...ආනන්දනීය සිංහල සිනමාවේ සහුර්දයන් ගේ ගෞරාවය ප්‍රණාමය සමග ලිලියන් එදිරිසිංහ රංගන ශිල්පිනියට අපි නිවන් සුව පතමු..... .මේ ලිපිය සැකසීමේ දී සරසවිය කතෘ ජනකාන්ත ලේඛක සම්මානනීය විචාරක මාධ්‍යවේදී ආචාර්ය නුවන් නයනජිත් කුමාරයන් ගේ ශ්‍රී ලාංකේය සිනමා වංශය ද උපයෝගි කරගත්බව ගෞරවයෙන් සදහන් කරමි ....
No comments:
Post a Comment